flugfréttir
Saka American um að sniðganga reglur um þreytu flugmanna
4. mars 2017
|
Frétt skrifuð kl. 15:08
Flugmaður um borð í stjórnklefa á Boeing 777 þotu
Flugmenn hjá American Airlines hafa gefið frá sér bréf með yfirlýsingu fyrir hönd starfsmannafélagsins þar sem þeir saka félagið um að sniðganga reglugerðir sem eiga að koma í veg fyrir að of þreyttir flugmenn séu látnir fljúga.
Dan Carey, formaður Allied Pilots Association, segir að American Airlines sé að stofna öryggi farþega
og áhafna í hættu með því að hunsa reglur sem eiga að tryggja að þreyttur flugmaður sé látinn mæta til vinnu og sé ekki verið að framfylgja sáttmála sem gerður var árið 2013 varðandi þessi mál.
Í bréfinu kemur fram að félagið sé að taka mikla áhættu sem getur haft í för mér sér alvarlegar afleiðingar
ef ástandið heldur áfram í sömu mynd.
Í bréfinu er vitnað í sáttmála um þreytuáhættuaðgerðir sem American Airlines er sagt vera að sniðganga
en reglugerðinni er ætlað að uppræta og koma í veg fyrir að flugmenn séu að fljúga sem hafa ekki fengið nægilega hvíld.
Fram kemur að stjórn félagsins hafi ekki veitt sáttmálanum neina eftirfylgni, ekki komið á fundum þar
sem til stóð að fara yfir stöðuna og taka ýmis atvik fyrir til að ræða lausnir á vandamálinu.
Dan Carey segir að félagið eigi að hætta að skipuleggja vaktir þar sem gert er ráð fyrir flugmönnum
til starfa sem þegar hafa kvartað undan þreytu eða svefnleysi.
Flugvélar American Airlines á Dallas-Fort Worth flugvellinum
Talsmaður American Airlines segir að öryggi meðal farþega og áhafna komi ávalt í fyrsta sæti og verði bréfið tekið til skoðunar.
Flugmenn, sem eru meðlimir í Allied Pilots Association, lýstu sl. sumar yfir áhyggjum sínum
yfir því að stjórn American Airlines hafði beðið flugmenn um að vinna meira en leyfilegur vinnutími segir til um í þeim tilgangi
að halda áætlun félagsins yfir háannatímann yfir sumarið.
Nokkrir flugmenn sögðu að félagið hefði m.a beðið flugmenn um að minnka þann tíma sem fer
í akstur milli flugbrauta og flugstöðva með því að „taxa“ á meiri hraða en eðlilegt þykir og nota flugleiðir
sem voru ekki í samræmi við þær leiðir sem flugumferðarstjórn gerði ráð fyrir að þeir myndu fljúga.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
