Láta reyna á ríkisstjórn Trumps til að knésetja flóaflugfélögin

- American, United og Delta biðja um fund með nýjum utanríkisráðherra

7. febrúar 2017

|

Frétt skrifuð kl. 06:19

Airbus A320 þota United Airlines í lendingu á flugvellinum í San Francisco og risaþota Emirates

Framkvæmdarstjórar þriggja stærstu flugfélaga Bandaríkjanna, United Airlines, Delta Air Lines og American Airlines, hafa skrifað bréf til nýkjörins utanríkisráðherra Bandaríkjanna, Rex Tillerson, þar sem þeir láta reyna á ásakanir varðandi óheiðarlega styrki sem þeir telja að flugfélögin í miðausturlöndum, við Persaflóa, séu að þiggja frá löndum sínum.

Framkvæmdarstjórar flugfélaganna hafa beðið um fund með Tillerson, sem áður starfaði sem framkvæmdarstjóri ExxonMobil, en hann tók við stöðu utanríkisráðherra Bandaríkjanna þann 2. febrúar.

Doug Parker, framkvæmdarstjóri United Airlines, Edward Bastian hjá Delta Air Lines og Oscar Munoz hjá American Airlines, telja að sl. ár hafi flugfélögin þrjú, Emirates, Qatar Airways og Etihad Airways, þegið milljarða í styrki frá árinu 2004 sem þeir segja hafi skaðleg áhrif á bandarísku flugfélögin.

Rex Tillerson, nýkjörinn utanríkisráðherra Bandaríkjanna

Framkvæmdarstjóranir þrír segja að sökum þessa þá sé búið að eyðileggja heiðarlega samkeppni fyrir bandarísku félögunum í flugi milli Bandaríkjanna og Miðausturlanda.

Í bréfi sem amerísku flugfélögin sendu í sameiningu til Tillerson kemur fram að af þeim 120 lofthelgissáttmálum sem eru í gildi milli Bandaríkjanna og annarra landa þá séu aðeins tveir sáttmáli sem hefur skapað vandræði og séu það sáttmálarnir milli sameinuðu arabísku furstadæmanna og Qatar.

Ríkisstjórn Obama hafði þegar fengið þetta mál inn á borð til sín en sú stjórn sá ekki ástæðu til að aðhafast eitthvað frekar í málinu.

United, Delta og American segja þessi lönd vera að misnota sáttmálan um flug milli þeirra landa og Bandaríkjanna með því að þiggja styrki frá löndum sínum sem gerir það að verkum að bandarísku flugfélögin ná ekki að keppa við þau er kemur að þægindum, markaðsmálum og framboði.

Þetta er ekki eina málið sem er í gangi í fluginu vestanhafs því félag bandarískra atvinnuflugmanna hafa einnig beðið nýjan samgönguráðherra Bandaríkjanna um að enduskoða sáttmála sem var staðfestur í desember varðandi loftferðasamning sem gerir norska flugfélaginu Norwegian núna kleift að hefja innreið sína af fullum krafti til Ameríku.