flugfréttir

Quest Aircraft getur hafið sölu á Kodiak 100 í Evrópu

- Hafa fengið vottun frá EASA

10. apríl 2017

|

Frétt skrifuð kl. 16:03

Kodiak 100 flugvél á Reykjavíkurflugvelli í febrúar árið 2015 / Ljósmynd: Karl Georg Karlsson

Kodiak 100 flugvélin bandaríska hefur fengið vottun frá flugmálayfirvöldum í Evrópu (EASA) og mun framleiðandi vélarinnar, Quest Aircraft, því geta hafið sölu á vélinni í Evrópu.

Kodiak 100 er eins hreyfils hávængja flugvél sem tekur 9 farþega en vélin hefur STOL eiginleika sem þýðir að hún þarf mjög stutta vegalengd fyrir lendingu og flugtak.

Kodiak 100 hefur þrjú, föst hjól og svipar vélin til Cessnu Caravan en þróun vélarinnar hófst árið 1999 og flaug hún sitt fyrsta flug í október árið 2004 en í desember í fyrra hafði Quest Aircraft smíðað yfir 200 eintök af vélinni.

Tóm vegur Kodiak 100 vélin 1,7 tonn en hún var sérstaklega framleidd til að geta borið mikla þyngd og lent á mjög stuttum flugbrautum og hentar því vél í flugi milli flugvalla sem hafa stutta flugbraut en vélin hentar líka vel fyrir gras- og malarbrautir.

Kodiak 100 flugvélin er 10.4 metrar á lengd og hefur 13.7 metra langt vænghaf

Hámarksflugtaksþyngd vélarinnar eru 3,2 tonn en fullhlaðin getur vélin flogið allt að 2.096 kílómetra án þess að taka eldsneyti og getur hún farið upp í allt að 25.000 feta hæð.

„Þetta er stór áfangi fyrir Kodiak 100 vélina. Með STOL eiginleikum sínum býður hún evrópskum flugrekstraraðilum upp á að fljúga til fleiri flugvalla og lendingarstaða sem var þeim mjög erfitt áður fyrr“, segir Rob Wells, framkvæmdarstjóri Quest Aircraft.

Kodiak 100 kom á markaðinn árið 2008

Quest Dealer Rheinland Air Service GmbH í Mönchengladbach í Þýskalandi mun sjá um sölu og dreifingu vélarinnar í Evrópu en fyrirtækið hefur 40 ára reynslu af sölu, viðhaldi og viðgerðum á flugvélum.

Fullhlaðin getur Kodiak 100 vélin hafið sig á loft á innan við 1.000 feta langri braut og þá getur vélin lent og hægt á sér á 705 fetum.

Quest Aircraft afhenti fyrstu Kodiak 100 vélina til Spirit Air árið 2008 en stærsta pöntunin var gerð í vélina í nóvember í fyrra er Sky Trek í Japan pantaði tuttugu vélar af þessari gerð.

Stjórnklefinn í Kodiak 100 vélinni



Kodiak 100 í lendingu á flugvelli nálægt Bolzano í Ölpunum







  fréttir af handahófi

Austrian kveður Fokkerinn

30. nóvember 2017

|

Austrian Airlines mun í næsta mánuði kveðja Fokkerinn eftir 29 ára flugsögu með þessum hollensku flugvélum.

Þrjú flugfélög í Venezúela hafa öll misst leyfið

22. febrúar 2018

|

Þrjú flugfélög, í eigu sama eigandans, og þar af tvö í Venezúela, hafa öll hætt starfsemi sinni á nokkrum vikum þar sem þau hafa verið svipt flugrekstarleyfinu á sama tíma og stjórn félaganna er í up

Boeing 787-10 fær flughæfnisvottun frá FAA

23. janúar 2018

|

Boeing hefur fengið flughæfnisvottun frá bandarískum flugmálayfirvöldum (FAA) fyrir Boeing 787-10 sem er lengsta gerðin af Dreamliner-þotunni.

  Nýjustu flugfréttirnar

Icelandair eykur við flug til Orlando og Tampa

23. febrúar 2018

|

Icelandair mun frá og með október í haust fljúga daglega til Orlando og fjórum sinnum í viku til Tampa en með því mun félagið auka framboð sitt til þessara áfangastaða í Flórída í Bandaríkjunum um sam

Vilja refsa farþegum sem taka farangur með sér við neyðarrýmingu

23. febrúar 2018

|

Svo gæti farið að þeim farþegum verði refsað sem gera tilraun til að taka handfarangur með sér frá borði þegar verið er að rýma flugvél í neyðartilvikum.

Fór með skrúfuna í þak á bíl í háskalegu lágflugi

23. febrúar 2018

|

Mikil mildi þykir að engan sakaði er landbúnaðarflugvél af gerðinni Air Tractor rakst með loftskrúfu í þak á bíl er flugmaður vélarinnar flaug vísvitandi mjög lágt yfir bílinn í Brasilíu á dögunum.

Vandamál með hjólabúnað á Bombardier-vél

23. febrúar 2018

|

Vandamál kom upp með hjólabúnað á Bombardier Dash 8 Q400 flugvél hjá Croatia Airlines er vélin var í aðflugi að flugvellinum í Brussel í gær eftir flug frá Zagreb.

Finnair undirbýr pöntun í allt að þrjátíu þotur

22. febrúar 2018

|

Finnair vinnur nú að því að undirbúa pöntun í nýjar meðalstórar farþegaþotur með einum gangi og koma allt að 30 þotur til greina.

Þrjú flugfélög í Venezúela hafa öll misst leyfið

22. febrúar 2018

|

Þrjú flugfélög, í eigu sama eigandans, og þar af tvö í Venezúela, hafa öll hætt starfsemi sinni á nokkrum vikum þar sem þau hafa verið svipt flugrekstarleyfinu á sama tíma og stjórn félaganna er í up

Líktu eftir sömu aðstæðum í flughermi

22. febrúar 2018

|

Orsök flugslyssins í Rússlandi, er farþegaþota af gerðinni Antonov An-148 frá Saratov Airlines fórst skömmu eftir flugtak frá Moskvu þann 11. febrúar, er enn ókunn en talið er mögulegt að ísing í ste

Fyrsta Boeing 737 MAX þota Icelandair væntanleg til landsins

21. febrúar 2018

|

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Nýir stjórnendur hjá Icelandair

21. febrúar 2018

|

Gerðar hafa verið umtalsverðar skipulagsbreytingar á rekstrarsviði Icelandair og nýir forstöðumenn ráðnir til nýrra starfa.

Seinasta Boeing 737-800 þotan afhent til Norwegian

21. febrúar 2018

|

Norwegian hefur tekið við seinustu Boeing 737-800 þotunni sem er jafnframt hundraðasta Boeing 737-800 þotan sem félagið hefur fengið afhenta frá Boeing.