flugfréttir
Keflavíkurflugvöllur orðinn sá 5. stærsti á Norðurlöndunum
- Aðeins Köben, Stokkhólmur, Osló og Helsinki eru stærri en KEF
23. janúar 2017
|
Frétt skrifuð kl. 18:45
Keflavíkurflugvöllur hefur stokkið upp um heil 2 sæti á einu ári yfir stærstu flugvelli Norðurlandanna
Hvergi á Norðurlöndunum varð eins mikil farþegafjölgun milli ára líkt og á Keflavíkurflugvelli en fjölgunin er fjórfalt meiri m.a.v þann norræna flugvöll sem sá næstmestu farþegafjölgunina.
Keflavíkurflugvöllur er núna 5. stærsti flugvöllurinn á Norðurlöndum en um gríðarlegt stökk er að ræða þar sem
í ársbyrjun 2016 kom í ljós að hann var 7. stærsti flugvöllurinn árið 2015 á lista yfir þá stærstu á Norðurlöndum og í 10. sæti árið 2014.
Farþegum um Keflavíkurflugvöll fjölgaði um 40% árið 2016 m.a.v. árið á undan en næstmest varð fjölgun farþega
á Skvasta-flugvellinum nálægt Stokkhólmi þar sem farþegum fjölgaði um 11 prósent í fyrra.
Á einu ári hefur Keflavíkurflugvöllur tekið fram úr Landvatter-flugvellinum í Gautaborg og Flestland-flugvellinum í Bergen
en báðir vellirnir voru stærri en KEF árið 2015.
Í 1. sæti yfir stærstu flugvelli Norðurlanda er Kaupmannaflugvöllurinn með 29 milljónir farþega á ári sem er 9% aukning frá
því árið 2015, í 2. sæti kemur Gardermoen í Osló með 25,7 milljónir og þá er Arlanda-flugvöllurinn í Stokkhólmi í 3. sæti
með 24,7 milljónir farþega en þessir þrír flugvellir voru í sömu sætum árið 2015.
Það á einnig við Vantaa-flugvöllinn í Helsinki sem var sá 4. stærsti árið 2016 með 17,1 milljón farþega en á eftir honum kemur Keflavíkurflugvöllur með 6,8 milljón farþega.
Minnst var farþegafjölgunin á Bromma-flugvellinum í Stokkhólmi þar sem farþegum fjölgaði aðeins um 0,7%
en á botninum kom Moss-flugvöllurinn (Rygge) nálægt Osló þar sem farþegum fækkaði um heil 20% milli ára.
Isavia gerir ráð fyrir að að 8,7 milljón farþega muni fara um Keflavíkurflugvöll á þessu ári en ekki eru miklar líkur á því að
KEF muni hækka sig um sæti á þessu ári þar sem 17 milljónir farþega fara árlega um flugvöllinn í 4. sæti sem er Vantaa í Helsinki.
Listinn í heild sinni yfir 30. stærstu flugvelina á Norðurlöndunum
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
