flugfréttir

SAS íhugar flug til Ameríku, Írans og Indlands með minni þotum

- Airbus A321LR eða Boeing 737 MAX koma til greina

12. apríl 2017

|

Frétt skrifuð kl. 11:15

Airbus A320neo þota SAS í flugtaki

SAS (Scandinavian Airlines) er að íhuga að hefja flug til nýrra áfangastaða í Bandaríkjunum auk þess sem verið er að skoða möguleikann á að hefja flug til Indlands og Írans.

Meðal þess sem er í bígerð hjá SAS er að gera sambærilega hluti og Norwegian sem er að fljúga til austurstrandar Bandaríkjanna með Boeing 737 MAX eða Airbus A321 þotum sem gætu einnig nýst í flugið til Írans og Indlands.

Á seinasta eina og hálfu ári hefur SAS aukið umsvif sín töluvert í langflugi þar sem félagið hefur hafið flug til Hong Kong, Los Angeles, Boston og Miami en Eivind Roald, framkvæmdarstjóri félagsins, segir að SAS sé tilbúið í að færa út kvíarnar enn frekar.

Til að láta þetta verða að veruleika þarf SAS réttu flugvélarnar en félagið pantaði á sínum tíma þrjátíu Airbus A320neo þotur og er nú þegar búið að afhenda sex vélar af þeirri gerð en SAS hefur verið að skoða möguleika á því að breyta pöntuninni yfir í langdræga Airbus A321LR þotur sem geta flogið allt að 7.400 kílómetra vegalengd.

Eivind Roald hefur nú greint frá því að Boeing 737 MAX kemur einnig til greina en framkvæmdarstjórinn sagði í nýlegu viðtali við USA Today að valið standi á milli þess að breyta hluta pöntunar í Airbus A320neo yfir í Airbus A321LR eða leggja inn pöntun til Boeing í 737 MAX vélarnar.

Með þessu væri SAS að feta í fótspor Norwegian sem ætlar sér að hefja flug yfir Atlantshafið til Bandaríkjanna með Boeing 737 MAX en Eivind tekur fram að ekki standi til að koma upp bækistöð utan Skandinavíu og fljúga þaðan til Ameríku eins og Norwegian ætlar sér að gera með flugi frá Írlandi til Bandaríkjanna.









  fréttir af handahófi

Interjet fær sína fyrstu Airbus A320neo þotu

18. apríl 2017

|

Mexíkóska flugfélagið Interjet hefur tekið við sinni fyrstu Airbus A320neo þotu af þeim 39 þotum sem félagið pantaði á sínum tíma.

Flugvöllurinn í St. Etienne mun hætta að greiða styrki til Ryanair og Pegasus

14. febrúar 2017

|

Flugvöllurinn í St. Etienne í Frakklandi ætlar að hætta að greiða styrki til Ryanair og Pegasus Airlines en í kjölfar þess hafa bæði flugfélögin ákveðið að hætta að fljúga til frönsku borgarinnar.

Airbus íhugar stærri rafmagnsflugvél en E-Fan

3. apríl 2017

|

Airbus hefur hætt við áform sín um framleiðslu á rafknúnu rafmangsflugvélinni E-Fan og ætlar flugvélaframleiðandinn evrópski þess í stað að hefja þróun á stærri rafmagnsflugvél sem kallast E-Fan X.

  Nýjustu flugfréttirnar

Kanaríeyjar vilja koma á flugi milli Íslands og Fuerteventura

24. apríl 2017

|

Ferðamálaráð Kanaríeyja hefur óskað eftir umsóknum fyrir hvatningarstyrk til áætlunarflugs á 24 nýjum flugleiðum milli Kanaríeyja og Evrópu og Ameríku en á listanum er óskað eftir umsóknum um áætluna

Kostnaður við aukið öryggi á flugvöllum á ekki að bitna á flugfélögum

24. apríl 2017

|

Yfirmaður samtaka flugfélaga í Evrópu, A4E, segir að flugfélög og flugvellir eigi ekki að standa að kostnaðinum sem fylgir því aukna öryggi sem hefur verið innleitt á flugvöllum í kjölfar aukinnar hæ

Air India þjálfar yfir 80 flugmenn á Boeing 777 og Dreamliner

23. apríl 2017

|

Air India ætlar að stemma stigu við skorti á flugmönnum með því að ráða til sín yfir 80 flugmenn sem munu fljúga bæði Boeing 777 þotum og Dreamliner-vélum félagsins.

20 börn og fjölskyldur fengu ferðastyrk Vildarbarna Icelandair

22. apríl 2017

|

20 börnum og fjölskyldum þeirra, samtals um 100 manns, var afhentur ferðastyrkur úr sjóðnum Vildarbörn Icelandair í dag.

Schiphol verður 2. stærsti flugvöllur Evrópu á þessu ári

21. apríl 2017

|

Schiphol-flugvöllurinn í Amsterdam mun síðar á þessu ári færa sig upp um eitt sæti á lista yfir stærstu flugvelli Evrópu og mun hann verða annar stærsti flugvöllurinn í álfunni.

Fokker 50 vélarnar fjórar hafa verið seldar til Kanada

21. apríl 2017

|

Allar fjórar Fokker 50 flugvélar Flugfélags Íslands hafa verið seldar og er búið að ganga frá samningi um sölu á vélunum til fyrirtækis í Kanada.

Alvarlegt atvik rannsakað á Toronto-flugvellinum í gær

21. apríl 2017

|

Alvarlagt atvik átti sér stað í gær á Pearson-flugvellinum í Toronto er farþegaþota ætlaði að aka yfir aðra flugbraut á meðan önnur vélar var byrjuð í flugtaksbruni á hinum enda brautarinnar.

Þrjár Boeing 777 þotur Biman úr umferð í margar vikur

21. apríl 2017

|

Ríkisstjórn Bangladesh rannsakar nú hvers vegna tvær Boeing 777-200ER þotur í flota ríkisflugfélagsins Biman Bangladesh hafa eytt seinustu fjórum mánuðum að mestu leyti á jörðu niðri en vélarnar ha

Singapore fyrsti áfangastaður Norwegian í Asíu

21. apríl 2017

|

Norska lágfargjaldafélagið Norwegian mun hefja flug til Singapore sem verður fyrsti áfangastaður félagsins í Asíu en félagið mun fljúga þangað frá Gatwick-flugvellinum í London.

Emirates mun fækka flugferðum til Bandaríkjanna

20. apríl 2017

|

Emirates hefur ákveðið að fækka flugferðum til Bandaríkjanna þar sem töluvert hefur dregið úr eftirspurn eftir flugfargjöldum þangað frá Miðausturlöndum.