1.000 dagar frá því malasíska farþegaþotan hvarf

- Aðstandendur ferðast til Madagascar til að hvetja fólk til að leita að braki

6. desember 2016

|

Frétt skrifuð kl. 06:21

Grace Subathirai Nathan ásamt öðrum aðstandanda farþega sem var um borð í malasísku farþegaþotunni

Hópur fjölskyldumeðlima og aðstandendur þeirra sem voru um borð í malasísku farþegaþotunni, sem hvarf sportlaust í mars árið 2014, eru nú komnir til Madagascar þar sem þeir ætla að gera tilraun til þess að leit verði gerð meðfram strönd eyjunnar að braki úr flugi MH370.

Hópurinn, sem hefur ferðast til Madagascar frá Malasíu, sagði fyrir upphaf ferðarinnar að síðasta úrræðið væri að taka leitina í sína eigin hendur en til stendur að hvetja íbúa eyjunnar til að taka þátt í leitinni með sér með því að leita að braki á austurströnd Madagascar.

Móðir Grace Subathirai Nathan var um borð í flugi MH370 en hún hefur meðal annarra ferðast til Madagascar og fjármagnað förina sjálf auk sex annarra ættingja, þriggja frá Malasíu auk þess sem með henni eru tveir Kínverjar og einn Frakki.

Í dag eru 1.005 dagar liðnir frá því flug MH370 hvarf

Ekkert brak hefur fundist á þeim stað þar sem leitin hefur staðið yfir í Suður-Indlandshafi sl. 2 ár en a.m.k. sex sinnum hefur fundist brak við austurströnd Afríku og við Madagascar.

Hópurinn hefur dreift bæklingum til íbúa í þorpum nálægt ströndinni með fræðsluefni um hvernig hægt sé að bera kennsl á flugvélabrak og þá hefur verið rætt við hjálparstofnanir og kirkjusöfnuði.

„Við höfum talað við fólk á borð við fiskimenn, fólk sem býr við ströndina og vonumst til að þau verði metvituð um málið og við höfum kennt þeim hvernig hægt er að þekkja brak úr flugvél, hvernig á að halda því til haga ef þau finna það og hvað eigi að gera ef þau rekast á það“, segir Nathan.

Dreifa bæklingum til fólks með upplýsingum um hvernig á að bera kennsla á brak úr flugvél

Hópurinn verður á Madagascar til 11. desember en í yfirlýsingu frá hópnum Voice 370 kemur fram að ekki sé neitt annað úrræði sem standi þeim til boða nema að taka málin í sínar eigin hendur í von um að finna svör við því hvað varð um flug MH370.

Síðastliðinn föstudag (2. desember) voru 1.000 dagar liðnir frá því að malasíska farþegaþotan hvarf sporlaust á leið sinni frá Kuala Lumpur til Peking.

Grace Subathirai Nathan á blaðamannafundi í gær í borginni Antananarivo



Sex ættingjar ferðuðust til Madagascar í von uam að geta sett af stað leit meðal íbúa við austurströnd eyjunnar