flugfréttir
Gátu ekki flogið til Reykjavíkur í kvöld með alvarlega veikan sjúkling
- „Núna er komið að því sem búið er að vara við“
28. desember 2016
|
Frétt skrifuð kl. 21:00
Super King Air sjúkraflugvél Mýflugs átti að fljúga til Reykjavíkur með sjúklinginn en í þess í stað var ákveðið að fara með sjúklinginn til Akureyrar
Sjúkraflugvél frá Mýflugi gat ekki flogið til Reykjavíkur í kvöld með sjúkling þar sem ekki voru aðstæður til lendingar á Reykjavíkurflugvelli sökum þess að búið er að loka 06/24 brautinni.
Um forgangsútkall var að ræða og um borð var alvarlega veikur sjúklingur en Þorkell Ásgeir
Jóhannsson, flugmaður hjá Mýflugi, segir í samtali við Alltumflug.is að minnsta mál hefði verið að lenda
ef 06/24 brautin hefði verið til staðar sem er hin svokallaða „neyðarbraut“ sem var lokað í ágúst.
„Við sóttum einn sjúkling hérna á Austurlandi og áttum að fara með hann suður í fyrsta forgangi en það var bara ekki hægt - Núna er komið að því að þetta er orðið að veruleika sem er margbúið að vara við en það er enginn sem hlustar“, segir
Þorkell.
Vélin fór í loftið seinnipartinn í dag frá Egilsstöðum en þegar í ljós kom að ekki var hægt að lenda
í Reykjavík var ákveðið að fljúga á Akureyri þar sem vélin lenti með sjúklinginn kl. 19:00.
Ekki hefur verið hægt að lenda á Reykjavíkurflugvelli í dag vegna veðurs
„Á Akureyri er besta sjúkrahúsið utan Reykjavíkur og vonandi dugar það þessum einstaklingi sem þurfti
á þessari hjálp að halda“, segir Þorkell.
Aðspurður hvort þarna hefði verið hægt að nota 06/24 brautina, svarar Þorkell: „Aldeilis og við hefðum þurft það. Núna
er þetta farið að sýna sig“.
Braut með sömu stefnu í Keflavík ekki ásættanleg lausn
Þorkell segir að mikil áhætta sé fólgin í því að fara nálægt þeim mörkum sem viðkomandi flugvél þolir
er kemur að vindstyrk. - „Um leið og vindur er komin yfir 20 hnúta á Faxaflóasvæðinu þá er hann alltaf
byljóttur“
Þorkell segir að ástandið sé farið að vera alvarlegt og sé ekki hægt að bæta fyrir lokun neyðarbrautarinnar með opnun á flugbraut á Keflavíkurflugvelli með sömu stefnu.
„Það er hægt að kalla það skárra en ekkert en þá væri verið að bæta við þremur korterum í sjúkraflutningstíma í akstri
m.a.v. bestu skilyrði sem er langt frá því að vera ásættanlegt“.
„Alltaf þegar við þurfum á 06/24 brautinni á að halda þá er það
vegna veðurs og slíkt veður er á sama tíma að hamla akstri á Reykjanesbrautinni“, segir Þorkell.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
