flugfréttir

Ryanair mun bæta við 144 nýjum flugleiðum í ár

- Mesta aukningin verður um Frankfurt-flugvöll

7. mars 2017

|

Frétt skrifuð kl. 14:25

Boeing 737-800 þotur Ryanair

Ryanair mun stækka leiðarkerfi sitt enn frekar á þessu ári og þá sérstaklega í haust þegar félagið mun byrja að fljúga 144 nýjar leiðir innan Evrópu.

Þá mun félagið breyta 51 flugleið og gera fjölda borga að heilsársáfangastöðum sem hafa í dag verið flogið til aðeins yfir sumartímann.

Ryanair er stærsta flugfélag Evrópu er kemur að farþegafjölda en í fyrra rauf félagið „hundrað milljóna múrinn“ er félagið varð fyrsta flugfélagið í heiminum til að flytja 100 milljónir farþega á 12 mánaða tímabili.

Í fyrra flugu 116 milljónir með Ryanair en í 2. sæti í Evrópu kom Turkish Airlines sem fluttu 62.8 milljónir farþega það árið.

Af þeim 144 nýju flugleiðum sem Ryanair mun byrja að fljúga næsta haust þá verður mesta aukningin á leiðum til og frá flugvellinum í Frankfurt en í þessum mánuði einum mun félagið byrja að fljúga frá Frankfurt til Alicante, Faro, Malaga og til Mallorca.

Ryanair mun byrja að fljúga til 20 borga frá Frankfurt í október en þá mun félagið einnig hefja flug til 28 áfangastaða frá Berlín, Hamborg, Memmingen, Nuremberg, Karlsruhe og frá Bremen.

Þessi gríðarlegu umsvif Ryanair sem fyrirhuguð eru frá þýskum flugvöllum munu setja aukna pressu á Lufthansa sem hefur reynt að svara samkeppni lágfargjaldafélaganna með dótturfélaginu Eurowings.

Sem dæmi má nefna þá á pólska borgin Krakow von á 14 nýjum áfangastöðum í ár þegar Ryanair mun hefja flug frá henni til Aþenu, Barcelona, Berlín, Franfkurt, Glasgow, Gautaborg, Lamezia, Lissabon, Lourdes, Malmö, Marseille, Napólí, Nuremberg, Pescara, Porto, Prag, Sevilla, Tel Aviv, Treviso og Valencia.

Þá mun Ryanair bæta 10 borgum við Edinborg og það sama gildir um Eilat Ovda flugvöllinn í Ísrael og Sevilla á Spáni sem fá tíu borgir hvor í leiðarkerfið og þá mun Ryanair hefja flug frá Kaupmannahöfn til sjö flugvalla í ár sem eru London (Stansted), Napólí, Pescara, Sevilla, Thessaloniki, Valencia og Zadar.

Ryanair hefur í dag 372 þotur í flota sínum sem eru af gerðinni Boeing 737-800 en félagið á von á 93 til viðbótar af þeirri gerð auk 100 véla af gerðinni Boeing 737 MAX 200.







  fréttir af handahófi

Primera Air mun fljúga frá Birmingham til Íslands

18. mars 2018

|

Primera Air mun hefja flug milli Keflavíkur og Birmingham sem verður fyrsta flugleið félagsins milli Bretlands og Íslands.

FedEx ætlar að þjálfa sína eigin flugmenn

4. apríl 2018

|

Vöruflutningarisinn FedEx hefur ákveðið að tryggja stöðu sína gagnvart flugmannaskorti með því að setja á laggirnar flugnámsleið þar sem fyrirtækið ætlar að þjálfa sína eigin framtíðarflugmenn.

Ekki tilbúnir að smíða hreyfla fyrir 70 A320neo þotur á mánuði

5. mars 2018

|

Báðir hreyflaframleiðendurnar, sem framleiða hreyfla fyrir Airbus A320neo þotuna, segast ekki vera tilbúnir til að auka afköst sín í takt við Airbus sem ætlar sér að hækka framleiðsluhraðann upp í sj

  Nýjustu flugfréttirnar

Virgin America kveður háloftin

25. apríl 2018

|

Bandaríska flugfélagið Virgin America heyrir nú sögunni til en félagið flaug í gærkvöldi sitt seinasta farþegaflug.

The Dirty Dozen veggspjald númer tvö fjallar um kæruleysi

25. apríl 2018

|

Samgöngustofa, í samvinnu við öryggisnefndir FÍA, FÍF og FFÍ, gefur nú út veggspjöld sem byggð eru á hugmynd Gordon DuPont sem kallast „The Dirty Dozen".

Hagnaður Cargolux jókst up 2.340 prósent árið 2017

25. apríl 2018

|

Árið 2017 var besta árið í sögu Cargolux sem uppskar methagnað en þá flaug félagið í fyrsta sinn einni milljón tonnum af flugfrakt.

Flugkennsla í Ástralíu í niðurníðslu - Mörgum flugskólum hefur verið lokað

25. apríl 2018

|

Dick Smith, fyrrum yfirmaður hjá áströlskum flugmálayfirvöldum, sakar ríkisstjórn Ástralíu um að hafa eyðilagt þann iðnað sem snýr að flugkennslu og flugþjálfun í Ástralíu.

Risaþotur ANA munu taka 520 farþega

25. apríl 2018

|

Airbus A380 risaþotur ANA (All Nippon Airways) munu koma með sætum fyrir 520 farþega en flugfélagið japanska á von á þremur slíkum þotum frá Airbus frá og með næsta vori.

Guðmundur og Valeria leiða stafræna þróun Icelandair

24. apríl 2018

|

Tveir starfsmenn hjá Icelandair hafa tekið við tveimur nýjum stöðum innan flugfélagsins í kjölfar skipulagsbreytinga sem gerðar hafa verið en Guðmundur Guðnason og Valeria Rivina hafa tekið við sitth

Fyrsta farþegaflugið með nýrri kynslóð af Embraer-þotum

24. apríl 2018

|

Widerøe varð í dag fyrst allra flugfélaga í heiminum til að fljúga áætlunarflug með Embraer E190-E2 þotunni sem er ný kynslóð af E-þotunum en félagið fékk þotuna afhenta í byrjun þessa mánaðar.

Hundurinn (TF-DOG) í lágflugi yfir Reykjavík

24. apríl 2018

|

Hundurinn er komin til landsins, eða TF-DOG, sem er nýjasta farþegaþota WOW air.

Ryanair pantar 25 Boeing 737 MAX 8 þotur

24. apríl 2018

|

Ryanair hefur staðfesta pöntun hjá Boeing í tuttugu og fimm farþegaþotur af gerðinni Boeing 737 MAX 8.

Volga-Dnepr riftir samningi við NATO í kjölfar hernaðaraðgerða

23. apríl 2018

|

Rússneska flugfélagið Volga-Dnepr hefur ákveðið að hætta að fljúga með flugfrakt fyrir öll þau lönd sem eru aðilar í Atlantshafsbandalaginu (NATO) vegna hernaðaraðgerðir landanna í Sýrlandi.