flugfréttir

NTSB fær svarta kassann 32 árum síðar - Fjallgöngumenn fundu flugritann

- Eastern Air Lines flug 980 flaug á fjallið árið 1985

9. janúar 2017

|

Frétt skrifuð kl. 12:06

Fjallgöngumennirnir Dan Futrell og Isaac Stoner fundu flugritann í maí 2016

Flugmálayfirvöld í Bandaríkjunum fengu í seinustu viku í hendurnar flugrita úr farþegaþotu af gerðinni Boeing 727 sem fórst fyrir 32 árum síðan í Bólivíu.

Um er að ræða þotu frá Eastern Air Lines, flug 980, sem flaug á Illimani-fjallið í 19.600 feta hæð á leið sinni frá Asunción í Paraguay til Miami í Flórída á nýársdag árið 1985.

Um borð voru 19 farþegar og 10 manna áhöfn en enginn lifði slysið af en farþegarnir voru frá Paraguay, Ecuador og frá Bandaríkjunum.

Vélin átti að hafa viðkomu í La Paz, höfuðborg Bólivíu og í Guayaquil í Ecuador á leiðinni til Miami en vélin var í aðflugi að La Paz þegar henni var skyndilega flogið af áætlaðri flugleið en talið er að flugmennirnir hafi verið að sneiða framhjá óveðri.

Illimani-fjallið í Bólivíu

Vélin flaug inn í hlíðar Illimani-fjallsins í 6.126 metra hæð og er þetta enn þann dag í dag „hæðsta“ flugslys sögunnar þar sem flugvél er flogið á fjall í stjórnuðu flugi („controlled flight into terrain“).

Vélin brotlenti á það afskekktum stað að flestar tilraunir til að finna svörtu kassanna hafa mistekist og hefur því aldrei verið hægt að komast að raunverulegri orsök slyssins og flestum spurningum verið ósvarað í þrjá áratugi.

Það var ekki fyrr en í maí 2016 að tveir fjallgöngumenn frá Boston, þeir Dan Futrell og Isaac Stoner, fundu þar sem þeir töldu vera svarta kassa úr flugvél er þeir klifruðu Illimani-fjallið auk annars braks úr vélinni.

Dan Futrell og Isaac Stoner í hlíðum Illimani-fjallsins

Það var þó hægara sagt en gert að koma svörtu kössunum til Bandaríkjanna þar sem Futrell og Stoner þurftu fyrst að fá leyfi frá yfirvöldum í Bólivíu en það var ekki fyrr en 1. desember 2016 að flugmálayfirvöld í landinu gáfu samgönguöryggisnefnd Bandaríkjanna (NTSB) loksins leyfi til að nálgast svörtu kassanna.

Sl. miðvikudag (4. janúar) lenti lítil flugvél í Massachusetts með fjallgöngumennina tvo um borð og aðilum frá NTSB sem komu með hljóðritann og flugritann úr Eastern Air Lines þotunni og er nú vonast til þess að loksins verði hægt að varpa ljósi á orsök slyssins sem hefur verið ein stærsta flugslysaráðgáta 20. aldarinnar.

Flugriti vélarinnar kom ekki í leitirnar fyrr en í maí 2016, 31 ári síðar

Flugslysasérfræðingurinn Greg Feith var einn þeirra sem kom að rannsókn slyssins á níunda áratugnum. - „Ég stjórnaði leiðangrinum árið 1985 þegar gerð var tilraun til að finna flugrita og hljóðrita eftir slysið“, segir Greg á Facebook-síðu sinni.

„Því miður var mjög mikill, nýfallinn snjór yfir flakinu sem gerði tilraun okkar til að finna svörtu kassana mjög erfiða þar sem við höfðum stuttann tíma á fjallinu. Síðustu 30 ár hefur flakið sígið niður hlíðina í jöklinum sem bráðnar með tímanum“, skrifar Greg.

