flugfréttir

Svæðisstjóri Reykjavíkurborgar tengist Valsmönnum

- Dró úr söluverðmæti lóðarinnar um helming m.a.v. mat fasteignasala

8. september 2016

|

Frétt skrifuð kl. 08:07

Deilan um aðkomu borgarinnar að Reykjavíkurflugvelli og sölu á landi í Vatnsmýrinni til Valsmanna hf. hefur verið einn umdeildasti hlutinn í flugvallarmálinu en um er að ræða hagsmunamál sem varðar alla þjóðina að sögn flugmanna og þingmanna auk fleiri aðila í samfélaginu.

Flugmenn og aðilar í fluginu hafa bent ítrekað á alvarlega aðför að flugöryggi þar sem ákvarðanartökur hafi verið gerðar eftir hentisemi í þeim tilgangi að uppfylla vilja og óskir fjárfesta þar sem alþjóðareglur um flugöryggi hafa verið virtar að vettugi.

Reykjavíkurborg hefur verið gagnrýnd fyrir að hafa verið með óhreint mjöl í pokahorninu hvað varðar sölu á landi í Vatnsmýrinni sem hefur átt sinn hlut í lokun neyðarbrautarinnar en meðal þeirra sem gagnrýna starfshætti Reykjavíkurborgar er m.a. stjórnmálamenn og þar á meðal Ögmundur Jónasson, þingmaður, auk fleiri þingmanna á Alþingi.

Fljótlega eftir útkomu greiningar Isavia á nothæfisstuðli Reykjavíkurflugvalla, sem unnin var af Eflu verkfræðistofu, vöknuðu efasemdir flugmanna og flugvallarvina um áreiðanleika niðurstöðu skýrslunnar.

Skýrslan varð fyrir enn meiri gagnrýni á meðal flugmanna og flugfólks þegar í ljós kom að Guðmundur Þorbjörnsson, framkvæmdastjóri EFLU, væri einn hluthafa í Valsmönnum hf., sem er framkvæmdaraðili Hlíðarendasvæðisins, og að hann hafi árið 2002 verið einn meðlima þarfagreiningarnefndar Valsmanna sem vann að skipulagningu Hlíðarendasvæðisins en framkvæmdir á svæðinu eru nú þegar hafnar.

Frá Fluggörðum við Reykjavíkurflugvöll

Á dögunum var birt grein þar sem í ljós kom að verkfræðistofan EFLA, sem var fengin til þess að reikna nýtingarstuðul flugvallarins, á lóð í Vatnsmýrinni sem bendir til þess að verkfræðistofan hafi ekki verið hlutlaus aðili er kemur að því að leggja mat á lokun flugbrautar sem rennir stoðum undir þá kenningu að verkfræðistofan átti mikilla hagsmuna að gæta.

Öryggisnefnd félags íslenskra atvinnuflugmanna hefur gagnrýnt skýrslu EFLU og hefur verið bent á ýmsa vankanta í innihaldi hennar sem er ekki í samræmi við skýrslu NLR (Netherlands Aerospace Center), sem út kom út árið 2006, þar sem gefið var til kynna að ekki væri ráðlegt reka flugvöllinn í Vatnsmýrinni með tveimur brautum án verulegrar skerðingar á flugöryggi.

Deildarstjóri Reykjavíkurborgar, sem hefur tengst Val sterkum böndum til margra ára, kom að samþykkt á sölu byggingarreit við neyðarbrautina

Þá hefur einnig komið í ljós að að aðili sem tengist íþróttafélaginu Val, Hrólfur Jónsson, gengdi eitt sinn starfi formanns badminton-deildarinnar í nokkur ár, var þjálfari yfir deildinni, sat í þarfagreiningarnefnd Vals og var þar áður í byggingarnefnd félagsins.

Hrólfur, sem er fyrrverandi slökkviliðsstjóri, starfar í dag sem skrifstofustjóri hjá atvinnu- og eignarþróunarsviði Reykjavíkurborg en sá hinn sami lét meta verðmæti lóðar í Vatnsmýrinni, við enda neyðarbrautarinnar, mun lægra þegar til stóð að selja byggingarlandið til eignarhaldsfélagsins S8 ehf. sem gerði ráð fyrir að reisa eitt stærsta hótel landsins á svæðinu.

Hrólfur Jónsson, skrifstofustjóri hjá atvinnu- og eignarþróunarsviði
Reykjavíkurborg

Hrólfur Jónsson, skrifstofustjóri eigna- og atvinnuþróunar Reykjavíkurborgar, starfaði með Guðmundi Þorbjörnsyni, framkvæmdastjóra EFLU, í þarfagreiningarnefnd Valsmanna árið 2002 en aðrir meðlimir voru Sigurður Lárus Hólm, Torfi Magnússon, Úlfar Másson og Kristján Ásgeirsson, en hann starfar sem arkitekt hjá Alark arkitektum og teiknaði hann útlit byggðarinnar við Hlíðarendaskipulagið.

Hrólfur hóf störf hjá Reykjavíkurborg árið 2004 og hefur verið áberandi í umræðunni um uppbyggingu Vatnsmýrarinnar og nauðsyn þess að loka þurfi flugvellinum í Vatnsmýrinni en árið 2013 var hann skipaður í fjögurra manna starfshóp á vegum innanríkisráðherra og borgarstjóra um endurbætur á aðstöðu fyrir farþega og þjónustuaðila á Reykjavíkurflugvelli en hluti af því samkomulagi var að neyðarbrautinni yrði lokað.

Þann 30. september birtist frétt á ruv.is þar sem greint var frá úthlutun Reykjavíkurborgar til eignahaldsfélagsins S8 sem hafði áform um að reisa 360 herbergja hótel í Vatnsmýrinni á mörkum Hlíðarendareitsins sem átti að vera samtals 18 þúsund fermetrar á stærð en fyrirtækið S8 ehf. er í eigu Jóhanns Halldórssonar, fjárfestis.

