flugfréttir

Flugumferðarstjóri sagði óvart „vinstri“ þegar hann meinti „hægri“

- Boeing 777 næstum í veg fyrir aðra þotu eftir flugtak frá LAX

21. desember 2016

|

Frétt skrifuð kl. 07:46

Boeing 777-300 þota EVA Air í flugtaki á flugvellinum í Los Angeles

Bandarísk flugmálayfirvöld (FAA) hafa hafið rannsókn á alvarlegu atviki sem átti sér stað fyrir seinustu helgi er misskilningur kom upp milli flugumferðarstjóra og flugmanna sem varð til þess að farþegaþota af gerðinni Boeing 777-300 tók ranga beygju eftir flugtak frá flugvellinum í Los Angeles og beint í veg fyrir aðra þotu auk þess sem vélin flaug mjög nálægt fjallendi norður af borginni.

Atvikið átti sér stað sl. föstudag er þota af gerðinni Boeing 777-300 frá EVA Air fór í loftið frá Los Angeles (LAX) áleiðis til Taipei en það var flugumferðarstjóri í flugstjórnarmiðstöð í San Diego sem beindi vélinni eftir flugtak og sagði flugmönnum um að taka 180 gráðu beygju til vinstri.

Flugmennirnir staðfestu 180 gráðu beygju en tóku beygju til vinstri til norðurs í átt að fjöllunum í San Gabriel dalnum fyrir norðan Los Angeles og beint í veg fyrir Dreamliner-þotu af gerðinni Boeing 787-8 frá Air Canada sem hafði farið í loftið áleiðis til Toronto skömmu eftir að EVA Air vélin fór í loftið.

Flugumferðarstjórinn reyndi að segja flugmönnunum að hætta við klifur og beygja strax til suðurs er hann gerði sér grein fyrir þeim mistökum sem hann hafði gert með því að ruglast á vinstri og hægri.

Á upptöku frá flugumferðartíðninni má heyra orðrétt (á ensku): „EVA 015 Heavy, what are you doing? Turn southbound now, southbound now. Stop your climb“ en flugumferðarstjórinn þurfti nokkrum sinnum að biðja vélina um að breyta stefnu þar sem ekki kom strax svar frá flugmönnunum.

Flugleið vélarinnar eftir flugtakið yfir Los Angeles-svæðinu

Flugmennirnir svöruðu ekki strax og ákvað flugumferðarstjórinn á meðan að biðja Air Canada vélina um að hækka flugið upp í 12.000 fet og eins hratt og mögulegt væri en á sama tíma hélt EVA Air þotan ennþá áfram á stefnu til norðurs í átt að fjöllunum sem rísa upp í 6.653 feta hæð en vélin var þá í 4.900 til 5.000 feta hæð.

Loksins svöruðu flugmennirnir á EVA Air þotunni og voru þeir þá beðnir um að hækka flugið upp í 7.000 fet en þá fyrst tóku þeir beygju til hægri og stefndu til baka og fóru þá enn nær fjallinu Mount Wilson sem er 5.713 fet á hæð í um 300 feta hæða lóðréttum aðskilnaði en samt í 5,5 kílómetra fjarlægð frá fjallstindinum í lágréttum aðskilnaði.

Flugmennirnir náðu á endanum að fara yfir á rétta fráflugsleið og hélt vélin áfram til Taipei þar sem hún lenti 14 klukkustundum síðar.

Mount Wilson fjallið séð frá austurhluta Los Angeles

Atvikið átti sér stað seint að kvöldi og margir farnir að að sofa en nokkrir íbúar í hverfinu Altadena sögðust hafa heyrt mikinn þotugný líkt og flugvél væri rétt yfir húsinu þeirra sem var óvenjulegt þar sem engar flugvélar fljúga lágt yfir hverfinu vegna nálægð fjallanna.

„Hávaðinn varð meiri og meiri eins og þota væri bara beint yfir þakinu“, segir Kate Sullivan, íbúi í Altadena sem hafði meiri áhyggjur af vélinni þar sem fjallið Mt. Wilson gnæfir yfir hverfinu.

Brottfararleiðinni var stjórnað frá San Diego

FAA hefur hafið rannsókn á atvikinu og segir í yfirlýsingu frá bandarískum flugmálayfirvöldum:

Flugumferðarstjórinn, sem sá um EVA Air þotuna, bað flugmennina um að beygja til vinstri í 180 gráðu stefnu. Hún ætlaði sér að segja „til hægri í 180 gráðu beygju“ svo að flugstjórinn beygði til vinstri.

Flugumferðarstjórinn áttaði sig fljótt á því að EVA Air þotan var að beygja í ranga átt. Hún tók greip strax inn í og tók rétta ákvörðun með því að halda Air Canada þotunni frá vélinni sem hafði farið í loftið frá LAX og voru vélarnar í öruggri fjarlægð frá hvor annarri allan tímann.

