flugfréttir

Kom fyrir aðskotahluti í tönkum til að svíkja út tryggingafé

- Ástralskur flugrekstarsvindlari handtekinn fyrir yfir 300 mismunandi brot

25. janúar 2017

|

Frétt skrifuð kl. 15:44

Josh Hoch fær ekki að fljúga né koma nálægt flugvöllum á meðan réttarhöld standa yfir

Ástralskur flugmaður, og eigandi lítils flugfélags, var í gær handtekinn í kjölfar rannsóknar sem staðið hefur yfir í nokkurn tíma vegna fjölda mála sem hann er viðriðinn en m.a. er hann ákærður fyrir að hafa sett aðskotahlut í eldsneytistank flugvélar, tryggingasvindl, auk þess sem honum er gert að sök að hafa flogið án leyfis og skráð farþegaflugtíma sem einkaflugtíma.

Flugmaðurinn, sem heitir Josh Hoch og er 31 árs, var stöðvaður af lögreglu í gær en ákæruliðirnir eru 342 talsins og var hann yfirheyrður í sjö klukkustundir áður en hann var leystur úr haldi gegn 4,3 milljóna króna tryggingu.

Hoch er m.a. sakaður um að hafa sviðsett flugatvik með því að koma ítrekað fyrir aðskotahluti í eldsneytistanki á flugvélum hjá flugfélagi í hans eigu, Northern Territory Air, í þeim tilgangi að svíkja út tryggingafé en þá hefur hann verið staðinn af því að hafa flogið í nokkur ár leiguflug með farþega án leyfis.

Vaughan Cooper, saksóknari í málinu, segir að fimm ákæruliðirnir í málinu sé mjög alvarlegir og séu viðurlög við þeim að hámarki lífstíðarfangelsi þótt ólíklegt sé að þeirri refsingu verði beitt.

Í dómsmáli er greint frá nokkrum atvikum sem áttu sér stað sl. haust en í september flaug Josh flugvél af gerðinni Piper Chieftain sem missti afl nálægt bænum Mount Isa í ágúst 2016 er hann var með þrjá farþega innanborðs.

Josh náði að lenda vélinni á flugvellinum í Mount Isa en við nánari skoðun í kjölfar rannsóknar fundust fíngerðar glerperlur sem hafði verið blandað saman við mold ásamt öðrum efnum og komið fyrir í olíusíu í vélinni.

Josh Hoch mætir fyrir dómara í gær

Sambærilegt atvik endurtók sig aftur mánuði síðar í september og aftur í október á Cessnu-vél þegar olíuþrýstingur féll niður í miðju flugi milli Mount Isa og Burketown. Aftur fannst sami aðskotahluturinn í olíusíu og 11 dögum síðar endurtók atvikið sig á annarri vél í fjórða sinn er flugmaður tilkynnti um vandamál með olíuþrýsting en við skoðun fannst límefni í olíusíu.

Verjandi Josh segir að áströlsk flugmálayfirvöld hafi vel vitað að Josh hafi flogið í atvinnuskyni frá árinu 2013 og hefðu þau haft nægan tíma til að grípa í taumanna ef grunsemdir hefðu vaknað um eitthvað grunsamlegt við hans flugferil og hefði þá verið hægt að skoða starfsemi fyrirtækisins í kjölfarið.

Rannsóknarlögregla segir að mikil mildi sé að ekki hafi farið verr og sé málið litið mjög alvarlegum augum þar sem um sé að ræða flugmann sem hafi stefnt öryggi farþega í hættu með því að setja vísvitandi aðskotahlut í eldsneytistank og í olíusíu til að svíkja út tryggingafé.

Nokkrir rannsóknarlögreglumenn og sérfræðingar komu að rannsókninni og fylgdust með starfseminni áður en til handtöku Josh kom og hefur verið sýnt fram á aðkomu hans að því að sviðsetja bilanir á flugvélum hjá fyrirtæki í hans eigu.

Talið er að Josh hafi komið fyrir aðskotahluti fyrir í nokkur skipti á alls þremur flugvélum árið 2016 sem oftast var gert í skjóli nætur á flugvellinum í Mount Isa.

Þá kemur fram að Josh hafi skráð margar flugferðir sem einkaflug á meðan hann var að fljúga með farþega sem greiddu fyrir ýmist leiguflug eða útsýnisflug.

