flugfréttir

Dómarar grunaðir um misnotkun í starfi í flugvallarmáli í Vín

- Saksóknari mun hefja rannsókn vegna gruns um hagsmunaárekstra

22. mars 2017

|

Frétt skrifuð kl. 15:18

Mál þriðju flugbrautarinnar var tekið fyrir í febrúar og var flugvellinum meinað að leggja brautina vegna umhverfissjónarmiða

Saksóknari í Austurríki hefur hafið rannsókn á tveimur dómurum sem eru grunaðir um að hafa misnotað stöðu sína í opinberu starfi til að hafa áhrif á dóm sem féll nýverið þar í landi vegna fyrirhugaðra framkvæmda á þriðju flugbrautinni á flugvellinum í Vínarborg.

Um er að ræða þrjá dómara í stjórnsýslu landsins sem í febrúar létu dóm falla þar sem flugvallaryfirvöldum var meinað að leggja þriðju flugbrautina á þeim forsendum að brautin myndi stangast á við Parísarsáttmálann um loftlagsmál.

Í skýrslu frá saksóknara kemur fram að tveir af dómurunum eru grunaðir að hafa beina hagsmuni að gæta vegna framkvæmdanna og séu talið að þeir hagsmunir hafi haft áhrif á dómsúrskurð þeirra.

Þriðja flugbrautin á flugvellinum í Vín hefur verið umdeild og var málinu skotið fyrir dóm og var það loksins tekið fyrir um miðjan febrúar.

Günther Ofner, yfirmaður flugvallarins í Vínarborg

Dómarar komust að þeirri niðurstöðu að leyfa ekki fyrirhugaða flugbraut á þeim forsendum að losun kolefna út í andrúmsloftið myndi aukast um 2% á ári á sama tíma og yfirvöld í Austurríki ætla sér að reyna að draga úr gróðurhúsaáhrifum í samgöngumálum um 2,2 prósent fyrir árið 2020.

Günther Ofner, yfirmaður flugvallarins í Vínarborg, var að vonum ekki ánægður með niðurstöðuna þar sem búið er að skipuleggja stækkun vallarins sl. 10 ár.

Ofner segir að til standi að áfrýja dómnum til Hæstaréttar og mögulega verður farið með málið alla leið til Stjórnarskrárréttarins í Evrópu.

Talsmaður saksóknara í Austurríki segist ekki geta gefið upp nákvæmar upplýsingar vegna málsins þar sem það er á viðkvæmu stigi en viðurkennir að það snerti tvo aðila sem komu að dómsúrskurði í flugvallarmáli og leikur grunur á að þeir hafi hagsmuna að gæta og það hafi haft áhrif á dóminn.

Flugvöllurinn í Vín er heimavöllur Austrian Airlines







  fréttir af handahófi

Flugprófanir hefjast með MC-21 þotuna frá Irkut

4. nóvember 2017

|

Rússneski flugvélaframleiðandinn Irkut hefur hafið flugprófanir á MC-21-300 farþegaþotunni.

Widerøe undirbýr sig fyrir fyrsta þotuflugið

4. október 2017

|

Norska flugfélagið Widerøe undirbýr sig nú fyrir fyrsta þotuflugið sem mun eiga sér stað í maí á næst aári en hingað til hefur félagið eingöngu haft skrúfuflugvélar í rekstri.

WOW air mun fljúga á JFK

7. nóvember 2017

|

WOW air mun hefja flug um John F. Kennedy flugvöllinn í New York sem verður annar flugvöllurinn í borginni sem aldrei sefur sem félagið flýgur til.

  Nýjustu flugfréttirnar

Fyrsta Airbus A319 þotan yfir til EasyJet Europe

23. nóvember 2017

|

EasyJet Europe hefur fengið fyrstu Airbus A319 þotuna í flota sinn en félagið var stofnað í júlí í sumar í kjölfar ákvörðun Breta um að segja sig úr Evrópusambandinu.

Ólíklegt að Brandenburg-flugvöllur opni fyrir árið 2021

23. nóvember 2017

|

Svo gæti farið að Brandenburg-flugvöllurinn í Berlín muni ekki opna fyrr en eftir 4 ár eða árið 2021.

Fyrsta erlenda pöntunin í Mil Mi-171A2 þyrluna

23. nóvember 2017

|

Rússar hafa fengið fyrstu erlendu pöntunina í Mi-171A2 þyrluna sem kemur frá fyrirtækinu Vectra Group á Indlandi sem hefur pantað eina slíka þyrlu.

Turkish hefur ekki þörf fyrir Airbus A380 eins og er

22. nóvember 2017

|

Turkish Airlines segist ekki hafa neina þörf til að taka inn risaþotuna Airbus A380 í flotann sinn eins og staðan er í dag.

Lufthansa framlengir júmbó-flugi milli Frankfurt og Berlínar

22. nóvember 2017

|

Lufthansa hefur ákveðið að framlengja júmbó-þotu flugi sínu milli Frankfurt og Tegel-flugvallarins í Berlín fram í desember vegna mikillar eftirspurnar á flugi milli þýsku borganna tveggja.

Aukið frelsi í flugumferð með tilkomu Borealis-samstarfsins

21. nóvember 2017

|

Borealis samstarfsbandalag Isavia og átta annarra norður-evrópskra flugleiðsögufyrirtækja hefur komist nær því markmiði að auka frjálsræði flugfélaga varðandi flugleiðir innan flugstjórnarsvæða sinna.

Flugslys meðal heimasmíðaðra flugvéla nær sögulegu lágmarki

21. nóvember 2017

|

Flugslysum hefur fækkað verulega vestanhafs þar sem heimasmíðaðar flugvélar eiga í hlut en á fjórum árum hefur slysum fækkað um 47 prósent í þessum flokki.

Norðmenn fá fyrstu AW101 björgunarþyrluna afhenta

21. nóvember 2017

|

Norðmenn hafa tekið við sinni fyrstu AW101 björgunarþyrlu frá AgustaWestland af þeim sextán sem pantaðar voru á sínum tíma.

Fóru óvart í flugtak á akbraut

20. nóvember 2017

|

Flugmálayfirvöld í Frakklandi rannsaka nú atvik sem átti sér stað fyrr í þessum mánuði er farþegaþota frá portúgalska flugfélaginu TAP Express var næstum farin í flugtak á akbraut (taxiway) á flugve

Rússar smíða nýja útgáfu af einni stærstu sprengjuflugvél heims

20. nóvember 2017

|

Rússar hafa lokið við samsetningu á fyrstu prótótýpunni af Tupolev Tu-160M2 sem er endurgerð útgáfa af Tu-160 sprengjuflugvélinni.