flugfréttir

SAS þjálfar 18 flugstjóra fyrir flug til Færeyja

- Færeyskur flugstjóri hjá SAS meðal þeirra - Hefur samt aldrei lent í Vágar

15. mars 2017

|

Frétt skrifuð kl. 16:18

Aðflugið að Vágar-flugvellinum í Færeyjum séð út um stjórnklefa á Airbus-þotu Atlantic Airways

Aðeins nokkrir útvaldir flugmenn hjá Scandinavian Airlines munu koma til með að fljúga til Færeyja þegar áætlunarflug SAS hefst til Vágar-flugvallarins í næstu viku.

Það er þekkt staðreynt að veður og vindar hafa gert meira að segja þrautreyndum flugmönnum erfitt fyrir í Færeyjum.

Airbus-þotur færeyska flugfélagsins Atlantic Airways eru til að mynda útbúnar sérstökum leiðsögubúnaði sem nefnist „Required Navigation Performance“ (RNP) sem auðveldar aðflugið að flugvellinum í Vágar.

Þar af leiðandi hefur SAS sett saman hóp 18 flugstjóra sem munu fljúga til Færeyja en þeir hafa gengist undir sérstaka þjálfun til að fljúga til Vágar-flugvallarins og munu þeir hafa í för með sér aðstoðarflugmenn sem munu í leiðinni fá þjálfun fyrir Færeyjar.

Næstkomandi föstudag, þann 17. mars, munu flugstjórarnir hefja þjálfun í flughermi en meðal flugstjóranna átján er Herálvur Nielsen sem er Færeyingur en hann hefur flogið fyrir SAS í 20 ár.

Herálvur Nielsen hefur flogið fyrir SAS í yfir 20 ár

Þrátt fyrir að Herálvur sé fæddur og uppalinn í Færeyjum þá hefur hann sjálfur aldrei lent flugvél í Vágar en hann hefur allan sinn atvinnuflugmannsferil flogið fyrir SAS og þar á undan lærði hann að fljúga í hernum.

Krefjandi flugvöllur til að lenda á

„Flugvöllurinn er staðsettur milli tveggja fjalla sem skapar mikla sviptivinda sem standa þvert á brautina sem skapar oft mikla ókyrrð í aðfluginu“, segir Herálvur en margir flugmenn luma á skrautlegum sögum um lendingar í Færeyjum.

Herálvur segir að ef ókyrrðin og sviptivindarnir eru of miklir þá þarf oft að gera aðrar áætlani á borð við að fara í biðflug en í versta falli þarf að annað hvort að snúa við eða lenda á varaflugvöllum.

Herálvur segist ekki hafa miklar áhyggjur yfir þeirri undarlegri stöðu að hann sé Færeyingur að fljúga fyrir SAS sem verður andstæðingur í samkeppni við Atlantic Airways sem er hans heimaflugfélag.

„Það er samkeppni allsstaðar í heiminum og það er ekkert sem ég get gert í því. Sem flugstjóri þá má ég ekki láta mínar ákvarðanartökur stjórnast af samkeppni. SAS er minn atvinnurekandi“, segir Herálvur.

SAS mun hefja flug til Færeyja frá Kaupmannahöfn þann 26. mars en Atlantic Airways hefur í mörg ár verið eina flugfélagið sem hefur tengt eyjarnar við Danmörku.







  fréttir af handahófi

Air France tekur á leigu Fokker 100 þotu

12. mars 2018

|

Air France mun síðar í mánuðinum taka í notkun eina farþegaþotu af gerðinni Fokker 100 sem verður tekin á leigu í sumar.

Myndi panta risaþotuna A380 ef hún væri ódýrari

7. mars 2018

|

Willie Walsh, framkvæmdarstjóri International Airlines Group (IAG), móðurfélags British Airways og Iberia, segist vera til í að kaupa fleiri Airbus A380 risaþotur ef þær væru aðeins ódýrari.

750 skjáir á draugaflugvellinum í Berlín eru komnir á tíma

21. mars 2018

|

Flatskjáir hafa sinn líftíma og núna er komið að því að skipta um hundruði upplýsingaskjáa á nýja Brandenburg-flugvellinum í Berlín þrátt fyrir að aldrei hafi neinn einasti farþegi horft á þá til að

  Nýjustu flugfréttirnar

Aer Lingus byrjar að fljúga til Seattle

23. maí 2018

|

Aer Lingus hefur hafið áætlunarflug til Seattle í Bandaríkjunum en Dublin hefur verið vinsælasti áfangastaðurinn á vegum þeirra farþega sem fljúga frá Seattle með tengiflugi.

Flugmaðurinn fastur í umferð í leigubíl í fjóra tíma

23. maí 2018

|

Farþegar með einu flugi á vegum easyJet þurftu að bíða í fjórar klukkustundir inni í vélinni á Gatwick-flugvellinum í gær þar sem annar flugmaðurinn var fastur í umferð í leigubíl.

Þrjú flugfélög hefja flug til Dallas

23. maí 2018

|

Dallas í Texas er áfangastaður sem aldrei áður hefur verið flogið til frá Íslandi í beinu flugi en á næstu tveimur vikum munu hvorki meira né minna en þrjú flugfélög hefja flug milli Dallas og Keflav

Svipt leyfinu vegna flugslyssins á Kúbu

23. maí 2018

|

Flugmálayfirvöld í Mexíkó hafa svipt flugfélaginu Damojh Airlines flugrekstrarleyfinu í kjölfar flugslyssins þann 18. maí sl. er þota í eigu félagsins af gerðinni Boeing 737-200 fórst skömmu eftir fl

Flugstöðin á Patreksfirði til sölu

22. maí 2018

|

Fyrir þá sem dreymir um að eignast sína eigin flugstöð þá er tækifæri til slíkra kaupa einmitt núna en á fasteignavef Morgunblaðsins má sjá að flugstöðin á Patreksfirði er nú til sölu.

Flugfélög í Afghanistan fá að fljúga á ný til Evrópu

22. maí 2018

|

Flugmálayfirvöld í Afghanistan tilkynntu í gær að öll flugfélög landsins verði á næstunni fjarlægð af svarta listanum í Evrópu.

Air India losar sig við A320 þotur með tvöföldum hjólum

22. maí 2018

|

Air India mun hætta með þær Airbus A320 þotur sem koma með tvöföldum hjólum á aðalhjólastelli en flugfélagið indverska fékk vélarnar yfir í sinn flugflota við yfirtökuna á Indian Airlines árið 2011.

Lenti án nefhjóls í Jeddah

22. maí 2018

|

Breiðþota af gerðinni Airbus A330-200 frá Onur Air, sem var að fljúga á vegum Saudi Arabia Airlines, lenti með nefhjólið uppi á flugvellinum í Jedda í Sádí-Arabíu í gær.

Tvær þotur fóru of langt eftir lendingu á flugbraut í Hamborg

22. maí 2018

|

Flugmálayfirvöld í Þýskalandi rannsaka nú tvenn mistök sem áttu sér stað á flugvellinum í Hamborg fyrr í þessum mánuði þar sem tvær farþegaþotur fór inn á ranga akbraut eftir að þær yfirgáfu flugbrau

Segja styttingu flugbrautarinnar í Santa Monica ólögmæta

21. maí 2018

|

Samtök fyrirtækja í viðskipta- og einkaþotuflugi í Bandaríkjunum, NBAA (National Business Aviation Association), hvetur nú áfrýjunardómstól í Bandaríkjunum til þess að ógilda samkomulag sem bandarísk

 síðustu atvik

  2018-01-01 19:24:00