flugfréttir

Icelandair valið frumlegasta og hugmyndaríkasta félagið

- Icelandair hlýtur „Gullpálmann“ í Berlín

10. mars 2017

|

Frétt skrifuð kl. 13:02

Úr „Stop Over Buddy“ auglýsingu Icelandair

Icelandair hlaut í gær hin eftirsóttu verðlaun þýsku ferðaþjónustunnar „Gullpálmann“ fyrir árið 2016 en verðlaunin, sem eru stundum kölluð óskarsverðlaun þýskrar ferðaþjónustu hafa verið veitt síðustu 20 árin á stærstu ferðakaupstefnu veraldar, ITB sem nú stendur yfir í Berlín.

Verðlaunin eru veitt í 6 mismunandi flokkum, m.a. ferðaskrifstofum og áfangastöðum sem dómnefndin telur að hafi skarað fram úr á árinu. Icelandair er eina flugfélagið sem verðlaunað var að þessu sinni. Verðlaunin hlýtur Icelandair sem „frumlegasta og hugmyndaríkasta flugfélag ársins“ í Evrópu.

Í niðurstöðu dómnefndar segir að Icelandair hafi sýnt skemmtilega hugkvæmni og aðdáunarvert frumkvæði með því að virkja starfsfólk flugfélagsins til að gera svokölluðum „stop-over-farþegum“, sem gera stuttan stans á Íslandi á leið sinni milli Evrópu og Norður-Ameríku, Íslandsdvölina eftirminnilega.

Það hafi verið einróma álit þeirra sem nutu þessarar svokölluðu „Stop-over-buddy“-þjónustu, þar sem starfsmenn kynntu farþegum flugfélagsins „sitt“ Ísland, að þetta hafi verið sannkallað ævintýri fyrir hina erlendu gesti.

Stopver Buddy auglýsing Icelandair

Ein af forsendum þess að Icelandair hlýtur umrædda viðurkenningu er einnig sögð hafa verið sú að dagblaðið Süddeutsche Zeitung, sem er einn virtasti fjölmiðill Þýskalands, hafi séð ástæðu til að gera umræddu „buddy“-verkefni flugfélagsins ítarleg skil.

Í tengslum við verðlaunaafhendinguna sem fram fór í glæsilegu samkomuhúsi Bertelsmann-stofnunarinnar við hina sögufrægu breiðgötu  „Unter den Linden“ í Berlín í gærkvöldi, að viðstöddum fjölda boðsgesta úr opinberu lífi höfuðborgarinnar, hlýtur flugfélagið einnig veglega kynningu í nýjasta hefti tímaristins GEO Saison, sem er eitt víðlesnasta ferðamálatímarit Þýskalands.

Meðal þeirra sem standa að umræddum verðlaunum er útgáfufyrirtækið Gruner und Jahr, sem gefur út fjölda vinsælla tímarita um ferðamál, auk hins þekkta vikurits „Stern“.

„Það er ótvírætt mikill heiður fyrir Icelandair að hljóta þessi „óskarsverðlaun“ þýskrar ferðaþjónustu, ekki síst þegar haft er í huga að í dómnefndinni sitja nokkrir reyndustu og áhrifamestu ferðamálafrömuðir Þýskalands“, segir Birkir Hólm Guðnason, framkvæmdastjóri Icelandair.

Á myndinni tekur Arthur Björgvin Bollason, fjölmiðlafulltrúi Icelandair í Þýskalandi, við verðlaununum í Berlín í gærkvöldi.







  fréttir af handahófi

Örn og kanína enduðu í hreyfli á Boeing 737 í flugtaki

26. október 2017

|

Farþegaþota af gerðinni Boeing 737 þurfti að snúa við skömmu eftir flugtak frá Melbourne í Ástralíu um seinustu helgi eftir að stór örn og kanína enduðu í vinstri hreyfil þotunnar.

Fimmtugasta Airbus-þotan í lokasamsetningu í Alabama

18. september 2017

|

Airbus hefur náð þeim áfanga að hafa sent fimmtugustu sendinguna af einingum fyrir Airbus A320 þotuna yfir Atlantshafið til Bandaríkjanna til nýju verksmiðjunnar í Mobile í Alabama.

Stytting hafin á flugbrautinni í Santa Monica

29. október 2017

|

Framkvæmdir eru hafnar við styttingu flubrautarinnar á flugvellinum í Santa Monica í Kaliforníu en mikill hiti hefur verið um flugvöllinn þar sem borgarstjóri Santa Monica hefur barist fyrir lokun v

  Nýjustu flugfréttirnar

Lufthansa þokast nær yfirtöku á Alitalia

14. desember 2017

|

Lufthansa er skrefi nær því að taka yfir rekstri ítalska ríkisflugfélagsins Alitalia en forsvarsmenn Lufthansa munu um helgina halda til fundar í Róm þar sem staðan vegna yfirtökunnar verður tekin fy

Norwegian kaupir 28 pláss á Gatwick-flugvelli

14. desember 2017

|

Norska flugfélagið Norwegian hefur náð að styrkja stöðu sína á Gatwick-flugvelli með kaupum á 28 vikulegum afgreiðsluplássum af litháenska flugfélaginu Small Planet Airlines.

Orðrómur: Delta mun panta 100 Airbus A321neo þotur

14. desember 2017

|

Sagt er að Delta Air Lines muni síðar í dag tilkynna um risapöntun í allt að 100 farþegaþotur frá Airbus.

Blackbird Air í Danmörku stefnir á einkaþotuflug til Ameríku

14. desember 2017

|

Danska leiguflugfélagið Blackbird Air ætlar sér að hefja reglubundið flug til Bandaríkjanna með einkaþotum.

Gjaldþrot blasir við Niki

13. desember 2017

|

Gjaldþrot blasir við austurríska flugfélaginu Niki eftir að Lufthansa lýsti því yfir í dag að félagið væri hætt við yfirtöku á Niki þar sem allt stefnir í að Evrópusambandið sé að fara hafna yfirtöku

Lufthansa fær ekki að kaupa Niki

13. desember 2017

|

Lufthansa hefur hætt við áform sín um að taka yfir rekstur flugfélagsins Niki eftir að Framkvæmdarstjórn Evrópusambandsins hafnaði viðskiptunum á grundvelli samkeppnislaga.

Primera Air pantar tvær Boeing 737 MAX til viðbótar

13. desember 2017

|

Primera Air hefur staðfest pöntun á tveimur Boeing 737 MAX 9 þotum til viðbótar sem bætist við þær átta þotur sem félagið pantaði í vor.

Flugmenn Ryanair boða til verkfalls fyrir jólin

12. desember 2017

|

Flugmenn hjá Ryanair hafa boðað til verkfallsaðgerða fyrir jólin en nokkur starfsmannafélög meðal flugmanna félagsins, bæði á Írlandi og á meginlandi Evrópu hafa boðað til verkfalla.

Rannsókn lokið á þotu sem fór í loftið með mikla ísingu

12. desember 2017

|

Flugmálayfirvöld í Svíþjóð hafa lokið við rannsókn á atviki er fjögurra hreyfla farþegaþota af gerðinni Avro RJ-100 fór í loftið með ísingu á vængjum en vélin gekkst ekki undir afísingarferli fyrir b

Malaysian ætlar að hafa risaþoturnar áfram

12. desember 2017

|

Malaysia Airlines hefur tilkynnt að félagið sé hætt við að taka Airbus A380 risaþoturnar úr notkun og ætlar félagið að halda þeim áfram í flotanum í reglubundnu áætlunarflugi.

 síðustu atvik

  2017-12-04 17:20:00