flugfréttir
Yfirflugstjóri Air India neitaði nokkrum sinnum áfengisprófi
- Félag indverskra atvinnuflugmanna grípur til aðgerða
1. febrúar 2017
|
Frétt skrifuð kl. 22:36
Dreamliner-þota Air India
Yfirflugstjóri hjá Air India situr nú í súpunni fyrir að hafa nokkrum sinnum neitað því að gangast undir áfengispróf áður en hann fór um borð í farþegaflug en um nokkrar flugferðir er að ræða.
Félag indverskra atvinnuflugmanna hefur sent bréf með formlegri kvörtun til flugmálayfirvalda á Indlandi
þar sem þeir lýsa yfir áhyggju sínum varðandi málið.
Í bréfinu segir m.a. að þeir hafi orðið varir við að einn yfirmaður félagsins, sem situr í stjórn Air India, og
er einnig flugstjóri hjá félaginu hafi neitað að gangast undir reglubundið áfengispróf og hafi með
því stofnað öryggi farþega og áhafnarinnar í hættu með að fljúga þar sem óljós hvort hann hafi verið allsgáður.
Flugmannafélagið hvetur indversk flugmálayfirvöld til þess að hefja rannsókn á atvikinu og þá er mælt með því að strangari reglur verði teknar upp varðandi áfengispróf flugmanna til að sjá til þess
að flugmaður geti ekki flogið undir áhrifum áfengis.
Heimildarmaður innan Air India segir að fjögurra manna nefnd hafi verið stofnuð til þess að rannsaka málið
en á meðan ætla nokkrir flugmenn hjá félaginu að veita flugmálayfirvöldum m.a. upptökur úr myndvélum
sem staðsettar eru í starfsmannaherbergi þar sem flugmenn koma saman til að undirbúa sig fyrir flugferð sem gæti mögulega sýnt í hvaða ástandi hann var í þau skipti sem hann neitaði að gangast undir próf.
Þá ætla einhverjir flugmenn einnig að sjá til þess að ekki verði hægt að koma sér undan því að taka
áfengispróf og uppræta þá sem eru meðsekir í slíkum málum með því að hylma yfir slík brot.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
