flugfréttir

Alvarlegur skortur á flugkennurum á Íslandi

- Missa fjölmarga flugkennara yfir til íslensku flugfélaganna

18. janúar 2017

|

Frétt skrifuð kl. 20:45

Íslenskir flugskólar hafa sl. 2 ár verið að missa fjölda flugkennara yfir til íslensku flugfélaganna

Alvarlegur skortur er á flugkennurum á Íslandi og hefur komið upp sú staða þar sem helstu flugskólar landsins hafa þurft að leita út fyrir landsteinanna eftir flugkennurum til að koma til móts við aukna eftirspurn í flugnám.

Ástæðan fyrir þessum skorti er aukin umsvif hjá íslensku flugfélögunum sem hafa ráðið fjölda flugkennara til sín í vinnu sem hafa m.a. fengið störf hjá Icelandair og WOW air en bæði flugfélögin hafa verið í miklum vexti sl. misseri í samræmi og fjölgað áfangastöðum og bætt við sig fleiri flugvélum.

Algengt hefur verið að sumir nemendur sem hafa lokið atvinnuflugmannsnáminu hafi tekið flugkennararéttindi til að safna flugtímum og styrkja kunnáttu sína á meðan þeir reyna að komast að hjá flugfélögunum en núna er farið að vera algengara að flugnemar komist beint að sem flugmenn að loknu námi.

„Þetta ár er örugglega með verri árunum. Þetta ár og það seinasta“, segir Snorri Snorrason, skólastjóri Flugakademíu Keilis, sem tekur fram að mjög jákvætt sé hversu mikil tækifæri séu að skapast fyrir flugnema og flugkennara sem eru að þróa sig áfram á flugferlinum þótt það bitni á skólanum.

Skortur á flugkennurum hefur þó ekki áhrif á flugkennslu hér á landi

Skorturinn hefur ekki áhrif á rekstur skólans

Flugakademía Keilir hefur verið að ráða erlenda flugkennara og er meirihluti þeirra, sem kenna hjá skólanum í dag, erlendir flugkennarar en Snorri segir það þó ekki koma í veg fyrir skortinn þar sem íslensku flugfélögin ráða einnig erlenda flugmenn.

„Við vorum núna nýlega að missa tvo erlenda flugmenn frá okkur“, segir Snorri sem tekur fram að vandamálið hafi samt ekki áhrif á starfsemi skólans.

„Við skoðum stöðuna í hvert skipti sem við tökum inn nýja nemendur og það veltur fyrst og fremst á fjölda kennsluvéla sem eru tiltækar auk veðurs. En þrátt fyrir skort á flugmönnum þá höfum við mjög góða reynslu af erlendum kennurum og það er alls ekki skortur á flugkennurum í heiminum“, segir Snorri í samtali við Alltumflug.is

Snorri segir að skorturinn muni samt aldrei breyta því að skólinn leiti ávallt eftir hæfum flugkennurum sem uppfylli skilyrði skólans og sé aldrei farið út í að ráða hvaða flugkennara sem er vegna skorts.

Mælir með flugkennslu með atvinnufluginu

Flugakademía Keilis hefur m.a. auglýst eftir flugkennurum erlendis enda nauðsynlegt að koma til móts við þau tækifæri sem eru í boði en einnig eru sumir atvinnuflugmenn sem eru líka flugkennarar og kenna nýjum nemendum á milli þess sem þeir eru að fljúga fyrir flugfélögin.

„Ég mæli með því líka að ef þú ert með mikinn áhuga á fluginu og hefur áhuga á því að kenna að þá er það mjög sterkur leikur fyrir flugmanninn sjálfan að þróa sig áfram sem fagmann með því að kenna flug með atvinnufluginu“, segir Snorri.

Ein af kennsluvélum Flugskóla Íslands
Íslands

Sömu sögu er að segja af Flugskóla Íslands sem hefur einnig þurft að grípa til aðgerða með því að ráða erlenda flugkennara vegna skorts á flugkennrunum.

Nýbúnir að ráða norska flugkennara sem þeir misstu strax til flugfélags

„Við vorum komnir með tvo Norðmenn og þar af einn yfirflugkennara sem er Norðmaður ég var varla búinn að ráða þá til starfa þegar íslenskt flugfélag var búið að ráða þá báða og við missum þá núna í mars“, segir Guðlaugur Sigurðsson, rekstarstjóri flugdeildar hjá Flugskóla Íslands.

Guðlaugur segir að skólinn sé að leita eftir flugkennurum til Skandinavíu og stefnir í að skólinn verði allavega með fjóra, nýja erlenda flugkennara í sumar.

„Við höfum aldrei fyrr þurft að leita út fyrir landsteinanna eftir flugkennurum“, segir Guðlaugur en hann segir ástæðuna vera vegna gríðarlegs fjölda af ráðningum hjá flugfélögunum undanfarin ár og segir hann flugfélög vera farin að taka fyrr við nýjum flugmönnum sem sjá þá ekki ástæðu til þess að taka kennararréttindi til að safna tímum.