NTSB gerir ráð fyrir að það muni taka aðeins nokkrar vikur þar til að einhverjar niðurstöður verði að vænta en búið er að senda flugritana á rannsóknarstofu í Washington D.C.







  fréttir af handahófi

Darwin Airline í Sviss sækir um gjaldþrotameðferð

27. nóvember 2017

|

Svissneska flugfélagið Darwin Airlines hefur óskað eftir gjaldþrotameðferð en aðeins eru fjórir mánuðir frá því að félagið skipti um eigendur.

Fyrsta sölueintakið af KC-46A flýgur sitt fyrsta flug

6. desember 2017

|

Fyrsta sölueintakið af KC-46A Pegasus eldsneytisflugvél Boeing hóf sig á loft í dag frá Paine Field en um er að ræða fyrsta fullútbúna eintakið af vélinni sem verður afhent til viðskiptavinar.

LATAM ferjar tvær Boeing 787 þotur í geymslu

8. febrúar 2018

|

Suður-ameríska flugfélagið LATAM hefur neyðst til þess að leggja tveimur Dreamliner-þotunum vegna vandamála með Trent 1000 hreyflana frá Rolls-Royce.

  Nýjustu flugfréttirnar

Vilja refsa farþegum sem taka farangur með sér við neyðarrýmingu

23. febrúar 2018

|

Svo gæti farið að þeim farþegum verði refsað sem gera tilraun til að taka handfarangur með sér frá borði þegar verið er að rýma flugvél í neyðartilvikum.

Fór með skrúfuna í þak á bíl í háskalegu lágflugi

23. febrúar 2018

|

Mikil mildi þykir að engan sakaði er landbúnaðarflugvél af gerðinni Air Tractor rakst með loftskrúfu í þak á bíl er flugmaður vélarinnar flaug vísvitandi mjög lágt yfir bílinn í Brasilíu á dögunum.

Vandamál með hjólabúnað á Bombardier-vél

23. febrúar 2018

|

Vandamál kom upp með hjólabúnað á Bombardier Dash 8 Q400 flugvél hjá Croatia Airlines er vélin var í aðflugi að flugvellinum í Brussel í gær eftir flug frá Zagreb.

Finnair undirbýr pöntun í allt að þrjátíu þotur

22. febrúar 2018

|

Finnair vinnur nú að því að undirbúa pöntun í nýjar meðalstórar farþegaþotur með einum gangi og koma allt að 30 þotur til greina.

Þrjú flugfélög í Venezúela hafa öll misst leyfið

22. febrúar 2018

|

Þrjú flugfélög, í eigu sama eigandans, og þar af tvö í Venezúela, hafa öll hætt starfsemi sinni á nokkrum vikum þar sem þau hafa verið svipt flugrekstarleyfinu á sama tíma og stjórn félaganna er í up

Líktu eftir sömu aðstæðum í flughermi

22. febrúar 2018

|

Orsök flugslyssins í Rússlandi, er farþegaþota af gerðinni Antonov An-148 frá Saratov Airlines fórst skömmu eftir flugtak frá Moskvu þann 11. febrúar, er enn ókunn en talið er mögulegt að ísing í ste

Fyrsta Boeing 737 MAX þota Icelandair væntanleg til landsins

21. febrúar 2018

|

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Nýir stjórnendur hjá Icelandair

21. febrúar 2018

|

Gerðar hafa verið umtalsverðar skipulagsbreytingar á rekstrarsviði Icelandair og nýir forstöðumenn ráðnir til nýrra starfa.

Seinasta Boeing 737-800 þotan afhent til Norwegian

21. febrúar 2018

|

Norwegian hefur tekið við seinustu Boeing 737-800 þotunni sem er jafnframt hundraðasta Boeing 737-800 þotan sem félagið hefur fengið afhenta frá Boeing.

Isavia úthlutar styrkjum úr samfélagssjóði

21. febrúar 2018

|

Isavia hefur úthlutað styrkjum til 13 verkefna úr samfélagssjóði sínum en verkefnin eru af fjölbreyttum toga.

 síðustu atvik

  2018-01-01 19:24:00