flugfréttir
Boeing 777 þota SWISS enn á Baffinseyju vegna bilunar
5. febrúar 2017
|
Frétt skrifuð kl. 23:32
Boeing 777-300ER þota SWISS í lendingu á flugvellinum í Iqaluit á Baffinseyju þann 1. febrúar
Farþegaþota frá SWISS International Air Lines af gerðinni Boeing 777-300ER, sem þurfti að lenda óvænt á Baffinseyju þann 1. febrúar, er enn staðsett á flugvellinum í Iqaluit þar sem hún lenti vegna bilunar í hreyfli.
SWISS sendi flugvirkja frá Zurich til Iqaluit til að skoða vélina og finna orsök
bilunar sem kom upp í vinstri GE90 hreyfli sem varð til þess að hreyfillinn slökkti sjálfkrafa á sér eins og hönnun hans
gerir ráð fyrir.
Talsmaður flugfélagsins svissneska segir að skilaboð með viðvörun hafi komið fram
rétt áður en hreyfillinn slökkti á sér og af öryggisástæðum var ákveðið að lenda á næsta
flugvelli sem var Iqaluit.
Flugvirkjarnir hafa unnið að því að rannsaka hreyfilinn og er verið að ákveða næstu skref
en svo virðist sem að vandamálið sé fólgið í tannhjólum inni í kjarna hreyfilsins.
Talsmaður GE Aviation, sem framleiðir GE90 hreyfilinn, segir að unnið sé að því allan
sólarhringinn að því að finna lausn á vandamálinu en m.a. er búið að taka einhverja
íhluti úr hreyflinum og flytja til frekari skoðunar í höfuðstöðvum GE Aviation.
Vélin var á leið frá Zurich til Los Angeles þegar bilunin kom upp en farþegar voru ferjaðir með öðru flugi sem flaug sérstaklega til Iqaluit frá New York til að koma þeim á leiðarenda.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
