flugfréttir
Airbus íhugar stærri rafmagnsflugvél en E-Fan
- Sjá fyrir sér rafknúna farþegaflugvél árið 2030
3. apríl 2017
|
Frétt skrifuð kl. 07:15
Tölugerð mynd af rafknúinni flugvél
Airbus hefur hætt við áform sín um framleiðslu á rafknúnu rafmangsflugvélinni E-Fan og ætlar flugvélaframleiðandinn evrópski þess í stað að hefja þróun á stærri rafmagnsflugvél sem kallast E-Fan X.
Upphaflega ætlaði Airbus að framleiða E-Fan 2.0 sem átti að vera tveggja sæta rafknúin kennsluléttflugvél og
fjögurra sæta flugvél sem fékk vinnsluheitið E-Fan 4.0.
Airbus tilkynnti árið 2014 að dótturfélag þess, Voltair, myndi framleiða vélina í samstarfi við franska
fyrirtækið Daher-Socata og átti framleiðslan að fara fram í suðvesturhluta Frakklands og stóð til að afhenda fyrstu
vélarnar árið 2018.
Hinsvegar hefur hröð þróun orðið í rafknúnnum flugvélum og er Airbus nú að íhuga að breyta til og einblína
á stærri flugvél sem mun heita E-Fan X og gæti hún komið á markaðinn á næstu þremur árum.
„Fyrir þremur árum hrintum við úr vör E-Fan verkefninu en í dag erum við að skoða hvort möguleiki sé á því að
fljúga E-Fan X á næstu þremur árum sem gæti komið með 2 megawatta hreyflum“, segir Stefan Schaffrath, upplýsingafulltrúi hjá farþegaþotudeild Airbus.
Rafknúna flugvélin E-Fan 1.0 flaug yfir Ermasundið í júlí árið 2015
Airbus flaug E-Fan 1.0 tilraunaflugvél sinn yfir Ermasundið í júlí árið 2015 en nú er staðan orðin sú að verið er að vega
og meti kosti þess að fara í enn stærri flugvél en það veltur þó allt á þeirri þróun sem á eftir að eiga sér stað í framleiðslu
á rafmagnshreyflum.
„E-Fan verkefnið snýst um að gera okkur undirbúna fyrir framtíðina og finna réttu lausnina á réttum tíma og það er
alveg möguleiki á því að við munum þróa fyrstu rafknúnu farþegaflugvélina en við vitum hinsvegar ekki hvenær
hún kemur á markaðinn“, segir Schaffrath.
Airbus undirritaði samning við Siemens í apríl í fyrra um þróun á tækni til að gera rafknúna farþegaflugvél að veruleika sem gæti tekið allt að 100 farþega og gæti hún komið á markaðinn árið 2030.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
