flugfréttir

737 MAX vélarnar kyrrsettar vegna möglegs galla í hreyfli

- Mögulegar sprungur fundust við eftirlit á hverfladiski í LEAP-1B hreyfli

10. maí 2017

|

Frétt skrifuð kl. 21:13

Boeing 737 MAX 9 tilraunavél

Boeing tilkynnti í dag að allar flugprófanir með Boeing 737 MAX þoturnar hafa verið settar á hilluna eftir að upp komst um mögulegar sprungur í innvolsi LEAP-1B hreyfilsins sem framleiddur er af CFM International.

Allur Boeing 737 MAX tilraunaflugfloginn hefur verið kyrrsettur á meðan þar sem nauðsynlegt er að gera úttekt á hreyflum vélanna en Boeing hefur nú þegar smíðað fimmtán eintök af Boeing 737 MAX vélunum og þar af 5 tilraunavélar.

CFM International gerði Boeing viðvart um að mögulegur galli hefði fundist í diski í lágþrýstingshverfilskerfi hreyfilsins en þetta á þó aðeins við um nokkur upplög af hreyflinum en ekki nýjustu hreyflana, sem hafa verið afhentir til Boeing í Renton.

Það var gæðaeftirlitsmaður sem kom auga á vandamálið í framleiðslunni er hann gerði úttekt á verksmiðju sem framleiðir diska í hverfil LEAP-1B hreyfilsins og komu í ljós frávík í framleiðsluferlinu sem gæti leitt til þess að sprungur fara að myndast.

LEAP-1B hreyfillinn í verksmiðju CFM International

CFM International er í eigu GE Aviation og franska fyrirtækisins Safran sem er ábyrgt fyrir framleiðslu á diskunum í lágþrýstingshverfilskerfinu.

Tilraunaflugfloti Boeing 737 MAX vélanna hefur flogið samtals yfir 2.000 klukkustundir og á engum tímapunkti hafa komið upp nein atvik varðandi hreyfla vélanna en þá hefur LEAP-1B hreyfilinn gengið í gegnum 300 tilraunatíma á flugi og þar að auki er búið að prófa hreyfilinn í mörg þúsund klukkustundir á jörðu niðri.

Fyrstu afhendingar á 737 MAX á áætlun í þessum mánuði

CFM hefur sent eftirlitsteymi í verksmiðjurnar þar sem diskarnir eru framleiddir til þess að sjá til þess að engir fleiri diskar séu framleiddir með mögulegum galla en þar sem skoða þarf marga hreyfla bæði í verksmiðjum í Bandaríkjunum og í Frakklandi þá gæti tekið smá tíma að fá niðurstöðu í málið.

Boeing segir að þetta muni ekki hafa áhrif á afhendingar en malasíska lágfargjaldafélagið Malindo Air mun fá fyrsta eintakið afhent í þessum mánuði og er fyrsta afhendingin á áætlun.

Þá mun annað flugfélag einnig fá sína fyrstu Boeing 737 MAX í þessum mánuði en þær vélar, ásamt vélum Malindo Air, koma ekki með þeim hreyflum sem gætu verið með mögulegum galla.







  fréttir af handahófi

Hækkun á flugfargjöldum yfirvofandi

6. febrúar 2018

|

Svo gæti farið að flugfélög í heiminum eigi eftir að hækka fargjöld á næstunni vegna hækkandi verðs á þotueldsneyti.

Airbus missir síðustu pöntunina í A330-800neo

21. febrúar 2018

|

Airbus hefur misst einu pöntunina sem eftir var í Airbus A330-800neo þotuna en Hawaiian Airlines hefur hætt við pöntunina og ákveðið þess í stað að panta sex Dreamliner-þotur frá Boeing af gerðinni

Verkfall mun valda mikilli röskun á flugi í Þýskalandi

9. apríl 2018

|

Búist er við gríðarlegri röskun á flugi um þýska flugvelli eftir að verkalýðsfélagi Verdi boðaði í dag til 12 tíma verkfalls meðal flugvallarstarfsmanna í nokkrum þýskum borgum á morgun.

  Nýjustu flugfréttirnar

Fimmta Dreamliner-þotan sem smíðuð var fer í niðurrif

22. apríl 2018

|

Boeing hefur hafið niðurrif á einni af þeim fyrstu Dreamliner-þotum sem smíðaðar voru en um er að ræða fimmtu Boeing 787-8 tilraunarþotuna sem smíðuð var.

Icelandair Group íhugar kaup á flugfélagi á Asóreyjum

21. apríl 2018

|

Svo gæti farið að Loftleiðir-Icelandic, dótturfélag Icelandair Group, muni eignast helmingshlut í flugfélaginu Azores Airlines á Asóreyjum.

JPMorgan-bankinn undirbýr tilboð í Norwegian fyrir IAG

20. apríl 2018

|

IAG, móðurfélag British Airways, hefur falið bandaríska bankanum JPMorgan til þess að undirbúa tilboð í norska flugfélagið Norwegian.

United kaupir 20 notaðar Airbus A319 þotur

20. apríl 2018

|

United Airlines hefur undirritað samning um kaup á tuttugu notuðum farþegaþotum af gerðinni Airbus A319.

Orsök flugslyss: Flugmenn slepptu tékklista fyrir flugtak

20. apríl 2018

|

Flugmálayfirvöld í Rússlandi telja að flugmenn Antonov An-148 farþegaþotunnar frá Saratov Airlines, sem fórst skömmu eftir flugtak frá Domodedovo-flugvellinum í Moskvu þann 11. febrúar á þessu ári, h

Tuttugu börn og fjölskyldur þeirra fá ferðastyrk Vildarbarna

19. apríl 2018

|

20 börn og fjölskyldum þeirra, samtals um eitt hundrað manns, var afhentur ferðastyrkur úr sjóðnum Vildarbörn Icelandair í dag. Alls hafa 625 fjölskyldur notið stuðnings frá sjóðnum frá stofnun hans f

Málmþreyta talin orsök sprengingar í hreyfli

18. apríl 2018

|

Talið er að málmþreyta í hreyflablaði hafi orsakað sprengingu í CFM56 hreyfli á Boeing 737-700 þotu Southwest Airlines í gær er þotan var í 32.500 fetum yfir Pennsylvaníu á leið frá New York til Dal

Widerøe íhugar að panta minni Embraer-þotu

18. apríl 2018

|

Norska flugfélagið Widerøe segir að verið sé að skoða möguleika á að panta minni útgáfur af E2-þotunni frá Embraer.

Avinor vill ekki malbika alla flugbrautina í Røros

17. apríl 2018

|

Flugrekstaraðilar í miðhluta Noregs hafa áhyggjur af sparnaðaraðgerðum norska flugumferðarþjónustufyrirtækisins Avinor sem ætlar sér ekki að endurnýja alla flugbrautina á flugvellinum í bænum Røros.

Takmarkanir á Trent 1000 mun gera flugfélögum erfitt fyrir

17. apríl 2018

|

Takmarkanir hafa verið settar á notkun Trent 1000 hreyfilsins frá Rolls-Royce og hafa flugmálayfirvöld farið fram á tíðari skoðanir á hreyflinum.