flugfréttir
Fyrsta þotan með farþega væntanleg til St. Helena
- Þó einungis um eitt leiguflug að ræða þar sem skipið er bilað
Boeing 737 þota Comair á flugvellinum í St. Helena í fyrra
Von er á fyrsta þotufluginu með farþega til hinnar afskekktu eyju St. Helena í þessari viku.
Áætlunarflug til eyjunnar er þó ekki hafið til eyjunnar og er um að ræða eitt leiguflug í algjörri neyð til að koma farþegum
frá eyjunni þar sem póstflutningaskipið hefur verið bilað í heilan mánuð en fjóra sólarhringa tekur
að sigla þaðan til Afríku og hafa samgöngur á sjó verið eini fararmátinn til St. Helena í yfir 500 ár.
Nýi flugvöllurinn á St. Helena er að öðru leyti tilbúinn til notkunar en ekki hefur verið hægt að
hefja starfsemi hans þar sem gríðarlegir sviptivindar eru í nágrenni vallarins sem er staðsettur
undir háu fjalli með þverhnýpi niður í sjó austan megin.
Skipið RMS St. Helena er í viðgerð í Höfðaborg
Flugvöllurinn kostaði breska skattgreiðendur um 41 milljarð króna og er þetta einn afskekktasti flugvöllur
heims.
Ár er síðan að farþegaþota lenti í fyrsta sinn á St. Helana sem var tilraunaflug til eyjunnar á vegum Comair
sem flaug þangað með Boeing 737-800 þotu frá Suður-Afríku en Super King Air flugvél var fyrsta flugvélin
sem lenti á eyjunni árið 2015.
Þar sem skipið hefur verið bilað í rúman mánuð þá eru 75 manns strandaglópar sem áttu bókað far með því
og var því ákveðið að taka þotu á leigu sem mun fljúga í vikunni til St. Helena með 50 farþega á kostnað
breska ríkisins.
Önnur skrúfa skipsins festist í framsnúningi og var skipið tekið til viðgerðar í sjókví í Höfðaborg
og hefur viðgerðin gengið hægt fyrir sig.
Öflugir sviptivindar hafa komið í veg fyrir að hægt sé að taka nýja flugvöllinn í notkun
Bresk stjórnvöld hafa verið harðlega gagnrýnd fyrir að hafa hafið framkvæmdir á flugvelli án þess
að hafa tekið með í reikninginn veðurfarslegar aðstæður á eyjunni og án þess að hafa gert rannsóknir á áhrifum
staðsetningarinnar með tilliti til sviptivinda.
Alls hafa 32 flugferðir verið farnar til St. Helena frá því flugvöllurinn var tilbúinn fyrir 2 árum síðan en
flestir flugmenn hafa tilkynnt um mjög sterka sviptivinda í aðfluginu og hafa flestar vélarnar þurft
að gera nokkrar lendingartilraunir.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.