flugfréttir

50 ár frá því Boeing 737 þotan flaug í fyrsta sinn

- Varð mun vinsælli flugvél en menn þorðu að vona á sínum tíma

9. apríl 2017

|

Frétt skrifuð kl. 19:32

Fyrsta Boeing 737 þotan sem smíðuð var í sínu fyrsta flugi þann 9. apríl árið 1967

Boeing 737 þotan fagnar í dag hálfrar aldar flugafmælis en í dag eru 50 ár frá því vélin flaug í fyrsta sinn þann 9. apríl árið 1967.

Það má svo sannarlega segja að Boeing 737 hafi brotið blað í flugsögunni en hún er vinsælasta farþegaþota allra tíma og hefur verið smíðuð í yfir 9.400 eintökum og verður Boeing 737 fyrsta farþegaþotan til að rjúfa 10.000 flugvélamúrinn á næstu árum.

„Við höfum enga hugmynd um þetta þá“, sagði Brien Wygle, flugstjórinn sem flaug fyrstu Boeing 737 þotunni á þessum degi fyrir 50 árum síðan. - „Eina vonin var að ná að smíða nægilega margar vélar til að koma út á sléttu“.

Það átti svo heldur betur eftir að ganga upp og gott betur því vinsældir Boeing 737 áttu eftir að verða meiri en nokkurn skildi gruna en í seinasta mánuði hafði Boeing afhent 9.448 þotur af þessari gerð og enn á eftir að smíða um helminginn af þeim fjölda véla sem hafa verið afhentar frá upphafi þar sem ósmíðaðar pantanir telja 4.506 Boeing 737 þotur.

Glaumur og gleði á sjöunda áratugnum þegar Boeing 737 flaug sitt fyrsta flug

Í dag eru smíðuð 47 eintök af Boeing 737 þotunni í hverjum mánuði en Boeing ætlar að auka framleiðsluhraðann upp í 52 þotur á mánuði á næsta ári.

Í dag, 9. apríl 2017, var ein af Boeing 737 MAX tilraunaþotunum til sýnis við Museum of Flight og fór hún í sýningarflug klukkan 13:15 - á sama tíma og fyrsta flugið átti sér stað fyrir 50 árum síðan.

Boeing 737 hefur verið hluti af tæpri hálfri flugsögunni frá því Wright-bræður flugu fyrsta flugið árið 1903 og hefur vélin ekki breyst ýkja mikið á þeim tíma.

Fyrsta Boeing 737 þotan í samsetningu í Renton í Bandaríkjunum

Fyrsta Boeing 737 þotan sem smíðuð var og sú vél sem flaug fyrst á þessum degi fyrir 50 árum síðan var af gerðinni Boeing 737-100 en sú vél var allt að 14 metrum styttri en lengsta Boeing 737 þotan sem framleidd er í dag sem er Boeing 737-900ER.

Aðeins voru 30 eintök framleidd af Boeing 737-100 sem var fyrst afhent til Lufthansa en næsta tegund, Boeing 737-200, var þó öllu vinsælli því hún var framleidd í 991 eintaki.

Bæði Boeing 737-100 og Boeing 737-200 tilheyrðu Boeing 737 Original vélunum en 17 árum síðar, eða þann 24. febrúar árið 1984 flaug fyrsta „Classic“ vélin sem var Boeing 737-300 sem var fyrsta tegundin af vélunum sem var smíðuð yfir 1.000 eintökum en alls voru 1.113 eintök framleidd af þeirri vél. Aðrar „Classic“ vélar sem framleiddar voru einnig voru Boeing 737-400 og Boeing 737-500.

Alls hafa verið smíðuð yfir 9.400 eintök af Boeing 737 þotunni

Þann 22. janúar árið 1998 flaug fyrsta vélin af næstu kynslóð sem kallast Boeing 737NG (Next Generation) en sú vél var af gerðinni Boeing 737-600 í kjölfarið fylgdu Boeing 737-700, -800, -900 og -900ER.

Vinsælasta Boeing 737 þotan sem framleidd hefur verið kom á markaðinn árið 1997 en það var Boeing 737-800 sem er enn framleidd í dag og hefur verið smíðuð í 4.390 eintökum.

Fyrsta Boeing 737-100 tilraunavélin var notuð í flugprófunum hjá Boeing í 6 ár eða þar til árið 1973 en þá var hún seld til NASA sem notaði hana sem fljúgandi rannsóknarstofu en NASA afhenti vélina til Museum of Flight árið 1997.

