flugfréttir

Fyrsta Boeing 747-400 þotan nú til sýnis á Delta flugsafninu

- Flaug fyrstu 20 árin hjá Northwest og seinustu 7 árin hjá Delta

29. mars 2017

|

Frétt skrifuð kl. 20:29

Fyrsta Boeing 747-400 þotan á flugi með fyrstu júmbó-þotunni yfir Seattle

Delta Air Lines vígði í gær sýningu á fyrstu Boeing 747-400 júmó-þotu í heimi sem nú er til sýnis á Delta Flight Museum safninu í Atlanta en vélin var smíðuð árið 1988.

Northwest Airlines tók við fyrsta eintakinu af Boeing 747-400 árið 1989, fyrst allra flugfélaga en þegar félagið sameinaðist rekstri Delta Air Lines árið 2009 var vélin máluð í litum Delta Air Lines og flaug hún með félaginu til 9. september árið 2015 þegar hún fór sitt síðasta flug frá Honolulu til Atlanta.

Vélin, sem ber skráninguna N401PW, flaug sitt fyrsta flug í febrúar árið 1989 eða 20 árum eftir að fyrsta júmbó-þotan flaug jómfrúarflugið sem var tilraunaþotan „City of Evrett“ sem nú er að finna á Musem of Flight safninu í Seattle.

Northwest Airlines var fyrsta flugfélagið til að fljúga Boeing 747-400

Mikil breyting var gerð á júmbó-þotunni með tilkomu Boeing 747-400 en vélin var fyrsta júmbó-þotan sem kom með stjórnklefa fyrir 2 flugmenn í stað þriggja en eftir að bandarísk flugmálayfirvöld breyttu reglugerðum sínum var ekki lengur þörf fyrir siglingafræðinginn („second officer“).

Tökkum og mælum í stjórnklefanum fækkaði um 2/3

Þá fækkaði tökkunum og mælum í stjórnklefanum um 74% með tilkomu Boeing 747-400 vélarinnar eða úr 970 tökkum og mælum niður í 365 en „second officer“ hafði helmingi fleiri mæla og takka fyrir framan sig en flugmennirnir tveir.

Stjórnklefinn á fyrstu Boeing 747-400 þotu Delta

Einnig kom 747-400 með viðbótareldsneytistanki en með því komust mörg flugfélög hjá því að lenda til að taka eldsneyti á löngum flugleiðum.

Við það fækkaði júmbó-þotunum til muna í flugvellinum í Anchorage í Alaska þar sem gert var eldsneytisstopp á flugleiðinni milli Norður-Ameríku og Asíu en Ted Stevens flugvöllurinn er þó enn umsvifamikill fraktflugvöllur þar sem margar júmbó-fraktþotur lenda daglega.

Boeing 747-400 þotan var tækniundur að vissu leyti samanborið við eldri júmbó-þotur af gerðinni Boeing 747-100, -200 og -300 en Boeing 747-400 kom einnig með nýrri tegund hreyfla, vænglingum („winglets“) og nýrri innréttingum og var nýstárlegri en fyrri júmbó-þoturnar.

Sérstök stigabygging var reist utan um júmbó-þotuna



Delta Flight Museum hefur útbúið sérstaka viðbyggingu með stiga fyrir gesti sem geta farið um borð í þessa fyrstu Boeing 747-400 þotu og skoðað hana hátt og lágt en sýningargestum gefst meðal annars tækifæri á því að labba út á vænginn og skoða stjórnklefann.

Gestir fá að skoða stjórnklefann en gler er haft fyrir svo ekki sé verið að setjast í sætin

Stjórnkerfi vélarinnar eru enn í gangi og er frekar heitt að fara inn í stjórnklefann þar sem mikill hiti kemur frá skjánum og hafa starfsmenn safnsins komið fyrir sérstökum viftum til að kæla stjórnklefann vegna þessa.

747-400 var vinsælasta tegundin af júmbó-þotunni

Af þeim 1.528 júmbó-þotum sem Boeing hefur smíðað frá því „City of Everett“ var kynnt til sögunnar árið 1969 þá var Boeing 747-400 vinsælasta vélin.

Boeing 747-400 var smíðuð í 694 eintökum en í fyrra voru 396 af þeim enn í umferð og þar af 172 í farþegaflug í flota 54 flugfélaga um allan heim.

Sama flugvélin og er á safninu fyrir 29 árum síðan

British Airways hefur flestar Boeing 747-400 þoturnar í umferð í dag, alls 37 eintök en þá hefur Atlas Air 29 Boeing 747-400 þotur, United Airlines 21 þotu og þá er KLM með tuttugu júmbó-þotur.