Íþróttamannvirki Vals við Hlíðarenda

Tvær fasteignasölur höfðu metið verðið á byggingarreitnum á Hlíðarendalóðinni út frá möguleikum til íbúabyggðar, atvinnuhúsnæðis eða fyrir hótelrekstur en annar fasteignasalinn taldi að hver byggingarfermetri væri metinn á 93.000 krónur á meðan önnur fasteignasala mat fermeterinn á 70.000 krónur.

Reykjavíkurborg seldi lóðina hinsvegar á 700 milljónir króna sem samsvarar aðeins 40.000 krónur á hvern fermeter sem er helmingi lægra en verðmatið frá fasteignasölunum tveimur.

Hrólfur Jónsson sagði í frétt ruv.is í september í fyrra að hann teldi að borgin hafi ekki séð ástæðu til þess að styðjast við verðmat lóðarinnar með tilliti til hótelsreksturs þrátt fyrir að vitað var að þarna væri gert ráð fyrir hóteli.







  fréttir af handahófi

FAA gagnrýnir Boeing fyrir öryggis- og eftirlitsmál

12. nóvember 2021

|

Bandarísk flugmálayfirvöld (FAA) hafa sent Boeing bréf þar sem bent er á að sumir verkfræðingar sem flugvélaframleiðandinn hefur gert að eftirlitsmönnum til þess að meta öryggisatriði, taka viðtöl og

Atlas Air pantar fjórar Boeing 777 fraktþotur

6. janúar 2022

|

Fraktflutningafélagið Atlas Air tilkynnti í dag að félagið hafi lagt inn pöntun í fjórar nýjar Boeing 777 fraktþotur.

Boeing tekur fyrstu skóflustungu að viðhaldsmiðstöð í Flórída

2. nóvember 2021

|

Boeing hefur tekið fyrstu skóflustunguna að nýrri viðgerðar- viðhalds- og tæknimiðstöð í Jacksonville í Flórída sem verður allt að 34.000 fermetrar á stærð.

  Nýjustu flugfréttirnar

ESB segir engar sannanir fyrir draugaflugferðum

17. janúar 2022

|

Evrópusambandið segir að ekki séu neinar heimildir fyrir því að flugfélög séu að neyðast til þess að fljúga tómum flugvélum til áfangastaða af ótta við að missa lendingarplássin ef þau fljúgi ekki þa

FAA: Helmingur flugferða öruggar í bili gagnvart 5G

17. janúar 2022

|

Bandarísk flugmálayfirvöld (FAA) hafa lýst því yfir að búið sé að ganga úr skugga um að nær helmingur þeirra flugvéla sem fljúga áætlunarflug í Bandaríkjunum séu öruggar gagnvart 5G fjarskiptatíðninn

Helmingur starfsmanna hjá Air Malta verður sagt upp

16. janúar 2022

|

Flugfélagið Air Malta hefur tilkynnt um umfangsmikinn niðurskurð og stendur til að fækka starfsmönnum um allt að helming í þeim tilgangi að ná fram hagræðingu á ný í rekstri.

Norse fær leyfi til að hefja flug til Bandaríkjanna

14. janúar 2022

|

Nýja norska flugfélagið Norse Atlantic Airways fékk í dag grænt ljós frá bandarískum flugmálayfirvöldum fyrir áætlunarflugi til Bandaríkjanna og er félagið því komið með leyfi til að hefja flug til Am

Stormaði inn í stjórnklefa á 737 MAX og olli skemmdum

14. janúar 2022

|

Farþegi olli skemmdum í stjórnklefa á Boeing 737 MAX þotu frá American Airlines er hann stormaði inn í stjórnklefann á flugvélinni fyrir brottför á flugvellinum í borginni San Pedro Sula í Hondúras í

Hóf flugtaksbrun á meðan önnur þota var á brautinni

13. janúar 2022

|

Alvarlegt atvik kom upp um síðastliðna helgi á flugvellinum í Dubai er farþegaþota af gerðinni Boeing 777 frá Emirates hóf flugtaksbrun án heimildar frá flugumferðarstjórum á sama tíma og önnur þota

Fyrsta A319 þotan í nýju litum ITA Airways

13. janúar 2022

|

Nýja ítalska flugfélagið ITA (Italia Trasporti Aereo), einnig þekkt sem ITA Airways, hefur birt myndir af fyrstu Airbus A319 þotunni sem hefur verið máluð í nýju litum félagsins.

Áframhaldandi bataferli í fluginu þrátt fyrir Ómíkron

12. janúar 2022

|

Alþjóðasamtök flugfélaganna (IATA) segja að áframhaldandi bataferli hafi verið í fluginu í heiminum í nóvember sl. í kjölfar heimsfaraldursins og hafi eftirspurn eftir millilandaflugi og flugi milli

Icelandair flýgur til Rómar, Alicante og Nice í sumar

12. janúar 2022

|

Icelandair hefur birt sumaráætlun sína fyrir sumarið 2022 og eru þar fjórir nýir áfangastaðir kynntir til leiks, þrír í Evrópu og einn í Norður-Ameríku en félagið hefur bætt við í leiðarkerfið Róm, A

Einhver ár í að flug um Heathrow verði með eðlilegum hætti

11. janúar 2022

|

John Holland-Kaye, framkvæmdarstjóri Heathrow-flugvallarins í London, varar við því að það gæti tekið einhver ár þangað til að flugumferð um flugvöllinn verður aftur orðin með eðlilegum hætti líkt o

 síðustu atvik

  2019-01-01 20:20:00