flugfréttir
LOT Polish Airlines ætlar að taka á leigu þrjár Boeing 787-9
- Stefna á 17 Dreamliner-þotur fyrir árið 2020
31. janúar 2017
|
Frétt skrifuð kl. 18:00
Boeing 787-8 þota LOT Polish Airlines
Pólska flugfélagið LOT Polish Airlines ætlar að taka á leigu þrjár Dreamliner-þotur af gerðinni Boeing 787-9 frá flugvélaleigunni Aviation Capital Group.
LOT Polish Airlines mun fá fyrstu vélina afhenta í mars árið 2018 og verður hún notuð í áætlunarflugi
til John F. Kennedy flugvallarins í New York og til Chicago en félagið pólska hefur nú þegar fengið
sex Boeing 787-8 þotur afhentar af þeim átta sem félagið pantaði.
Félagið mun því koma til með að hafa 11 Dreamliner-vélar í flota sínum þegar allar vélarnar hafa
verið afhentar.
Fjögur ár eru síðan að LOT Polish Airlines fékk sína fyrstu Boeing 787-8 þotu afhenta en félagið
var það fyrsta í Evrópu til að fá Dreamliner-vélina.
„Með Boeing 787-9 mun verða brotið blað í sögu félagsins en vélin mun gefa okkur tækifæri á því að auka
sætaframboð á fjölförnustu flugleiðunum auk þess sem við getum bætt við nýjum leiðum“, segir Rafal
Milczarski, framkvæmdarstjóri féalgsins.
LOT vonast til þess að geta einnig notað Boeing 787-9 í áætlunarflugi til Asíu en í september
í fyrra sagði félagið að til stæði að tvöfalda farþegafjölda félagsins frá 4,3 milljónum upp í 10
milljónir farþega árið 2020.
Þá er einnig stefnt að því að fjölga Dreamliner-vélunum upp í 17 þotur á næstu þremur árum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
