flugfréttir
Þurftu að lenda á Shannon til að leyfa farþegum að komast á klósettið
27. desember 2016
|
Frétt skrifuð kl. 19:52
Boeing 767 þotan á flugvellinum á Shannon á Írlandi í gær (26. desember)
Flugmenn á breiðþotu af gerðinni Boeing 767 á leið frá Bandaríkjunum til Parísar neyddist til þess að lenda á flugvellinum í Shannon á Írlandi í gær, Annan í jólum, til að leyfa farþegunum að komast á klósettið.
Vélin, sem er frá flugfélaginu OpenSkies, sem er dótturfélag British Airways, var í næturflugi frá Newark í New Jersey til Orly-flugvallarins þegar í ljós kom að ekki
var hægt að nota salernin um borð á sama tíma og fjölmargir farþegar þurftu virkilega að nota aðstöðuna.
Vélin var í um 500 kílómetra fjarlægð suðvestur af Írlandi þegar flugstjórinn tilkynnti flugumferðarstjóra um að það væri „alvarlegt salernisvandamál“ komið upp í vélinni og um borð væru 172 farþegar sem þurftu margir nauðsynlega að komast á klósettið.
Salerni um borð í Boeing 767
Flugmaðurinn sagði einnig við flugumferðarstjórana að hann gerði sér fyllilega grein fyrir því að um mjög undarlegt atvik væri að ræða.
Vélin lenti skömmu síðar þar sem þjónustubílar komu að vélinni til að lagfæra salernin um borð en um leið og allir farþegarnir höfðu
notað klósettin í flugstöðinni var vélin tilbúin til þess að fara aftur á loft og yfirgaf hún Shannon eftir 2 tíma stopp.
Þetta er ekki í fyrsta sinn sem farþegaþota neyðist til að lenda á Shannon vegna klósettsvandamáls eftir flug yfir Atlantshafið en árið 2013
þurftu flugmenn hjá Lufthansa að lenda þar í sömu erindagjörðum á leiðinni frá Los Angeles til Munchen.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
