flugfréttir

Fraktflugfélög hrökklast frá Brussel vegna reglna um hávaða

- Tvö flugfélög hafa hætt flugi til BRU og fleiri íhuga það sama

15. maí 2017

|

Frétt skrifuð kl. 16:48

Júmbó-fraktþotur Air Cargo Global á flugvellinum í Brussel

Mikil óánægja ríkir meðal þeirra fraktflugfélaga sem fljúga til Brussel eftir að belgísk stjórnvöld tóku nýverið í gagnið nýjar og strangar reglugerðir varðandi hávaða frá flugvellinum sem er sá stærsti í Belgíu.

Nokkur fraktflugfélög hafa lýst því yfir að þau ætli sér að hætta að fljúga til Brussel en kínverska fraktflugfélagið Yangtze River Express hefur nú þegar hætt flugi þangað og flaug síðasta flugið til Belgíu í febrúar.

Slóvneska flugfélagið Air Cargo Global ætlar sér að hætta að fljúga með frakt til Brussel og þá er fraktfélagið Magma Aviation einnig að íhuga að hætta flugi þangað.

Stjórn flugvallarins í Brussel er mjög óánægð með ákvörðun stjórnvalda en tvö fraktflugfélög af þeim sex, sem fljúga með Boeing 747 fraktþotur til Belgíu, hafa nú hætt flugi þangað og fleiri gætu fylgt í kjölfarið.

Júmbó-þota Magma Aviation á flugvellinum í Brussel

Háar sektir fylgja því að brjóta lög um hávaða frá flugvélum á vissum tímum sólarhringsins en mörg fraktflugfélög fljúga til Brussel á nóttunni.

Air Cargo Global hefur skrifað bréf til stjórn flugvallarins vegna málsins og hótar félagið að færa starfsemi sína yfir til Hollands með því að fljúga til Amsterdam og jafnvel til Prag í Tékklandi þess í stað.

Magma Aviation segir að félagið muni á næstu vikum hætta fluginu til Brussel og sé flugfélagið með augastað á tveimur flugvöllum í nágrannalöndunum til skoðunar.

Flugvöllurinn í Brussel hefur varað belgísk stjórnvöld við áhrifunum frá hávaðalögunum þar sem mörg störf eru í húfi en Yangtze River Express flaug árið 2016 með 20.000 tonn af frakt til Brussel sem er 12% af öllum innflutningi til landsins með flugfrakt.

Ekki er um nýja reglugerð að ræða þar sem lög við hávaðamengun frá flugvellinum voru sett árið 1999 en frá og með 22. apríl sl. var ákveðið að beita háum sektum fyrir þau flugfélög sem flugu flugvélum til vallarins þar sem hávaði frá þeim fer yfir 9 desibil umfram það sem lög gera ráð fyrir að degi til og yfir 6 desibil að næturlagi.

Belgísk stjórnvöld hafa frestað því um 1 til 2 ár að innheimta sektarupphæðirnar en framkvæmdarstjóri flugvallarins segir það breyta engu þar sem nokkur flugfélög hafa nú þegar gert upp hug sinn og ætla að frá að hverfa.









  fréttir af handahófi

26 farþegar slasast í ókyrrð hjá China Eastern

19. júní 2017

|

Að minnsta kosti 26 manns slösuðust um borð í Airbus A330 breiðþotu frá China Eastern Airlines er mikil ókyrrð reið yfir er vélin var í 39.000 fetum yfir Rússlandi á leið frá París til Kunming í Kína

Lokaskýrsla gefin út vegna flugslyssins á Akureyri árið 2013

19. júní 2017

|

Rannsóknarnefnd samgönguslysa hefur gefið frá sér lokaskýrslu vegna flugslyss sem átti sér stað þann 5. ágúst árið 2013 er King Air 200 sjúkraflugvél frá Mýflugi (TF-MYX) fórst við kappakstursbraut

Kanaríeyjar vilja koma á flugi milli Íslands og Fuerteventura

24. apríl 2017

|

Ferðamálaráð Kanaríeyja hefur óskað eftir umsóknum fyrir hvatningarstyrk til áætlunarflugs á 24 nýjum flugleiðum milli Kanaríeyja og Evrópu og Ameríku en á listanum er óskað eftir umsóknum um áætluna

  Nýjustu flugfréttirnar

Airbus A330 þota föst á flugbraut á Tenerife

28. júní 2017

|

Nokkrar tafir urðu á flugi um Reina Sofia flugvöllinn á Tenerife í gær eftir fjórir hjólbarðar sprungu á báðum aðalhjólastellunum á Airbus A330 þotu frá breska flugfélaginu Jet2.com.

Delta tekur úr umferð fyrstu MD-90 þotuna

28. júní 2017

|

Delta Air Lines hefur tekið úr umferð fyrstu McDonnell Douglas MD-90 þotuna.

Ryanair hefur mikinn áhuga á Boeing 737 MAX 10

27. júní 2017

|

Michael O´Leary, framkvæmdarstjóri Ryanair, segir að lágfargjaldarfélagið írska hafi mikinn áhuga á að panta Boeing 737 MAX 10 þotuna ef félagið fái þær á „réttu verði“.

Áttræð kona kastaði klinki inn í hreyfil fyrir brottför

27. júní 2017

|

Töluverð seinkun varð á flugi CZ380 hjá kínverska flugfélaginu China Southern í gær eftir að eldri kona um áttrætt gerði sér lítið fyrir og kastaði klinki inn í hreyfil á Airbus A320 þotu félagsins.

Svangur þyrluflugmaður lenti þyrlu við McDonalds í Sydney

26. júní 2017

|

Flugmálayfirvöld í Ástralíu rannsaka nú atvik eftir að þyrluflugmaður lenti þyrlu sinni við McDonalds veitingastað í Sydney til að sækja sér hamborgara í hádeginu en þyrluflugmaðurinn kveðst hafa fen

Emirates vill sameinast rekstri flydubai

26. júní 2017

|

Emirates hefur lýst því yfir að möguleiki sé á því að félagið muni sameinast við lágfargjaldafélagið flydubai og gætu félögin starfað saman undir sama hatti.

Tvær Ilyushin Il-96-300 þotur pantaðar fyrir Rússlandsforseta

26. júní 2017

|

Vladimir Pútin mun fá tvær nýjar forsetaflugvélar af gerðinni Ilyushin Il-96-300.

BA tekur á leigu níu Airbus-þotur frá Qatar Airways

26. júní 2017

|

British Airways ætlar sér að taka á leigu níu Airbus A320 og Airbus A321 þotur frá Qatar Airways til að bregðast við yfirvofandi verkfalls sem skellur á þann 1. júlí næstkomandi.

Tíu herflugvélar urðu fyrir skemmdum eftir skýstróka

25. júní 2017

|

Tíu herflugvélar á vegum bandaríska flughersins skemmdust er skýstrókur gekk yfir Offutt Air Force Base herflugvöllinn í Nebraska á dögunum.

Einn metri skildi að dróna og Airbus A319 þotu frá easyJet

24. júní 2017

|

Aðeins einn metri skildi að Airbus A319 þotu frá easyJet og dróna er vélin var í aðflugi að flugvellinum í Liverpool sl. fimmtudag.