Bob Bogash, fyrrum Boeing 737 flugvirki, hefur „alist“ upp með Boeing 737 þotunni alveg frá fæðingu en hann kom að framleiðslu og þróun vélarinnar, tók þátt í flugprófunum, ferðaðist um allan heim með Boeing til að kynna vélina fyrir flugfélögunum og var um borð í fyrstu Boeing 737 þotunni sem smíðuð var þegar hún flaug sitt seinasta flug á flugsafnið Museum of Flight.

Bogash segir að Boeing 737 hafi breytt flugsögunni og rutt veginn í flugsamgöngum milli minni flugvalla út um allan heim.







  fréttir af handahófi

Hönnun á Boeing 737 MAX 10 formlega lokið

7. febrúar 2018

|

Boeing hefur tilkynnt að búið sé að ljúka við hönnun á Boeing 737 MAX 10 þotunni sem verður lengsta 737 MAX þotan.

Lofthæfisskírteini fölsuð við sölu á notuðum flugvélum í Noregi

29. janúar 2018

|

Upp hefur komist um nokkur tilvik í Noregi þar sem lofthæfi flugvéla hafa verið fölsuð við sölu á litlum einkaflugvélum og hafa flugmálayfirvöld í Noregi hafa sent út viðvörun í kjölfar þessa.

Icelandair mun fljúga á alla leiki Íslands á HM í Rússlandi

28. nóvember 2017

|

Icelandair hefur ákveðið að fljúga að minnsta kosti eitt flug til þeirra þriggja borga í Rússlandi þar sem leikir Íslands í riðlakeppninni fara fram.

  Nýjustu flugfréttirnar

Icelandair eykur við flug til Orlando og Tampa

23. febrúar 2018

|

Icelandair mun frá og með október í haust fljúga daglega til Orlando og fjórum sinnum í viku til Tampa en með því mun félagið auka framboð sitt til þessara áfangastaða í Flórída í Bandaríkjunum um sam

Vilja refsa farþegum sem taka farangur með sér við neyðarrýmingu

23. febrúar 2018

|

Svo gæti farið að þeim farþegum verði refsað sem gera tilraun til að taka handfarangur með sér frá borði þegar verið er að rýma flugvél í neyðartilvikum.

Fór með skrúfuna í þak á bíl í háskalegu lágflugi

23. febrúar 2018

|

Mikil mildi þykir að engan sakaði er landbúnaðarflugvél af gerðinni Air Tractor rakst með loftskrúfu í þak á bíl er flugmaður vélarinnar flaug vísvitandi mjög lágt yfir bílinn í Brasilíu á dögunum.

Vandamál með hjólabúnað á Bombardier-vél

23. febrúar 2018

|

Vandamál kom upp með hjólabúnað á Bombardier Dash 8 Q400 flugvél hjá Croatia Airlines er vélin var í aðflugi að flugvellinum í Brussel í gær eftir flug frá Zagreb.

Finnair undirbýr pöntun í allt að þrjátíu þotur

22. febrúar 2018

|

Finnair vinnur nú að því að undirbúa pöntun í nýjar meðalstórar farþegaþotur með einum gangi og koma allt að 30 þotur til greina.

Þrjú flugfélög í Venezúela hafa öll misst leyfið

22. febrúar 2018

|

Þrjú flugfélög, í eigu sama eigandans, og þar af tvö í Venezúela, hafa öll hætt starfsemi sinni á nokkrum vikum þar sem þau hafa verið svipt flugrekstarleyfinu á sama tíma og stjórn félaganna er í up

Líktu eftir sömu aðstæðum í flughermi

22. febrúar 2018

|

Orsök flugslyssins í Rússlandi, er farþegaþota af gerðinni Antonov An-148 frá Saratov Airlines fórst skömmu eftir flugtak frá Moskvu þann 11. febrúar, er enn ókunn en talið er mögulegt að ísing í ste

Fyrsta Boeing 737 MAX þota Icelandair væntanleg til landsins

21. febrúar 2018

|

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Nýir stjórnendur hjá Icelandair

21. febrúar 2018

|

Gerðar hafa verið umtalsverðar skipulagsbreytingar á rekstrarsviði Icelandair og nýir forstöðumenn ráðnir til nýrra starfa.

Seinasta Boeing 737-800 þotan afhent til Norwegian

21. febrúar 2018

|

Norwegian hefur tekið við seinustu Boeing 737-800 þotunni sem er jafnframt hundraðasta Boeing 737-800 þotan sem félagið hefur fengið afhenta frá Boeing.