Boeing 787-9 frá ANA (All Nippon Airways) var í flugtaki frá Haneda-flugvellinum í Tókýó áleiðis til Fukuoka þegar bilun kom upp í vinstri Trent 1000 hreyfli vélarinnar í 12.000 fetum. Flugmennirnir slökktu á hreyflinum og snéru við til Haneda-flugvallar þar sem vélin lenti giftusamlega 40 mínútum eftir flugtak.

Önnur Boeing 787-9 þota var tiltæk sem flaug til Fukuoka með seinkun upp á þrjár klukkustundir.