Málið verður tekið fyrir að nýju þann 22. febrúar en á meðan má Josh ekki fljúga né koma nálægt flugvelli og þá verður hann að tilkynna um ferðir sínar tvisvar í viku til lögreglunnar í Mount Isa. Þar að auki má hann ekki hafa samband við vitni í málinu.







  fréttir af handahófi

Harrison Ford heiðraður fyrir framlag sitt til flugsins

6. júní 2017

|

Harrison Ford var sérstakur gestur á uppskeruhátíð flugklúbbsins Aero Club of New England í Boston í Massachusetts sl. helgi.

Emirates vill sameinast rekstri flydubai

26. júní 2017

|

Emirates hefur lýst því yfir að möguleiki sé á því að félagið muni sameinast við lágfargjaldafélagið flydubai og gætu félögin starfað saman undir sama hatti.

Rússar stefna á að takmarka innflutning á einkaþotum

13. júní 2017

|

Rússar ætla að takmarka innflutning á einkaþotum til landsins um leið og rússnesk einkaþota kemur á markaðinn en í dag er enginn flugvélaframleiðandi í Rússlandi sem býður upp á einkaþotu.

  Nýjustu flugfréttirnar

Fyrsta áætlunarflugið aðeins 50 mínútum eftir afhendingu

24. júlí 2017

|

Lettneska flugfélagið airBaltic setti heimsmet um helgina er félagið fékk sjöttu CSeries CS300 þotuna afhenta frá Bombardier en aldrei hefur farþegaþota farið eins fljótt í áætlunarflug eftir afhendi

Ryanair gæti þurft að skrá flugflotann á meginlandi Evrópu

24. júlí 2017

|

Ryanair hefur lýst því yfir að félagið muni færa skráningu alls flugflotans frá Bretlandi og skrá vélarnar á meginlandi Evrópu ef ekki verður komið á opnum loftferðasamingi fyrir lok ársins í kjölfar

JetBlue stefnir á að reisa nýja flugstöð á JFK í New York

24. júlí 2017

|

Bandaríska flugfélagið jetBlue hefur hafið útboð vegna fyrirhugaðra framkvæmda á nýrri flugstöð á Kennedy-flugvellinum í New York.

Emirates sagt undirbúa pöntun í allt að 100 Dreamliner-þotur

23. júlí 2017

|

Sagt er að Emirates sé að undirbúa stóra pöntun í Dreamliner-þotur frá Boeing en talið er að pöntunin hljóði upp á frá 50 til 100 þotur.

Áfangastaðir Turkish Airlines orðnir 300 talsins

22. júlí 2017

|

Áfangastaðir í leiðarkerfi Turkish Airlines eru orðnir 300 talsins en flugfélagið tyrkneska flaug þann 17. júlí sitt fyrsta flug til Phuket í Tælandi sem er þrjú hundruðasti áfangastaður félagsins.

Mesta næturfrost sem mælst hefur í 33 ár í Ástralíu

21. júlí 2017

|

Sjaldan hefur hitastigið farið eins lágt á nóttunni í Canberra í Ástralíu og raunin hefur verið seinustu daga.

Kennsluflugvélin flaug á leðurblöku en ekki á dróna

21. júlí 2017

|

Rannsóknarnefnd flugslysa í Ástralíu hefur komist að því að kennsluflugvél frá flugskóla í Adelaide flaug á leðurblöku en ekki á dróna eins og upphaflega var talið.

Risaþota Emirates og A330 þota stefndu hvor á aðra í sömu hæð

21. júlí 2017

|

Airbus A380 risaþota frá Emirates og Airbus A330 breiðþota frá Air Seychelles fóru hættulega nálægt hvor annarri úr sitthvorri áttinni í 37.000 fetum yfir Indlandshafi þann 14. júlí sl.

Cessna nauðlenti innan um bíla á hraðbraut í New York

20. júlí 2017

|

Lítil flugvél af gerðinni Cessna C206 nauðlenti í gær á hraðbraut í New York en eftirfarandi upptaka náðist úr myndavél hjá ökumanni sem ók á hraðbrautinni og varð vitni er vélin lenti fyrir framan

EasyJet flýgur fyrsta flugið undir evrópskri skráningu

20. júlí 2017

|

EasyJet flaug í dag fyrsta áætlunarflugið undir nýju austurrísku flugrekstrarleyfi sem félagið hefur fengið í hendurnar sem gerir félaginu kleift að fljúga innan Evrópu sem EasyJet Europe.