„Ef flugfélög væru ekki að ráða nýútskrifaða flugmenn þá myndu fleiri koma á kennaranámskeið. Þeir þurfa ekki að safna eins mörgum tímum og komast bara beint inn“, segir Guðlaugur sem kallar þetta lúxusvandamál.

Guðlaugur segir að Flugskóli Íslands horfi aðallega til Skandinavíu eftir erlendum flugkennurum þar sem þeir eru meðal annars svipaðir okkur Íslendingum að ýmsu leyti.

Fyrir áhugasama þá má geta þess að þrír helstu flugskólar landsins munu allir taka inn nýja nemendur í flugkennaranámskeið sem hefjast í vor hjá öllum skólunum.

Næstu flugkennaranámskeið hjá Flugakademíu Keilis hefjast þann 7. apríl, hjá Geirfugli hefst flugkennaranámskeið þann 21. mars og hjá Flugskóla Íslands þann 6. mars.







  fréttir af handahófi

Einkaþotuútgáfa af Sukhoi-þotunni í söluferð um Afríku

18. apríl 2018

|

Sukhoi, flugvélaframleiðandinn rússneski, er nú í söluherferð á einkaþotuútgáfu af Sukhoi Superjet 100 farþegaþotunni í Afríku og eru nú ein slík þota á ferðalagi um álfuna þar sem verið er að kynna

WOW air gerir samning við FL Technics í Litháen

11. apríl 2018

|

WOW air hefur gert samning við viðhaldsþjónustufyrirtækið FL Technics í Litháen um almennt viðhald (base maintenance) og skoðanir á Airbus-þotum félagsins.

Segja styttingu flugbrautarinnar í Santa Monica ólögmæta

21. maí 2018

|

Samtök fyrirtækja í viðskipta- og einkaþotuflugi í Bandaríkjunum, NBAA (National Business Aviation Association), hvetur nú áfrýjunardómstól í Bandaríkjunum til þess að ógilda samkomulag sem bandarísk

  Nýjustu flugfréttirnar

Stöðva allt fraktflug tímabundið vegna viðhaldsmála

19. júní 2018

|

Japanska fraktflugfélagið Nippon Cargo Airlines (NCA) ætlar að hætta öllu fraktflugi tímabundið af öryggisástæðum en flugfélagið telur að óviðeigandi smurolía hafi verið notuð við viðhald á einni af

Risaþota flaug inn í kviku af annarri risaþotu

19. júní 2018

|

Airbus A380 risaþota frá Qantas lenti í því á dögunum að taka snögga dýfu eftir að hafa flogið inn í vængendakviku af annarri risaþotu frá sama flugfélagi með tilheyrandi ókyrrð.

Fyrsta A350 með „wing-twist“ fer til Iberia

18. júní 2018

|

Spænska flugfélagið Iberia verður í næsta mánuði fyrsta flugfélagið til að fá Airbus A350 þotu afhenta með nýja „wing-twist“ vængnum.

Norwegian gerir samning við félag finnskra flugmanna

18. júní 2018

|

Norwegian hefur gert samning við félag finnskra atvinnuflugmanna (NPU FI) sem tryggir félaginu möguleika á því að ráða finnska flugmenn til starfa með auðveldari hætti.

Vara við sprungum í vænglingum á Boeing 767

17. júní 2018

|

Bandarísk flugmálayfirvöld (FAA) hafa sent út fyrirmæli þar sem flugrekstraraðilar eru beðnir um að framkvæma skoðun á vænglingum (winglets) á Boeing 767-300 breiðþotum og leita eftir mögulegum spru

EasyJet hefur mikinn áhuga á að fljúga um Heathrow

16. júní 2018

|

EasyJet hefur mikinn áhuga á því að hefja áætlunarflug um Heathrow-flugvöllinn í London en það myndi þó ekki gerast fyrr en eftir stækkun vallarins með þriðju flugbrautinni.

Icelandair flaug 600 farþegum í þremur þotum á HM í Rússlandi

15. júní 2018

|

Alls hafa um 600 farþegar flogið í þremur þotum Icelandair í beinu flugi til Moskvu frá Keflavíkurflugvelli í dag.

Isavia afhendir Landsbjörgu hópslysakerrur

15. júní 2018

|

Í dag, fimmtudaginn 14. júní, lauk Isavia með formlegum hætti við að afhenda Slysavarnafélaginu Landsbjörgu hópslysakerrur, sem eru afrakstur sameiginlegs verkefnis styrktarsjóðs Isavia og Slysavarnaf

Fimm ára gamall flugvöllur hefur misst öll flugfélögin

15. júní 2018

|

Nýi flugvöllurinn í Kolombó, höfuðborg Sri Lanka, hefur kvatt síðasta flugfélagið sem hefur yfirgefið flugvöllinn og ekkert flugfélag í dag sem flýgur áætlunarflug lengur til vallarins sem opnaður va

Mótmæltu úrslitum kosninga og kveiktu í flugvél

15. júní 2018

|

Farþegaflugvél af gerðinni de Havilland DHC-8 202Q Dash 8 brann til kaldra kola á flugvellinum í Mendi í Papúa-Nýju Gíneu eftir að reiðir mótmælendur, sem voru óánægðir með úrslit úr sveitastjórnarko

 síðustu atvik

  2018-01-01 19:24:00