flugfréttir
Snéri við með eldsneytisleka eftir að hafa klesst á dádýr í flugtaki
charlotte, nc
15. febrúar 2017
|
Frétt skrifuð kl. 19:36
Slökkvilið og tækjabílar sprautuðu vélina með froðu eftir að í ljós kom að mikið magn af eldsneyti var að leka frá vélinni
Farþegaþota frá American Eagle af gerðinni Canadair CRJ-700 varð fyrir dádýri sem hljóp í veg fyrir vélina er hún var í flugtaki á Charlotte-Douglas flugvellinum í Norður-Karólínu nú fyrir stundu.
Vélin var í flugtaki kl. 16:42 að íslenskum tíma á Charlotte-Douglas flugvelli á leið til Gulfport í Mississippi
þegar flugmennirnir og farþegar urðu varir við háværan hvell þegar vélin var að hefja sig á loft.
Vélin, sem er í eigu PSA Airlinse, sem flýgur m.a. fyrir American Eagle, hætti flugtaksklifri í 4,000 fetum og snéri við og fór í lágflugi yfir flugvöllinn svo flugumferðarstjórar
gætu séð hvort að öll hjólin væru niðri.
Hinsvegar kom í ljós mikill gufu- og vatnsslóði sem lagði frá öðrum væng vélarinnar og tilkynnti annar
flugmaður á annarri vél að sennilega væri um eldsneytisleka að ræða.
Á myndbandinu má sjá lekann er vélin kom inn til lendingar:
Slökkviliðsbílar og tækjabílar umkringdu vélina eftir að hún lenti og var hún sprautuð með froðu þar sem mikið magn af þotueldsneyti lak frá tönkum vélarinnar.
44 farþegar voru um borð í vélinni og voru þeir fluttir með rútum að flugstöðinni en engann sakaði.
Skömmu eftir að flugvélin snéri eftir flugtakið fundu starfsmenn flugvallarins dautt dádýr á flugbrautinni
og hafa bandarísk flugmálayfirvöld (FAA) staðfest að vélin hafi klesst á dýrið í flugtakinu.
44 farþegar voru í vélinni og komist allir frá borði heilir á húfi
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
