flugfréttir
Telja Boeing 737 hafa verið allt of lágt í aðflugi að St. Maarten
- WestJet segir að vélin hafi ekki farið niður í óeðlilega flughæð
Boeing 737-800 þota WestJet í óvenjulega lágu aðflug að St. Maarten
Kona ein, sem var að mynda flugvélar af þaki íbúðar á eyjunni St. Maarten í Karíbahafi, náði þessari ljósmynd sem sýnir atvik þar sem farþegaþota af gerðinni Boeing 737-800 flaug mjög nálægt yfirborði sjávar í aðflugi að hinum fræga Princess Juliana flugvelli.
Um var að ræða vél af gerðinni Boeing 737-800 frá kanadíska flugfélaginu WestJet í
„Frozen-litabúningi“ Disney sem var að koma
frá Toronto sl. þriðjudag.
Kona ein að nafni Christine Garner tók eftirfarandi ljósmynd og sagði hún hafa næstum því
fengið áfall því hún hélt að vélin ætlaði í sjóinn.
„Þegar flugvélin kom í gegnum skýin þá kom það mér á óvart hversu lágt hún flaug og hún
var mun lægra á lofti en ég. Venjulega þá eru þær að koma inn í sömu hæð eða aðeins ofar“, segir
Garner.
Atvikið átti sér stað sl. þriðjudag (7. mars)
Flugmennirnir hættu við lendinguna skömmu síðar, fóru í fráflug („go around“) og lenti vélin
45 mínútum síðar.
Lauren Stewart, talsmaður WestJet, segir að samkvæmt þeim upplýsingum sem hún
hefur undir höndum þá hafi ekkert óeðlilegt átt sér stað í aðfluginu og hafi vélin aldrei
farið undir 500 fet áður en hún hætti við lendinguna.
Aðrir flugmenn og sérfræðingar í fluginu eru þó ekki á sama máli og segja að vélin hafi
verið komin hættulega lágt nálægt sjónum.
„Ég þori að veðja upp á pening að þeir voru komnir niður í 50 fet“, segir flugstjóri einn sem flýgur Boeing 737, vél sem er sömu gerðar. - „Að vera svona lágt og það ekki
yfir flugbraut er hreinlega mjög hættulegt“, segir flugstjórinn.
Annar flugstjóri, sem er með 20.000 tíma að baki, sem einnig hefur séð myndina segir: „Það
er augljóst að lengd upp á hálft vænghaf vélarinnar skilur að fjarlægðina við sjóinn. Það sést
líka á hvernig hreyflarnir ýfa upp hafflötinn“.
Farþegi einn, sem var um borð í vélinni, segir að skyndilega hafi vélin rifið sig aftur upp í loftið
eftir að hafa farið mjög nálægt sjónnum. - „Þetta var eins og að vera í rússíbana. Svo tók
vélin skarpa beygju til hægri í klifrinu og engin um borð sagði neitt á meðan“, segir farþeginn.
WestJet svaraði fyrir flugfélagið og tók fram að atvikið verði skoðað og komist að því
hvað átti sér stað.
Vélin í næsta aðflugi og var hún þá komin í eðlilega hæð
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.