Norwegian stefnir á 70 þotur í Argentínu eftir átta ár

- Ætla fljúga milli 90 áfangastaða í 25 löndum í S-Ameríku og Evrópu

12. apríl 2017

|

Frétt skrifuð kl. 06:56

Norwegian ætlar að hefja flug milli London Gatwick og Buenos Aires í nóvember á þessu ári

Norwegian hefur gert argentískum flugmálayfirvöldum fyrir fyrirhuguðum áætlunum sínum varðandi hið nýstofnaða dóttur félag í Argentínu sem mun koma til með að kallast Norwegian Air Argentina.

Norwegian hefur skilað inn 680 blaðsíðna greinargerð sem argentínska dagblaðið La Nacion birti en þar kemur meðal annars fram að félagið ætli að stefna á að vera með allt að 70 Boeing 737 þotur í landinu

Norwegian ætlar sér miklu meiri hluti en að tengja Buenos Aires við Evrópu og hefja innanlandflug í Argentínu þar sem félagið ætlar að dempa sér inn í flug milli fjölda borga í Suður-Ameríku og tengja þær stærstu við Evrópu líkt og félagið gerir í dag með flugi milli Evrópu og Bandaríkjanna auk þess sem félagið flýgur milli áfangastaða innan Evrópu.

Tölvugerð mynd af Boeing 737 MAX vél í litum Norwegian Air

Í greinargerðinni kemur fram að Norwegian ætlar sér að verja allt að 500 milljörðum króna í rekstur Norwegian Air Argentina á næstu 5 til 8 árum sem fer í að byggja upp öflugt leiðarkerfi í Suður-Ameríku auk þess sem félagið ætlar sér að fljúga frá suður-amerískum borgum til Norður-Ameríku og til Evrópu.

Hefja flug milli Buenos Aires og London Gatwick í haust

Á þessum 8 árum ætlar Norwegian sér að fljúga allt að 146 flugleiðir í Suður-Ameríku sem mun koma til með að stofna allt að 3.500 ný störf.

Norwegian ætlar sér að byrja að fljúga á milli Buenos Aires og London Gatwick strax í nóvember í haust og hefja innanlandsflug í Argentínu á sama tíma með sex Boeing 737 þotum en eftir fyrsta rekstarárið ætlar Norwegian sér að vera komið með 11 Boeing 737 þotur í innanlandsfluginu og fjórar Boeing 787 þotur í flug milli Suður-Ameríku og Evrópu.

Eftir tvö og hálft ár ætlar Norwegian að vera komið með 25 meðalstórar þotur í Argentínu á borð við Boeing 737 og 10 breiðþotur. Þegar reksturinn er komin á fullt árið 2025 stefnir félagið á að hafa 70 þotur í Argentínu; fimmtíu af gerðinni Boeing 737 og 20 Dreamliner-þotur.

„Með þessu munum við geta flogið allt að 146 flugleiðir í leiðarkerfinu með allt að 18 milljónir farþega á ári milli 90 áfanganstaða í 25 löndum“, segir Alfons Claver, spænskur talsmaður Norwegian.

Norwegian ætlar sér að setja upp bækistöðvar í Argentínu í borgum á borð við Ezeiza, Cardona og Mendoza þar sem áhafnir og flugflotinn verður staðsettur.

Umsvif Norwegian í Argentínu gæti skapað óbeint allt að 60.000 ný störf og munu umsvifin auka landsframleiðslu landsins frá 1.5 til 2 prósent.