flugfréttir

Skoskur flugvöllur hættir með vopna- og öryggisleit

- Fyrsta breska áætlunarflugið í 50 ár án öryggisleitar

31. janúar 2017

|

Frétt skrifuð kl. 16:55

Flugvöllurinn í Campbeltown er lítill og vinalegur

Sögulegur viðburður átti sér stað í flugmálum í Bretlandi í gær þegar skoskur flugvöllur hætti með öryggisleit og geta farþegar því gengið beint um borð án þess að leitað sé á þeim og í farangri.

Það er flugvöllurinn í Campbeltown í suðvesturhluta Skotlands sem hefur tekið það skref að hætta með öryggisleit en klukkan 9:00 í gærmorgun hóf sig á loft fyrsta áætlunarflugið sem flogið hefur verið í yfir 50 ár frá breskum flugvelli þar sem farþegar fóru um borð án öryggisleitar.

Um var að ræða flug á vegum Loganair, flug 6844, frá Campbeltown til Glasgow en um borð í vélinni voru 15 farþegar.

Loganair flýgur með Twin Otter vélum frá Campbeltown til Glasgow

Þrátt fyrir það þá mega farþegar ekki fara um borð með oddhvassa hluti, skotvopn eða yfir 100 ml af vökva en farþegar lýstu því yfir munnlega að þeir höfðu ekkert slíkt í fórum sínum.

„Þessar nýju reglugerðir hafa verið samþykktar af samgönguráðuneyti Bretlands og flugmálayfirvöldum þrátt fyrir það verður séð til þess að öryggi um borð sé í forgangi“, segir í yfirlýsingu frá Highlands and Islands Airports Ltd (HIAL) sem sér um flugvallarekstur á flugvellinum í Campbeltown.

Sitt sýnist hverjum um afnám öryggisleitarinnar

Ekki eru þó allir sammála því hversu gáfulegt sé að afnema öryggisleit á flugvellinum skoska þar sem það gæti boðið hættunni heim og aukið líkur á hryðjuverkum.

Innritunin á Campbeltown-flugvellinum

„Þrátt fyrir að þarna sé um að ræða litlar flugvélar þá breytir það því ekki að flugleiðin t.a.m. til Glasgow liggur yfir olíuhreinsistöðvar, kjarnorkuver og önnur mannvirki sem gætu verið skotmörk ef einhver tekur yfir stjórn vélarinnar“, segir David Avery hjá stéttarfélaginu Prospect.

Framkvæmdarstjóri Loganair segir að flugfélagið fljúgi mikið frá bæjum þar sem allir þekkja alla og flestir farþegar eru að nýta sér flugið mjög reglulega líkt og um rútubifreið væri að ræða.

Philip Baum, sérfræðingur í öryggismálum á flugvöllum, segir að þessar aðgerðir þurfi ekki að draga úr öryggi þar sem kúnnahópurinn eru þekktur í bænum og auðvelt sé að koma auga á aðkomumann og taka hann sérstaklega fyrir ef hann þykir grunsamlegur.

Í flestum tilvikum eru það sömu farþegarnir sem fljúga frá Campbeltown til Glasgow

„Hefðbundin öryggisleit þar sem notast er við sömu rútínuna aftur og aftur er oft sú leið sem fer úrskeiðis. Það þarf ekki alltaf að nota gegnumlýsingartæki til að framfylgja öryggi farþegar og hvar er betra að gera tilraun á þessu en í svona litlum bæ“, segir Baum.

Hinsvegar þurfa farþegar, sem lenda í Glasgow eftir flug frá Campbeltown og ætlar sér að halda áfram með tengiflugi, að fara í gegnum öryggisleit á flugvelinum í Glasgow þar sem ekki var leitað á þeim fyrir brottför.









  fréttir af handahófi

Aukning í að flugmenn falli á fíkniefnaprófi í Bandaríkjunum

24. mars 2017

|

Aukning hefur orðið á þeim tilfellum þar sem flugmenn hafa fallið á lyfjaprófi og greinst undir áhrifum vímuefna í atvinnuflugi.

