flugfréttir
Forskot WOW air og Norwegian til Ameríku lætur Ryanair hætta við ameríska drauminn
- Ryanair segir samkeppnina yfir Atlantshafið of mikla
Boeing 737-800 þotur Ryanair
Lágfargjaldaflug WOW air milli Evrópu og Bandaríkjanna er ein ástæða þess að Ryanair ætlar að hætta við áform sín um að hefja flug yfir Atlantshafið til Ameríku.
Nokkur ár eru síðan að lágfargjaldafélagið írska greindi frá því að verið væri að skoða möguleika
á lágfargjaldaflugi milli Evrópu og Norður-Ameríku en í febrúar 2014 sagði Ryanair að mögulega
myndi félagið bjóða upp á flug fyrir litlar 10 evrur aðra leiðina.
Nú hefur Ryanair sett þessar hugmundir á hilluna og er ástæðan sögð vera of mikil samkeppni meðal
lágfargjaldafélaga yfir Atlantshafið og ætlar félagið
að einblína þess í stað á samkeppnina í Evrópu.
Ryanair segir að nú þegar sé WOW air, Norwegian Air og kanadíska flugfélagið WestJet að bjóða
upp á lág fargjöld yfir Atlantshafið ásamt Rouge sem er dótturflugfélag Air Canada.
Michael O´Leary, framkvæmdarstjóri Ryanair ætlar sér
að einbeita sér þess í stað að Evrópu
Michael O´Leary, framkvæmdarstjóri Ryanair, segir að hríðfallandi verð á þotueldsneyti hefur
gefið flugfélögum tækifæri á að hefja lágfargjaldaflug yfir Atlantshafið en Ryanair sagði árið 2014
að félagið þyrfti fyrst að finna fleiri vélar í flotann til að geta byrjað að fljúga til Ameríku.
Þá segir O´Leary einnig að samkeppnin sé einnig mjög mikil frá miðausturlandafélögum á borð
við Emirates, Qatar Airways og Etihad Airways sem sum fljúga til Ameríku með viðkomu
í evrópskum borgum sem myndi sennilega gera Ryanair erfiðara fyrir í samkeppninni.
Áhugi Ryanair fyrir flugi til Ameríku byrjaði fyrst árið 2007 en dalaði með árunum en það var
ekki fyrr en fyrir 3 árum síðan að félagið fór aftur að skoða kosti þess að hefja lágfargjaldaflug til
Bandaríkjanna.
Markaðssérfræðingar höfðu lýst yfir efasemdum varðandi þessi áform og töldu að núverandi viðskiptamódel Ryanair myndi ekki virka í flugi til Ameríku þar sem farþegar vilja aukin þægindi þegar kemur að því að fljúga í yfir 7 klukkustundir.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.