flugfréttir
Boeing 767 flughermir mun bætast við á Flugvellina
- Boeing 757 hermirinn fullnýttur - Verða með þrjá flugherma haustið 2018
Boeing 757 flughermirinn á Flugvöllum sem tekinn var í notkun fyrir 2 árum síðan
Nýr flughermir mun bætast við í flugþjálfunarmiðstöð Icelandair á Flugvöllunum í Hafnafirði næsta haust en TRU Flight Training Iceland hefur gert samning um kaup á flughermi fyrir Boeing 767-300 vélarnar.
TRU Flight Training Iceland á og rekur einn Boeing 757 flughermir á Flugvöllunum sem er fullkomnasti
flughermir landsins en hann var tekin í notkun árið 2015 og er hann nákvæm eftirlíking af stjórnklefa Boeing 757 flugvélar eins og Icelandair notar í sínum flugrekstri.
Í febrúar á þessu ári var gerður samningur við TRU Simulation + Training í Kanada um kaup á fyrsta Boeing 737 MAX flugherminum sem
er áætlað að verði tekinn í notkun sumarið 2018.
Boeing 757 hermirinn annar ekki eftirspurninni
Eins og staðan er í dag er nýtingin á Boeing 757 flugherminum orðin það mikil að Icelandair nær ekki að þjálfa alla
flugmennina í herminum í Hafnafirði.
Boeing 757 flughermirinn í Hafnafirði
„Það er líka það mikil eftirspurn frá erlendum flugfélögum í að þjálfa flugmenn á Boeing 757 og 767 og það er alveg fullvíst að nýtingin á 767 herminum verður mjög mikil“, segir Guðmundur Örn Gunnarsson, framkvæmdarstjóri
TRU Flight Training Iceland.
Er stundum nýttur 24 tíma á sólarhring
“Hann er í gangi í 20 tíma á sólarhring og við þurfum alltaf smá tíma í undirbúning og viðhaldstíma sem tekur oftast
um 4 tíma þannig að yfir 20 tímar á dag í nýtingu er ekki hægt. En við sjáum stundum 24 tíma nýtingu á dag“, segir Guðmundur sem bendir á að árið 2017 verður metár er kemur að nýtingu á Boeing 757 herminum.
Þrátt fyrir að Boeing 757 og Boeing 767 deili sömu tegundaráritun þá þurfa flugmenn samt að gangast undir þjálfun
í Boeing 767 hermi. - „Þeir geta ekki bara fengið þjálfun í 757 hermi og flogið 767 þannig að tegundaráritunin er
þannig að þú þarft að fara annað hvert skipti á Boeing 767“, segir Guðmundur.
Framkvæmdir standa nú yfir við stækkun á byggingunni á Flugvöllunum og mun ný viðbygging hýsa bæði 737 MAX herminn og 767 herminn og verða því þrír flughermar komnir í fulla notkun haustið 2018.
Boeing 757 flughermirinn á Flugvöllunum var keyptir frá TRU Simulation + Training
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.