Delta Flight Museum flugsafnið er að finna á flugvellinum í Atlanta í Georgíu en þar má einnig skoða Boeing 767 þotu frá Delta, Boeing 757 Lockheed L-1011, McDonnell Douglas DC-9 þotu, Convair 880 auk Douglas DC-3, Waco 125 tvíþekju, Huff Daland Duster og fleiri véla.

N401PW á flugvellinum í Tókýó



Fyrsta 747-400 þotan á flugi yfir Seattle árið 1988 ásamt „City of Everett“ sem var fyrsta júmbó-þotan sem smíðuð var







  fréttir af handahófi

BA sækir um leyfi fyrir leigu á þremur A330 frá Qatar Airways

9. maí 2018

|

British Airways hefur sótt um leyfi til breskra flugmálayfirvalda fyrir leigu á þremur Airbus A330 breiðþotum frá Qatar Airways.

Færri farþegar bóka með Southwest í kjölfar atviks

27. apríl 2018

|

Bókanir hafa dregist saman hjá bandaríska flugfélaginu Southwest Airlines í kjölfar atviks sem átti sér stað í síðustu viku er sprenging kom upp í hreyfli á einni af Boeing 737-700 þotum félagsins.

Flugfélag í Nígeríu flaug áætlunarflug án leyfis

14. maí 2018

|

Flugmálayfirvöld í Nígeríu hafa svipt flugfélaginu First Nation Airways flugrekstarleyfinu þar sem félagið hefur brotið það fyrirkomulag er varðar flugrekstur sem félaginu var sett.

  Nýjustu flugfréttirnar

Ráðherra segir af sér rétt fyrir kosningu um stækkun Heathrow

21. júní 2018

|

Greg Hands, viðskiptaráðherra Bretlands, hefur sagt af sér vegna óánægju sinnar vegna ákvörðunar breska þingsins um að taka upp atkvæðagreiðslu eftir helgi um stækkun Heathrow-flugvallar.

Aldrei eins mörg verkföll hjá flugumferðarstjórum í Evrópu

21. júní 2018

|

Árið 2018 stefnir í að verða það versta er kemur að fjölda verkfalla meðal flugumferðarstjóra í Evrópu.

LaudaMotion í viðræðum við Airbus og flugvélaleigur

20. júní 2018

|

Austurríska flugfélagið LaudaMotion á nú í viðræðum við Airbus vegna fyrirhugaðrar pöntunar í nýjar farþegaþotur en þá er félagið einnig að ræða við flugvélaleigur sem gætu orðið félaginu út um flugv

FedEx pantar 25 fraktþotur frá Boeing

20. júní 2018

|

Vöruflutningarisinn FedEx Express hefur pantað 24 fraktþotur frá Boeing af gerðinni Boeing 767-300ERF og Boeing 777F.

Stöðva allt fraktflug tímabundið vegna viðhaldsmála

19. júní 2018

|

Japanska fraktflugfélagið Nippon Cargo Airlines (NCA) ætlar að hætta öllu fraktflugi tímabundið af öryggisástæðum en flugfélagið telur að óviðeigandi smurolía hafi verið notuð við viðhald á einni af

Risaþota flaug inn í kviku af annarri risaþotu

19. júní 2018

|

Airbus A380 risaþota frá Qantas lenti í því á dögunum að taka snögga dýfu eftir að hafa flogið inn í vængendakviku af annarri risaþotu frá sama flugfélagi með tilheyrandi ókyrrð.

Fyrsta A350 með „wing-twist“ fer til Iberia

18. júní 2018

|

Spænska flugfélagið Iberia verður í næsta mánuði fyrsta flugfélagið til að fá Airbus A350 þotu afhenta með nýja „wing-twist“ vængnum.

Norwegian gerir samning við félag finnskra flugmanna

18. júní 2018

|

Norwegian hefur gert samning við félag finnskra atvinnuflugmanna (NPU FI) sem tryggir félaginu möguleika á því að ráða finnska flugmenn til starfa með auðveldari hætti.

Vara við sprungum í vænglingum á Boeing 767

17. júní 2018

|

Bandarísk flugmálayfirvöld (FAA) hafa sent út fyrirmæli þar sem flugrekstraraðilar eru beðnir um að framkvæma skoðun á vænglingum (winglets) á Boeing 767-300 breiðþotum og leita eftir mögulegum spru

EasyJet hefur mikinn áhuga á að fljúga um Heathrow

16. júní 2018

|

EasyJet hefur mikinn áhuga á því að hefja áætlunarflug um Heathrow-flugvöllinn í London en það myndi þó ekki gerast fyrr en eftir stækkun vallarins með þriðju flugbrautinni.

 síðustu atvik

  2018-01-01 19:24:00