flugfréttir
Óprúttinn aðili fór inn á ATC-tíðni og gabbaði Boeing 737 í go-around
- Hefur 15 sinnum komist inn á tíðnina á Melbourne og valdið usla
10. nóvember 2016
|
Frétt skrifuð kl. 07:46
Boeing 737-800 þota Virgin Australia á Tullamarine-flugvellinum í Melbourne
Farþegaþota í Ástralíu hætti við lendingu í aðflugi að flugvellinum í Melbourne í kjölfar gabbs en í ljós kom að einhver óprúttinn aðili hafði gefið flugmönnum fölsk fyrirmæli í gegnum sömu tíðni og flugumferðarstjórnin notar og beðið vélina um að hætta við lendingu.
Um var að ræða farþegaþotu frá Virgin Australia af gerðinni Boeing 737-800 sem var að lenda á Tullamarine-flugvellinum (MEL) þann 27. október sl. eftir
flug frá Gold Coast en eftir hin dularfullu fyrirmælin tóku flugmenn vélarinnar ákvörðun um að hætta við lendingu
og fóru í fráflug („go around“).
Á Flightradar24.com mátti sjá hvar vélin hætti við lendingu í aðeins 200 fetum og byrjaði að klifra aftur og fór í 3.800
fet þar sem hún hringsólaði um stund í nágrenni Melbourne.
Talið er að einhverjum aðila hafi tekist að brjóta sér leið inn á sömu tíðni og flugumferðarstjórar og flugmenn
nota á flugvellinum og tekið þátt samskiptum sem aðeins eiga að eiga sér stað á milli flugturns og flugmanna.
Frá flugvellinum í Melbourne í Ástralíu
Síðar um kvöldið gabbaði sami aðilinn flugturninn þar sem hann þóttist vera flugmaður á fisflugvél í vanda og
tilkynnti um vélarbilun.
Eftir að flugumferðarstjórar gerðu sér grein fyrir gabbinu létu þeir aðra flugmenn í nágrenninu
vita og báðu þá um að hunsa þessi skilaboð þar sem um óprúttan aðila væri að ræða sem væri að misnota tíðnina.
Lögregla hefur hafið rannsókn á atvikinu en í ljós hefur komið að þessi sami aðili hefur á sl. tveimur vikum
leikið þennan leik í a.m.k. 15 skipti með því að fara inn á flugumferðartíðnina.
Flugmenn hjá Virgin Australia hafa verulegar áhyggjur af þessu og hafa sent erindi varðandi málið til
ástralskra yfirvalda og segja að öryggi í flugi sé forgangsatriði og geti skapast mikil hætta ef utanaðkomandi
aðili er að villa fyrir flugmönnum og flugumferðarstjórum á tíðninni með gabbi.
Lögreglan í Melbourne hefur reynt að leita til almennings í von um að hægt sé að hafa hendur í hári
aðilans og handataka hann en þeim flugfélögum og flugmönnu sem fljúga um Melbourne hefur verið gert viðvart.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
