Boeing 737-800 frá China Airlines á leið frá Osaka í Japan til Kaohsiung í Taíwan var í 38.000 fetum, skammt norður af Okinawa, þegar flugmenn vélarinnar urðu varir við að eldsneytismagn vélarinnar lækkaði óeðlilega mikið. Ákveðið var að lenda á Naha-flugvellinum í Okinawa þar sem vélin lenti 30 mínútum síðar.

Fluginu var aflýst og farþegar bókaðir með öðru flugi til Kaohsiung og öðru flugi til Taipei. China Airlines segir að ekki sé enn vitað hvað olli því að eldsneytið um borð minnkaði en verið sé að rannsaka orsökina.