Flugumferðarstjórinn snéri sér svo aftur að EVA þotunni og bað þá um að beygja til suðurs og gaf hún flugmönnunum ítrekuð fyrirmæli um það í nokkur skipti.

Flugumferðarstjórinn vildi vera viss um að EVA þotan væri öruggri flughæð fyrir ofan fjalllendið en reglur FAA fara fram á að flugvélar séu í a.m.k. 2.000 feta hæð fyrir ofan landsvæði, byggingar, hindranir eða fjöll.







  fréttir af handahófi

11 ára flugprófunum með F-35 herþotuna lokið

23. apríl 2018

|

Lockheed Martin hefur tilkynnt að öllum flugprófunum með F-35 orrustuþotuna er formlega lokið af hálfu framleiðandans en um er að ræða umfangsmestu flugprófanir í sögu flugsins.

Hönnun á Boeing 737 MAX 10 formlega lokið

7. febrúar 2018

|

Boeing hefur tilkynnt að búið sé að ljúka við hönnun á Boeing 737 MAX 10 þotunni sem verður lengsta 737 MAX þotan.

Aðalheiður Kristinsdóttir nýr forstöðumaður hjá Icelandair

9. apríl 2018

|

Aðalheiður Kristinsdóttir hefur verið ráðin forstöðumaður sölustýringar (Global Sales) Icelandair.

  Nýjustu flugfréttirnar

The Dirty Dozen veggspjald númer tvö fjallar um kæruleysi

25. apríl 2018

|

Samgöngustofa, í samvinnu við öryggisnefndir FÍA, FÍF og FFÍ, gefur nú út veggspjöld sem byggð eru á hugmynd Gordon DuPont sem kallast „The Dirty Dozen".

Hagnaður Cargolux jókst up 2.340 prósent árið 2017

25. apríl 2018

|

Árið 2017 var besta árið í sögu Cargolux sem uppskar methagnað en þá flaug félagið í fyrsta sinn einni milljón tonnum af flugfrakt.

Flugkennsla í Ástralíu í niðurníðslu - Mörgum flugskólum hefur verið lokað

25. apríl 2018

|

Dick Smith, fyrrum yfirmaður hjá áströlskum flugmálayfirvöldum, sakar ríkisstjórn Ástralíu um að hafa eyðilagt þann iðnað sem snýr að flugkennslu og flugþjálfun í Ástralíu.

Risaþotur ANA munu taka 520 farþega

25. apríl 2018

|

Airbus A380 risaþotur ANA (All Nippon Airways) munu koma með sætum fyrir 520 farþega en flugfélagið japanska á von á þremur slíkum þotum frá Airbus frá og með næsta vori.

Guðmundur og Valeria leiða stafræna þróun Icelandair

24. apríl 2018

|

Tveir starfsmenn hjá Icelandair hafa tekið við tveimur nýjum stöðum innan flugfélagsins í kjölfar skipulagsbreytinga sem gerðar hafa verið en Guðmundur Guðnason og Valeria Rivina hafa tekið við sitth

Fyrsta farþegaflugið með nýrri kynslóð af Embraer-þotum

24. apríl 2018

|

Widerøe varð í dag fyrst allra flugfélaga í heiminum til að fljúga áætlunarflug með Embraer E190-E2 þotunni sem er ný kynslóð af E-þotunum en félagið fékk þotuna afhenta í byrjun þessa mánaðar.

Hundurinn (TF-DOG) í lágflugi yfir Reykjavík

24. apríl 2018

|

Hundurinn er komin til landsins, eða TF-DOG, sem er nýjasta farþegaþota WOW air.

Ryanair pantar 25 Boeing 737 MAX 8 þotur

24. apríl 2018

|

Ryanair hefur staðfesta pöntun hjá Boeing í tuttugu og fimm farþegaþotur af gerðinni Boeing 737 MAX 8.

Volga-Dnepr riftir samningi við NATO í kjölfar hernaðaraðgerða

23. apríl 2018

|

Rússneska flugfélagið Volga-Dnepr hefur ákveðið að hætta að fljúga með flugfrakt fyrir öll þau lönd sem eru aðilar í Atlantshafsbandalaginu (NATO) vegna hernaðaraðgerðir landanna í Sýrlandi.

11 ára flugprófunum með F-35 herþotuna lokið

23. apríl 2018

|

Lockheed Martin hefur tilkynnt að öllum flugprófunum með F-35 orrustuþotuna er formlega lokið af hálfu framleiðandans en um er að ræða umfangsmestu flugprófanir í sögu flugsins.