flugfréttir

Mjög alvarlegur skortur á flugmönnum hjá Cargolux

- Fljúga þreyttir og flestar vaktir fara alveg upp að reglugerð um hvíldartíma

14. apríl 2017

|

Frétt skrifuð kl. 16:21

Boeing 747-8F fraktþota Cargolux

Þrátt fyrir velgengni í rekstri Cargolux á fraktflugmarkaðnum og góðrar afkomu á seinasta ári þá virðist félagið vera að fljúga inn í óvissutíð þar sem alvarlegur skortur á flugmönnum blasir nú við félaginu sem er nú þegar farinn að gera vart við sig.

Nú þegar vantar Cargolux fleiri flugmenn en stjórn félagsins stendur á gati með að finna leið til að geta aukið umsvif sín enn frekar þar sem það kallar á fleiri flugmenn.

Stjórnarfundur fór fram í janúar sl. þar sem farið var yfir rekstraráætlun félagsins til næstu 4 ára og var skortur á flugmönnum eitt af því sem rætt var um án þess að hægt var að komast til botns í því máli.

„Það virðist vera að enginn viti hver næstu skref eru eða hvað tekur við“, segir Thelma Etim hjá Cargolux.

Vandamálið í augnablikinu er að Cargolux nær ekki að ráða þann fjölda flugmanna sem félagið þarf á að halda í augnablinu og þeir flugmenn sem fljúga núna hjá félaginu hafa miklar áhyggjur af málinu.

„Þetta er að verða mjög alvarlegt. Flugmenn eru flestir mjög þreyttir þar sem við erum undirmönnuð. Febrúarmánuður var frekar rólegur en það þurfti ekki nema nokkur aukaverkefni og það var nóg til að auka álagið á okkur“, segir einn flugmaður sem flýgur fyrir Cargolux.

Segja að stjórn Cargolux vilji ekki horfast í augu við vandamálið

„Þetta er að gerast vegna þess að stjórn félagsins „flýgur blint“ áfram með félagið. Þeir taka ekki kvörtunum okkar alvarlega og það virðist vera að þeir vilji ekki heyra sannleikann sem er að það er verið að keyra vaktirnar alveg upp að hámarksgetu“, bætir flugmaðurinn við.

Boeing 747-8F fraktþota Cargolux í lendingu

Þá hefur sá orðrómur farið á kreik að nokkrir nýir flugmenn, sem áttu að mæta í þjálfun áður en til stóð að ráða þá hjá félaginu, hafi hreinlega ekki mætt í flugherminn þegar þjálfun á þeim átti að hefjast.

„Skilyrðin og vinnuumhverfið er alls ekki freistandi fyrir þá. Það hefur aldrei áður verið vandamál fyrir Cargolux að ráða nýja flugmenn“, segir einn aðili sem er kunnugur málinu.

Í desember var greint frá því að Cargolux þurfti að minnsta kosti 70 flugmenn til viðbótar til að halda úti eðlilegri flugáætlun með eðlilegu vinnuálagi á flugmenn og þá hefur tilvikum fjölgað þar sem flugmenn hringja sig inn veika.

Þá stóð til að stofna nýtt dótturflugfélag í Kína, Cargolux China, en búið er að fresta stofnun þess nokkrum sinnum þar sem bæði skortir fjármagn og fjárfesta.

Flestar breytingar á vöktum í löngu fraktflugi kringum jörðina

Í desember var greint frá því að Cargolux þyrfti að minnsta kosti 70 flugmenn til viðbótar til að halda úti eðlilegri flugáætlun með eðlilegu vinnuálagi á flugmenn félagsins og þá hefur tilvikum fjölgað þar sem flugmenn hringja sig inn veika.

Þá eru gerðar það miklar breytingar á vöktum að flugmenn hjá Cargolux eru sagðir eiga í miklum erfiðleikum með að gera ráð fyrir hvíld og frítíma sem eykur álagið enn frekar.

Júmbó-þotur Cargolux á flugvellinum í Lúxemborg

Flestar breytingarnar á flugáætlun flugmanna eru gerðar á flugi í kringum jörðina sem hefur þegar mikil áhrif á líkamsklukkuna vegna tímamismunar og er heill nætursvefn á staðartíma næstum ógjörningur fyrir flugmennina sem veldur uppsafnaðri þreytu.

George Karambilas, flugstjóri hjá Cargolux og yfirmaður félags flugmanna hjá Cargolux, sendi stjórn félagsins bréf fyrir áramót þar sem hann bar saman hagnaðartölur félagsins og vaktaálag flugmanna og sagði að félagið hefði á þeim ársfjórðungi aldrei náð þessum árangri ef það hefði ekki verið fyrir þær sakir að flugmenn félagsins flugu næstum því fleiri vaktir en reglugerðir um hvíldartíma segja til um.

