flugfréttir

Flugslys: Boeing 747 fraktþota brotlenti í þorpi í Kyrgyztan

- Var í aðflugi að flugvellinum í Bishkek - Yfir 30 látnir

16. janúar 2017

|

Frétt skrifuð kl. 07:13

Stélendi vélarinnar ofan á íbúðarhúsum í þorpinu nálægt flugvellinum í Bishkek

Júmbó-fraktþota frá Turkish Airlines af gerðinni Boeing 747-400 fórst í nótt er hún brotlenti í þorpi í aðflugi að Manas-flugvellinum í Bishkek, höfuðborg Kyrgyztan.

Að minnsta kosti 37 eru látnir en tala látinna hefur hækkað hratt en flestir þeirra eru íbúar í þorpinu. Talið er að fimm hafi verið um borð í fraktþotunni og þar af tveir flugmenn en sú tala er enn óstaðfest.

Slysið átti sér stað klukkan 1:31 í nótt að íslenskum tíma en vélin var á leið frá Hong Kong til Istanbúl og var vélin að lenda í Bishkek til að taka meira eldsneyti.

Vélin átti að taka eldsneyti í Bishkek á leið sinni til Istanbúl

Fraktvélin fórst í um 1,9 kílómetra fjarlægð frá flugvellinum og brotlenti í þorpinu Dacha-Suu en 15 hús eyðilöggðust og hylur flak vélarinnar stóran hluta þorpsins.

Ekki er enn vitað um orsök slyssins en talið er að það megi rekja til þoku en mjög slæmt skyggni var er vélin var í aðfluginu að flugvellinum.

Vélin, sem var af gerðinni Boeing 747-412F, var í eigu tyrkneska flugfélagsins MyCargo Airlines en hefur flogið í rúmt ár fyrir fraktdeild Turkish Airlines.

Skráning vélarinnar var TC-MCL og var hún 14 ára gömul, smíðuð árið 2003 en hún var afhent ný til Singapore Airlines Cargo í febrúar árið 2003.

Björgunarstarf stendur enn yfir en búið er að flytja að minnsta kosti 8 manns á sjúkrahús sem eru íbúar í þorpinu.

Boeing hefur sent sérfræðinga af stað til Kyrgyztan til að veita tæknilega aðstoð við rannsókn slyssins í samvinnu við stjórnvöld í landinu.

Flugveðursupplýsingar á Bishkek-flugvelli klukkan 07:30 að staðartíma:
UCFM 160130Z VRB01MPS 0150 R26/0550 FZFG VV001 M09/M10 Q1024 R26/19//60 NOSIG

Flugleið vélarinnar á Flightradar24.com:



Myndir:









  fréttir af handahófi

PIA Pakistan mun hætta flugi til Bandaríkjanna

11. október 2017

|

PIA (Pakistan Internatinal Airlines) mun hætta að fljúga til Bandaríkjanna í lok þessa mánaðar vegna gríðarlegs taps á fluginu.

Tvær 747-8 fyrir Transaero gætu orðið að Air Force One þotum

1. ágúst 2017

|

Orðrómur er um að bandaríski flugherinn sé að fara festa kaup á tveimur Boeing 747-8 júmbó-þotum sem búið er að smíða sem upphaflega stóð til að afhenda til Transaero Airlines í Rússlandi sem varð gj

SpiceJet staðfestir pöntun í 20 Dash-8 Q400 flugvélar

1. október 2017

|

Bombardier hefur fengið staðfestingu í pöntun frá SpiceJet sem indverska flugfélagið lagði inn í sumar í 25 skrúfuflugvélar af gerðinni Bombardier Dash-8 Q400.

  Nýjustu flugfréttirnar

Hringsólaði í 7 klukkustundir til að brenna eldsneyti

16. október 2017

|

Breiðþota frá Turkish Airlines af gerðinni Airbus A330 hringsólaði í 7 klukkustundir í nágrenni við Istanbúl sl. föstudag skömmu eftir flugtak frá Ataturk-flugvellinum.

Lufthansa undirbýr tilboð í rekstur Alitalia

16. október 2017

|

Lufthansa ætlar sér að gera tilboð í ítalska flugfélagið Alitalia en frestur til að senda inn tilboð mun renna út í dag.

Sjö milljónasti farþeginn fór um Keflavíkurflugvöll

16. október 2017

|

Starfsfólk Isavia fagnaði á dögunum sjö milljónasta farþeganum sem fór um Keflavíkurflugvöll í ár er hann kom til landsins frá Belfast með easyJet.

Alitalia fær 37 milljarða króna lán frá ríkisstjórn Ítalíu

16. október 2017

|

Ríkisstjórn Ítalíu hefur veitt flugfélaginu Alitalia lán upp á 300 milljónir evra til að tryggja áframhaldandi rekstur félagsins sem samsvarar 37 milljörðum króna.

Delta ætlar ekki að borga 300 prósenta refsitolla

16. október 2017

|

Delta Air Lines hefur lýst því yfir að félagið ætli sér ekki að verða við kröfum stjórnvalda í Bandaríkjunum sem hafa farið fram á að þau flugfélög, sem hafa pantað CSeries-þoturnar frá Bombardier, s

Flugi aflýst á Bretlandseyjum á morgun vegna fellibyls

15. október 2017

|

Flugvellir á Bretlandi og á Írlandi búa sig nú undir fellibylinn Ófelíu sem nálgast Bretlandseyjar frá Atlantshafi en loftþrýstingur fellibylsins mælist núna 965 millibör.

Ryanair reynir að fá forstjóra Malaysian aftur til starfa

15. október 2017

|

Ryanair gerir nú tilraun til þess að fá aftur til starfa Peter Bellew og gera hann að rekstrarstjóra félagsins í stað Michael Hickey, sem hefur sagt starfi sínu lausu.

Tyrkir aðstoða Serba við að opna draugaflugvöll

15. október 2017

|

Tyrkir hafa boðist til að taka að sér fjármagna og ljúka við framkvæmdir á draugaflugvelli í Serbíu sem aldrei hefur verið kláraður.

Útlit fyrir að að easyJet fái 25 Airbus-þotur frá Air Berlin

14. október 2017

|

EasyJet mun að öllum líkindum kaupa 25 farþegaþotur úr flota Air Berlin sem allar eru af gerðinni Airbus A320.

Icelandair sér fram á 4.5 milljónir farþega árið 2018

13. október 2017

|

Icelandair gerir ráð fyrir að farþegum með félaginu eigi eftir að fjölga um 11% árið 2018.

 síðustu atvik

  2017-09-01 12:00:00