flugfréttir

Flugstjóri í andlegu ójafnvægi hræddi farþega frá borði með áróðri um Trump

- Tjáði farþegum að hún væri að ganga í gegnum skilnað

13. febrúar 2017

|

Frétt skrifuð kl. 13:05

Um 20 farþegar yfirgáfu vélina þar sem þeim leyst ekkert á hegðun flugstjórans

Óvenjulegt atvik átti sér stað um helgina á flugvellinum í Austin í Texas er kona, sem er flugstjóri hjá United Airlines, mætti of seint um borð klædd í hefðbundin föt með derhúfu og hóf að ávarpa farþega gegnum kallkerfið þar sem hún lýsti andúð sinni á Donald Trump auk þess sem hún tjáði farþegum að hún væri að ganga í gegnum skilnað.

Flugstjórinn átti að fljúga Airbus A319 þotu félagsins til San Francisco en þegar hún kom um borð byrjaði hún á því að óska eftir atkvæðum frá farþegum sem hún bað um að segja sér hvort hún ætti að fljúga í sínum venjulegum fötum eða fara í flugmannabúninginn.

Hún afsakaði að hún væri klædd í venjuleg föt og sagði að því miður þá væri hún að ganga í gegnum skilnað við eiginmann sinn.

Að sögn þeirra farþega sem voru um borð þá tók hún því næst kallkerfið fram í hjá flugfreyjunum og byrjaði að lýsa skoðunum sínum á Donald Trump og Hillary Clinton og sagði að þau væru bæði fávitar og lygarar og sagðist hún hafa ekki greitt þeim sitt atkvæði í forsetakosningunum sl. haust.

Ljósmynd sem einn farþeginn um borð tók af flugstjóranum er hún ávarpi farþega

Á þessum tímapunkti voru farþegar farnir að lýsa frá hegðun flugstjórans á Twitter og skrifuðu einnig um ástand hennar á samfélagssíður United Airlines.

„Ég var að yfirgefa flug UA455 þar sem að flugstjórinn sýndi mjög áberandi að hún er ekki í andlegu jafnvægi til að fljúga“, skrifaði einn farþeginn á Twitter en um tuttugu farþegar yfirgáfu vélina þar sem þeir treystu sér ekki til að fljúga með henni.

Talsmaður United Airlines staðfesti að flugstjórinn um borð í umræddu flugi mætti ekki í viðeigandi klæðnaði og ekki er vitað af hverju henni var hleypt út í vél án búningsins.

United Airlines bað farþegana afsökunar á þessu atviki en tveggja tíma seinkun varð á fluginu þar sem flugfélagið þurfti að kalla til annan flugstjóra.

Myndband:









  fréttir af handahófi

Framleiðslu á Antonov An-48 í Rússlandi verður hætt

26. júní 2017

|

Rússar ætla að hætta að framleiða hina tveggja hreyfla, úkraínsku Antonov An-148 farþegaþotu eftir að lokið hefur verið við að setja saman tvær seinustu vélarnar.

Lion Air hættir við sjö Airbus A320 þotur

8. júní 2017

|

Indónesíska lágfargjaldafélagið Lion Air hefur hætt við pöntun í sjö Airbus A320 þotur og þar á meðal eru fimm af gerðinni A320neo.

Qatar Airways vill kaupa 10 prósenta hlut í American

22. júní 2017

|

Qatar Airways hefur lýst yfir áhuga sínum á að kaupa 10 prósenta hlut í American Airlines.

  Nýjustu flugfréttirnar

Airbus A330 þota föst á flugbraut á Tenerife

28. júní 2017

|

Nokkrar tafir urðu á flugi um Reina Sofia flugvöllinn á Tenerife í gær eftir fjórir hjólbarðar sprungu á báðum aðalhjólastellunum á Airbus A330 þotu frá breska flugfélaginu Jet2.com.

Delta tekur úr umferð fyrstu MD-90 þotuna

28. júní 2017

|

Delta Air Lines hefur tekið úr umferð fyrstu McDonnell Douglas MD-90 þotuna.

Ryanair hefur mikinn áhuga á Boeing 737 MAX 10

27. júní 2017

|

Michael O´Leary, framkvæmdarstjóri Ryanair, segir að lágfargjaldarfélagið írska hafi mikinn áhuga á að panta Boeing 737 MAX 10 þotuna ef félagið fái þær á „réttu verði“.

Áttræð kona kastaði klinki inn í hreyfil fyrir brottför

27. júní 2017

|

Töluverð seinkun varð á flugi CZ380 hjá kínverska flugfélaginu China Southern í gær eftir að eldri kona um áttrætt gerði sér lítið fyrir og kastaði klinki inn í hreyfil á Airbus A320 þotu félagsins.

Svangur þyrluflugmaður lenti þyrlu við McDonalds í Sydney

26. júní 2017

|

Flugmálayfirvöld í Ástralíu rannsaka nú atvik eftir að þyrluflugmaður lenti þyrlu sinni við McDonalds veitingastað í Sydney til að sækja sér hamborgara í hádeginu en þyrluflugmaðurinn kveðst hafa fen

Emirates vill sameinast rekstri flydubai

26. júní 2017

|

Emirates hefur lýst því yfir að möguleiki sé á því að félagið muni sameinast við lágfargjaldafélagið flydubai og gætu félögin starfað saman undir sama hatti.

Tvær Ilyushin Il-96-300 þotur pantaðar fyrir Rússlandsforseta

26. júní 2017

|

Vladimir Pútin mun fá tvær nýjar forsetaflugvélar af gerðinni Ilyushin Il-96-300.

BA tekur á leigu níu Airbus-þotur frá Qatar Airways

26. júní 2017

|

British Airways ætlar sér að taka á leigu níu Airbus A320 og Airbus A321 þotur frá Qatar Airways til að bregðast við yfirvofandi verkfalls sem skellur á þann 1. júlí næstkomandi.

Tíu herflugvélar urðu fyrir skemmdum eftir skýstróka

25. júní 2017

|

Tíu herflugvélar á vegum bandaríska flughersins skemmdust er skýstrókur gekk yfir Offutt Air Force Base herflugvöllinn í Nebraska á dögunum.

Einn metri skildi að dróna og Airbus A319 þotu frá easyJet

24. júní 2017

|

Aðeins einn metri skildi að Airbus A319 þotu frá easyJet og dróna er vélin var í aðflugi að flugvellinum í Liverpool sl. fimmtudag.