flugfréttir
Seattle, Stokkhólmur og Köben verða breiðþotuáfangastaðir
- Daglegt morgunflug til Köben með Boeing 767 eftir áramót
29. ágúst 2016
|
Frétt skrifuð kl. 11:55
Boeing 767 („Svörtuborgir“) í lendingu í Minneapolis
Breiðþotum í flota Icelandair á eftir að fjölga eftir áramót en eins og áður hefur komið fram gekk Icelandair frá kaupum á tveimur Boeing 767 þotum til viðbótar í vor sem munu bætast við flotann í vetur.
Með því mun Boeing 767 vélunum fjölga úr tveimur í fjórar breiðþotur næsta sumar en jafnframt
þýðir það fjölgun breiðþotuáfangastaða í leiðarkerfi Icelandair.
Stokkhólmur og Kaupmannahöfn eru meðal þeirra borga sem Icelandair mun fljúga til með Boeing 767
breiðþotunum og það daglega til Köben.
Icelandair mun byrja að nota Boeing 767 í Kaupmannahafnarflugið á laugardögum og sunnudögum
strax í vetur frá og með 12. nóvember en hingað til var upphaflega gert aðeins ráð fyrir breiðþotuflugi
á laugardögum til CPH.
„Svörtuborgir“ í Keflavík þann 2.maí í vor
Eftir áramót verður flogið daglega til Kaupmannahafnar með Boeing 767 frá og með 2. febrúar 2017 og er um að ræða
morgunflugið, flug FI204, sem fer frá Keflavík kl. 8:00 og kl. 13:20 frá Kaupmannahöfn sem flug FI205.
Þá mun Icelandair frá og með 17. febrúar 2017 fljúga þrisvar í viku til Stokkhólms með Boeing 767
breiðþotunum, á þriðjudögum, fimmtudögum og laugardögum.
Seattle verður einnig gerður að breiðþotuáfangastað en frá og með 17. febrúar verður flogið á sunnudögum,
þriðjudögum og föstudögum til SEA með Boeing 767 fram til 2. maí 2017.
Icelandair flaug fyrsta flugið með Boeing 767 vélunum þann 1. maí í vor en fyrsti áfangastaðurinn var New York JFK
og var flogið þangað með TF-ISN („Svörtuborgir“) en 9 dögum síðar kom seinni Boeing 767 þotan til landsins, þann 10. maí, sem var TF-ISO
en sú vél fékk nafnið „Hlöðufell“.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