Karambilas varar við slíku álagi þar sem áhætta á mistökum vegna þreytu eykst við slíkar aðstæður til lengri tíma og hvetur hann félagið til að ráða fleiri flugmenn til starfa.







  fréttir af handahófi

Flugi aflýst þar sem flugmaðurinn var ölvaður

25. mars 2018

|

Portúgalska flugfélagið TAP Air Portugal neyddist til þess að aflýsa einu flugi þar sem annar flugmaðurinn reyndist vera ölvaður.

Ryanair mun yfirgefa Glasgow - Hætta flugi til 20 borga í haust

28. febrúar 2018

|

Ryanair ætlar sér að hætta með Glasgow sem bækistöð en við það munu umsvif félagsins um völlinn dragast saman umtalsvert og gætu allt að 300 manns misst vinnuna sína vegna þessa.

Sjálfkeyrandi ökutæki prófað á Heathrow-flugvelli

26. mars 2018

|

IAG Cargo, dótturfélag IAG (International Airlines Group), hefur framkvæmt prófanir með sjálfkeyrandi ökutæki á Heathrow-flugvellinum í London sem gæti mögulega ekið sjálft á milli stæða með smávörur

  Nýjustu flugfréttirnar

Flugfélög í Afghanistan fá að fljúga á ný til Evrópu

22. maí 2018

|

Flugmálayfirvöld í Afghanistan tilkynntu í gær að öll flugfélög landsins verði á næstunni fjarlægð af svarta listanum í Evrópu.

Air India losar sig við A320 þotur með tvöföldum hjólum

22. maí 2018

|

Air India mun hætta með þær Airbus A320 þotur sem koma með tvöföldum hjólum á aðalhjólastelli en flugfélagið indverska fékk vélarnar yfir í sinn flugflota við yfirtökuna á Indian Airlines árið 2011.

Lenti án nefhjóls í Jeddah

22. maí 2018

|

Breiðþota af gerðinni Airbus A330-200 frá Onur Air, sem var að fljúga á vegum Saudi Arabia Airlines, lenti með nefhjólið uppi á flugvellinum í Jedda í Sádí-Arabíu í gær.

Tvær þotur fóru of langt eftir lendingu á flugbraut í Hamborg

22. maí 2018

|

Flugmálayfirvöld í Þýskalandi rannsaka nú tvenn mistök sem áttu sér stað á flugvellinum í Hamborg fyrr í þessum mánuði þar sem tvær farþegaþotur fór inn á ranga akbraut eftir að þær yfirgáfu flugbrau

Segja styttingu flugbrautarinnar í Santa Monica ólögmæta

21. maí 2018

|

Samtök fyrirtækja í viðskipta- og einkaþotuflugi í Bandaríkjunum, NBAA (National Business Aviation Association), hvetur nú áfrýjunardómstól í Bandaríkjunum til þess að ógilda samkomulag sem bandarísk

IAG leigir út pláss á Gatwick yfir sumarið

21. maí 2018

|

IAG, móðurfélag British Airways, hefur leigt út nokkur afgreiðslupláss á Gatwick-flugvellinum í London til tveggja flugfélaga sem munu nota plássin í sumar.

Móðurfélag BA með nýtt tilboð í Norwegian

21. maí 2018

|

IAG (International Airlines Group), móðurfélag British Airways, ætlar ekki að gefast upp hvað varðar tilraunir á yfirtöku á Norwegian og ætlar fyrirtæki að koma með nýtt tilboð í flugfélagið norska.

SAS hljóðlátasta flugfélagið á Heathrow

20. maí 2018

|

SAS (Scandinavian Airlines) er hljóðlátasta flugfélagið sem fer um Heathrow-flugvöllinn í London sem hefur birt nýjan og uppfærðan lista yfir þau flugfélag sem ná að framfylgja reglugerðum um hávaðam

Kína biður flugfélög um að „hætta að fljúga“ til Taívan

19. maí 2018

|

Yfirvöld í Taívan hafa sett fram formlega kvörtun gegn Air Canada sem hefur breytt upplýsingum um Taipai á vefsíðu sinni sem er núna skráð sem áfangastaður í Kína.

Fyrsta flug WOW air til St. Louis

18. maí 2018

|

WOW air flaug í gær fyrsta áætlunarflugið til St. Louis í Missouri sem er nýr áfangastaður sem bætist við í flóruna í Keflavík.

 síðustu atvik

  2018-01-01 19:24:00