26 milljarðar lítrar af eldsneyti hafa sparast með vænglingum

1. mars 2017

|

Með tilkomu vængflipa („winglets“) hafa flugfélög í heiminum sparað sér umtalsverða fjármuni er kemur að eldsneytiskostnaði en á meðan margar flugvélar eru framleiddar með vænglingjum þá eru einnig

Delta leggur inn þriðju pöntunina í Boeing 737-900ER

14. apríl 2017

|

Delta Air Lines hefur frá byrjun ársins bætt við tíu þotum í pöntun sína af vélum af gerðinni Boeing 737-900ER en með því á félagið von á 54 þotum af þessari gerð á næstu árum.

  Nýjustu flugfréttirnar

Fyrsta áætlunarflug heims með Boeing 737 MAX tók 47 mínútur

22. maí 2017

|

Fyrsta áætlunarflugið í heimi með Boeing 737 MAX var flogið í nótt að íslenskum tíma en það er malasíska flugfélagið Malindo Air sem flaug fyrsta MAX-flugið frá Kuala Lumpur til Singapore.

Einkaþota Elvis Presleys verður seld á uppboði

22. maí 2017

|

Einkaþota, sem var eitt sinn í eigu poppgoðsins Elvis Presley, verður seld á uppboði í næstu viku eftir að hafa varið 30 árum í flugvélakirkjugarði í eyðimörkinni í Nýju-Mexíkó.

EASA tekur Benin og Mozambique af svarta listanum

22. maí 2017

|

Flugmálayfirvöld í Evrópu hafa uppfært lista yfir þau flugfélög sem fá ekki að fljúga til evrópskra flugvalla í þeim löndum sem eru aðilar að Evrópusambandinu.

SaudiGulf í viðræðum við Boeing um pöntun á 16 breiðþotum

22. maí 2017

|

SaudiGulf Airlines er í viðræðum við Boeing vegna fyrirhugaðra kaupa á breiðþotum en flugfélagið sádí-arabíska var stofnað árið 2013 og hóf félagið starfsemi sína í fyrra.

Ökutæki valt eftir að hafa ekið á Boeing 737 á LAX

21. maí 2017

|

Átta manns slösuðust er flugvallarökutæki valt eftir að hafa ekið á væng á Boeing 737 þotu frá AeroMexico sem var nýlent á flugvellinum í Los Angeles í gær.

„Það hefur enginn frá borginni haft samband við okkur“

21. maí 2017

|

Nokkur reiði ríkir meðal flugmanna og þeirra sem fara fyrir grasrót flugsins vegna vinnubragða Reykjavíkurborgar sem sögð er fara krókaleiðir til að úthýsa Fluggörðum í nýrri breytingartillögu að aða

UPS mun endurnýja stjórnklefa á 52 Airbus A300 fraktþotum

20. maí 2017

|

Vöruflutningarisinn United Parcel Service (UPS) hefur gert samning við Honeywell og Airbus um uppfærslu á stjórntækjum, skjám og tölvubúnaði á 52 Airbus A300 þotum sem félagið hefur í flota sínum.

National mun hefja fraktflug kringum jörðina

20. maí 2017

|

National Airlines ætla sér að hefja fraktflug í kringum jörðina frá og með 1. júní í samvinnu við bandaríska fraktfyrirtækið Navitrans.

Etihad Airways mun hætta með Airbus A340 þoturnar í haust

20. maí 2017

|

Etihad Airways mun hætta með Airbus A340 þoturnar síðar á þessu ári en fyrirhugað er að þær verði farnar úr flotanum fyrir lok október í haust.

EasyJet breytir pöntun í 30 Airbus A320neo yfir í A321neo

20. maí 2017

|

Breska lágfargjaldafélagið easyJet hefur náð samkomulagi við Airbus um að breyta pöntun sinni í 30 Airbus A320neo þotur yfir í stærri tegundina, Airbus A321neo.

 síðustu atvik

  2017-04-01 22:09:00