flugfréttir
Garuda Indonesia mun kveðja júmbó-þotuna í þessum mánuði
- Hafa verið með Boeing 747 í flotanum í 37 ár
10. apríl 2017
|
Frétt skrifuð kl. 12:14
Júmbó-þotan á myndinni (PK-GSH) mun fljúga síðasta Boeing 747 flugið þann 22. apríl
Enn eitt flugfélagið hefur nú ákveðið síðasta flugið með júmbó-þotunni en þann 22. apríl næskomandi mun indónesíska flugfélagið Garuda Indonesia kveðja Boeing 747 þotuna.
Júmbó-þoturnar hafa verið í flota Garuda Indonesia í tæpa fjóra áratugi en félagið fékk sína fyrstu Boeing 747
þotu afhenta árið 1980 en sú vél var af gerðinni Boeing 747-200.
Flugfélagið hefur í dag tvær Boeing 747-400 þotur í flotanum sem smíðaðar voru árið 1993 og 1994
og eru því orðnar 24 ára gamlar en önnur þeirra var sett í geymslu í mars.
Garuda Indonesia hefur haft júmbó-þotuna í flotanum í 37 ár
Vélarnar flugu sitt seinasta áætlunarflug í febrúar en önnur þeirra hefur síðan þá verið notuð í pílagrímaflugi
milli Makassar og Jeddah en síðasta flugið verður flogið þann 22. apríl. Eftir þann dag verða júmbó-þoturnar
leystar af hólmi með breiðþotu af gerðinni Airbus A330.
Garuda Indonesia hefur sl. fimm ár notað júmbó-þoturnar í flugi til Evrópu og Bandaríkjanna auk þess
sem þær hafa verið notaðar í innanlandsflugi í Indónesíu milli borga á borð við Surabaya, Makassar og Balí.
Mörg flugfélög hafa sl. ár kvatt júmbó-þotuna til margra ára en meðal þeirra flugfélaga sem hafa hætt
með Boeing 747 að undanförnu er Virgin Atlantic, Air France, Cathay Pacific, Singapore Airlines auk
fleiri flugfélaga.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
