flugfréttir

20 börn og fjölskyldur fengu ferðastyrk Vildarbarna Icelandair

22. apríl 2017

|

Frétt skrifuð kl. 19:09

Í hverjum styrk frá sjóðnum felst skemmtiferð fyrir barnið og fjölskyldu þess, og er allur kostnaður greiddur - flug, gisting, dagpeningar og aðgangseyrir að sérstökum viðburði sem barn

20 börnum og fjölskyldum þeirra, samtals um 100 manns, var afhentur ferðastyrkur úr sjóðnum Vildarbörn Icelandair í dag.

Starfsemi Vildarbarna Icelandair byggir á hugmyndum og starfi Peggy Helgason, eiginkonu Sigurðar Helgasonar, sem lengi var forstjóri Flugleiða og stjórnarformaður Icelandair Group, en Peggy hefur um árabil unnið sem sjálfboðaliði á barnadeildum sjúkrahúsa í Reykjavík og stutt fjölskyldur fjölda veikra barna með ýmsum hætti.

Hún situr í stjórn Vildarbarna Icelandair og er Sigurður formaður stjórnarinnar en Vigdís Finnbogadóttir er verndari sjóðsins.  

Markmið sjóðsins er að gefa langveikum börnum, foreldrum þeirra og systkinum, tækifæri til þess að fara í draumaferð sem þau ættu annars ekki kost á.  

Alls hafa 570 fjölskyldur notið stuðnings frá sjóðnum frá stofnun hans fyrir 14 árum og úthlutunin í dag var sú 28. í röðinni. Líkt og við úthlutun styrkjanna undanfarið afhentu Sambíóin börnunum bíómiða.  

Sjóðurinn Vildarbörn er fjármagnaður með beinu fjárframlagi Icelandair, frjálsum framlögum félaga í Saga Club Icelandair sem geta gefið af Vildarpunktum sínum, með söfnun myntar um borð í flugvélum Icelandair, sölu á Vildarenglinum um borð í vélum Icelandair og söfnunarbaukum á Keflavíkurflugvelli og söluskrifstofum Icelandair. Einnig koma til frjáls framlög og viðburðir.  

Í hverjum styrk frá sjóðnum felst skemmtiferð fyrir barnið og fjölskyldu þess, og er allur kostnaður greiddur - flug, gisting, dagpeningar og aðgangseyrir að sérstökum viðburði sem barnið óskar sér.

Að meðaltali eru fimm manns í hverri fjölskyldu og því hafa um 2800 einstaklingar farið í ferð á vegum sjóðsins. Jafnan hafa margar fjölskyldanna valið að fara til Flórída og heimsækja Disneyland og aðra skemmtigarða þar.    

Á myndinni eru styrkþegar ásamt stjórnendum Vildarbarna við úthlutun í morgun.







  fréttir af handahófi

Samtvinnað atvinnuflugnám hjá Flugskóla Íslands hefst í janúar

28. nóvember 2017

|

Þann 8. janúar næstkomandi mun bætast við ný leið í námsframboði til atvinnuflugmannsnáms hjá Flugskóla Íslands - Tækniskólanum en skráning hefst í byrjun desember.

Óafhentar þotur til Kína hrannast upp hjá Airbus

14. janúar 2018

|

Nýjar farþegaþotur frá Airbus, sem stendur til að afhenda til Kína, hafa hrannast upp á athafnarsvæði við verksmiðjur Airbus, bæði í Toulouse í Frakkalandi og í Hamborg í Þýskalandi.

Pilatus afhendir fyrstu PC-24 einkaþotuna

8. febrúar 2018

|

Svissneski flugvélaframleiðandinn Pilatus hefur afhent fyrsta eintakið af Pilatus PC-24 einkaþotunni við hátíðlega athöfn sem fram fór í Portsmouth í New Hampshire.

  Nýjustu flugfréttirnar

Icelandair eykur við flug til Orlando og Tampa

23. febrúar 2018

|

Icelandair mun frá og með október í haust fljúga daglega til Orlando og fjórum sinnum í viku til Tampa en með því mun félagið auka framboð sitt til þessara áfangastaða í Flórída í Bandaríkjunum um sam

Vilja refsa farþegum sem taka farangur með sér við neyðarrýmingu

23. febrúar 2018

|

Svo gæti farið að þeim farþegum verði refsað sem gera tilraun til að taka handfarangur með sér frá borði þegar verið er að rýma flugvél í neyðartilvikum.

Fór með skrúfuna í þak á bíl í háskalegu lágflugi

23. febrúar 2018

|

Mikil mildi þykir að engan sakaði er landbúnaðarflugvél af gerðinni Air Tractor rakst með loftskrúfu í þak á bíl er flugmaður vélarinnar flaug vísvitandi mjög lágt yfir bílinn í Brasilíu á dögunum.

Vandamál með hjólabúnað á Bombardier-vél

23. febrúar 2018

|

Vandamál kom upp með hjólabúnað á Bombardier Dash 8 Q400 flugvél hjá Croatia Airlines er vélin var í aðflugi að flugvellinum í Brussel í gær eftir flug frá Zagreb.

Finnair undirbýr pöntun í allt að þrjátíu þotur

22. febrúar 2018

|

Finnair vinnur nú að því að undirbúa pöntun í nýjar meðalstórar farþegaþotur með einum gangi og koma allt að 30 þotur til greina.

Þrjú flugfélög í Venezúela hafa öll misst leyfið

22. febrúar 2018

|

Þrjú flugfélög, í eigu sama eigandans, og þar af tvö í Venezúela, hafa öll hætt starfsemi sinni á nokkrum vikum þar sem þau hafa verið svipt flugrekstarleyfinu á sama tíma og stjórn félaganna er í up

Líktu eftir sömu aðstæðum í flughermi

22. febrúar 2018

|

Orsök flugslyssins í Rússlandi, er farþegaþota af gerðinni Antonov An-148 frá Saratov Airlines fórst skömmu eftir flugtak frá Moskvu þann 11. febrúar, er enn ókunn en talið er mögulegt að ísing í ste

Fyrsta Boeing 737 MAX þota Icelandair væntanleg til landsins

21. febrúar 2018

|

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Nýir stjórnendur hjá Icelandair

21. febrúar 2018

|

Gerðar hafa verið umtalsverðar skipulagsbreytingar á rekstrarsviði Icelandair og nýir forstöðumenn ráðnir til nýrra starfa.

Seinasta Boeing 737-800 þotan afhent til Norwegian

21. febrúar 2018

|

Norwegian hefur tekið við seinustu Boeing 737-800 þotunni sem er jafnframt hundraðasta Boeing 737-800 þotan sem félagið hefur fengið afhenta frá Boeing.