flugfréttir

Malaysian fyrst flugfélaga til að rekja flugvélar sínar í rauntíma hvar sem er í heiminum

- SITAONAIR AIRCOM FlightTracker verður tekið í notkun árið 2018

19. apríl 2017

|

Frétt skrifuð kl. 07:48

Boeing 777-200 þota Malaysia Airlines í aðflugi að flugvellinum í Kuala Lumpur árið 2016

Malaysia Airlines mun verða fyrsta flugfélagið í heiminum til að taka í notkun nýjan og byltingarkenndan búnað sem mun rekja ferðir flugvéla með gervihnattartækni í rauntíma og senda upplýsingar um staðsetningu flugvélanna beint til jarðar.

Kerfið sem um ræðir er samstarfsverkefni fyrirtækjanna þriggja SITAONAIR, Aireon og FlightAware og var í gær tilkynnt að Malaysia Airlines verður fyrst allra flugfélaga til að nota búnaðinn og fá aðgang að staðsetningu flugvéla sinna á mínútu fresti hvar sem þær eru staddar á jarðarkringlunni.

Með ADS-B tækni frá Aireon verður fyllt upp í þá auðu bletti sem nú þegar eru í flugumferðarsvæðum yfir hafsvæðum og afskekktum héröðum sem í dag koma ekki fram á ratsjá.

Ekki þarf að setja upp neinn viðbótarbúnað um borð í flugvélar Malaysia Airlines til að virkja þessa tækni sem nefnist SITAONAIR´s AIRCOM® FlightTracker og mun félagið því geta séð staðsetningu á þeim flugvélum sem eru að fljúga í gegnum svæði sem er ekki sýnilegt flugumferðarstjórum og það með mikilli nákvæmni.

ITAONAIR AIRCOM® FlightTracker verður tekið í notkun árið 2018

„Rauntímastaðsetning flugvéla um allan heim hefur verið langþráð markmið í flugheiminum og við erum mjög stolt yfir því að verða fyrsta flugfélagið til að innleiða þessa tækni“, sagði Izham Ismail, flugstjóri og flugrekstarstjóri hjá Malaysia Airlines.

„Malysia Airlines mun verða í lykilhlutverki þegar þessi þjónusta verður virkjuð á næstu mánuðum í ljósi þeirra hræðilegu atburða sem áttu sér stað árið 2014 og mun félagið því geta séð rauntímastaðsetning, hvar sem er á jörðinni, hvenær sem er“, segir Don Thoma, framkvæmdarstjóri Aireon.

Kerfið verður tilbúið til notkunar á næsta ári þegar lokið verður við að tengja kerfið við á sjötta tug Iridium NEXT gervitungla en þann 14. janúar sl. var fyrsta NEXT gervihnettinum skotið á loft með SpaceX Falcon 9 eldflaug með búnað innanborðs sem mun virkja gervihnatthrænt ADS-B dreifikerfi.

Alls verða 66 gervitungl sem verða staðsett á sporbaug jarðar sem munu ná að hylja öll svæði á hnettinum inn í ADS-B kerfið sem hingað til hefur verið tengt við jarðstöðvar.



Myndband:







  fréttir af handahófi

Risaþotan Air France komin aftur til Frakklands

8. desember 2017

|

Air France hefur fengið aftur Airbus A380 risaþotuna sem lenti í Gæsaflóa á Nýfundnalandi þann 30. september sl. eftir að sprenging kom upp í einum af fjórum hreyflum hennar er vélin var á leið frá

Sádí-Arabía fjárfestir í Virgin Galactic fyrir 100 milljarða

29. október 2017

|

Stjórnvöld í Sádí-Arabíu ætla að fjárfesta fyrir 105 milljarða króna í geimflugsfyrirtækinu Virgin Galactic sem er í eigu milljarðamæringsins Richard Branson.

Norwegian UK fær grænt ljós frá Bandaríkjunum

25. september 2017

|

Norwegian UK (NUK), dótturfélag Norwegian, hefur fengið grænt ljós frá bandarískum stjórnvöldum fyrir reglubundnu áætlunarflugi til Bandaríkjanna frá Bretlandi og Evrópu.

  Nýjustu flugfréttirnar

Azores Airlines fær sína fyrstu Airbus A321neo þotu

17. desember 2017

|

Azores Airlines, flugfélagið á Asóreyjum, hefur fengið sína fyrstu Airbus A321neo þotu afhenta en félagið pantaði vélarnar í september í fyrra.

British Airways mun hætta með dótturfélagið OpenSkies

17. desember 2017

|

British Airways ætlar að hætta með dótturfélagið OpenSkies sem hefur flogið reglulega milli Parísar og New York með tveimur Boeing 757 þotum.

Norwegian Air Argentina fær fyrstu þotuna í janúar

16. desember 2017

|

Norwegian Air Argentina, nýstofnað dótturfélag Norwegian í Argentínu, mun fá sína fyrstu farþegaþotu afhenta í janúar eftir áramót.

Keflavíkurflugvöllur í 8. sæti í ánægjumælingu

15. desember 2017

|

Keflavíkurflugvöllur er með áttundu ánægðustu farþega heims samkvæmt mælingum með Happy or Not stöndum svonefndum, sem eru ánægjumælingartól.

Lufthansa þokast nær yfirtöku á Alitalia

14. desember 2017

|

Lufthansa er skrefi nær því að taka yfir rekstri ítalska ríkisflugfélagsins Alitalia en forsvarsmenn Lufthansa munu um helgina halda til fundar í Róm þar sem staðan vegna yfirtökunnar verður tekin fy

Norwegian kaupir 28 pláss á Gatwick-flugvelli

14. desember 2017

|

Norska flugfélagið Norwegian hefur náð að styrkja stöðu sína á Gatwick-flugvelli með kaupum á 28 vikulegum afgreiðsluplássum af litháenska flugfélaginu Small Planet Airlines.

Orðrómur: Delta mun panta 100 Airbus A321neo þotur

14. desember 2017

|

Sagt er að Delta Air Lines muni síðar í dag tilkynna um risapöntun í allt að 100 farþegaþotur frá Airbus.

Blackbird Air í Danmörku stefnir á einkaþotuflug til Ameríku

14. desember 2017

|

Danska leiguflugfélagið Blackbird Air ætlar sér að hefja reglubundið flug til Bandaríkjanna með einkaþotum.

Gjaldþrot blasir við Niki

13. desember 2017

|

Gjaldþrot blasir við austurríska flugfélaginu Niki eftir að Lufthansa lýsti því yfir í dag að félagið væri hætt við yfirtöku á Niki þar sem allt stefnir í að Evrópusambandið sé að fara hafna yfirtöku

Lufthansa fær ekki að kaupa Niki

13. desember 2017

|

Lufthansa hefur hætt við áform sín um að taka yfir rekstur flugfélagsins Niki eftir að Framkvæmdarstjórn Evrópusambandsins hafnaði viðskiptunum á grundvelli samkeppnislaga.

 síðustu atvik

  2017-12-04 17:20:00