flugfréttir
„Það hefur enginn frá borginni haft samband við okkur“
- Vísindagarðar Háskóla Íslands eiga að yfirtaka land Fluggarða fyrir nýjar lóðir
Fluggarðar í blíðviðrinu í gær (19. mars)
Nokkur reiði ríkir meðal flugmanna og þeirra sem fara fyrir grasrót flugsins vegna vinnubragða Reykjavíkurborgar sem sögð er fara krókaleiðir til að úthýsa Fluggörðum í nýrri breytingartillögu að aðalskipulagi borgarinnar um fyrirhugaða íbúðabyggð sem á að rísa í landi Fluggarða á Reykjavíkurflugvelli.
Nýlegar tillögur að breytingum, sem gerðar hafa verið á deiliskipulagi er varðar fyrirhugaða íbúðarbyggð í landi Fluggarða, hafa ekki
verið kynntar fyrir hagsmunaaðilum á svæðinu og eigendum flugskýla þar sem fjölbreytt flugtengd starfsemi hefur verið starfrækt frá árinu 1977.
Í fyrirhugaðri breytingu að deiluskipulagi er tilgreint svæði sem kallast svæði nr. 14 en ekki er minnst á að það svæði
sé það land þar sem Fluggarðar eru staðsettir en fram kemur að það svæði muni sameinast öðru svæði, sem er nr. 12, sem
er land sem mun koma til með að kallast Vísindagarðar.
Fluggarðar merktir sem „reitur 14“ í skipulagi
Flugmenn og aðrir aðilar í fluginu, sem hafa hugsmuni að gæta í Fluggörðum, segja að borgarstjórn sé með þessu að sniðganga
hagsmuni þeirra með því að eyrnarmerkja tiltekið landsvæði án þess að minnast á Fluggarða þar sem það mun renna saman
við annað byggingarssvæði og er því talið að með því ætli borgin að koma sér undan því að þurfa hafa nein frekari afskipti af þeim aðilum
sem hafa hagsmuna að gæta í Fluggörðum.
Flugskýli Fluggarða séð frá Njarðargötu
Á vefsíðu Reykjavíkurborgar kemur fram að þeir sem eiga hagsmuna að gæta varðandi breytingatillögu á deiliskipulagi Reykjavíkurborgar er varðar þéttingu byggðar eru hvattir til að kynna sér viðeigandi tillögur og senda inn ábendingar og athugasemdir fyrir mánudaginn
22. maí næstkomandi.
Talin eru upp nokkur svæði og þar á meðal svæði nr. 12 sem skilgreint er sem Vísindagarðar sem nær frá Sæmundargötu að
Njarðargötu til austurs og frá Eggertsgötu til Sturlugötu til norðurs.
Breytingatillögur að svæði nr. 12 má mótmæla formlega til mánudagsins 22. maí með innsendum athugasemdum en svæði nr. 14, sem nær yfir land Fluggarða, er
ekki á lista yfir þau fyrirhuguð byggingarsvæði sem hægt er að mótmæla formlega eða senda inn athugasemdir en fram kemur að það svæði
mun síðar sameinast Vísindagörðum.
„Það er bara verið að hunsa okkur“
„Það hefur ekkert samband verið haft við okkur út af þessari tillögu og maður veit ekkert hvar maður stendur og gagnvart hverjum
og því síður hvort að verið sé verið að semja um eitthvað annað á bak við okkur“, segir Alfhild Nielsen, talsmaður hagsmunaaðila
á svæðinu.
Svæði nr. 14 í landi Fluggarða séð á skýringarmynd á deiliskipulagi
Reykjavíkurborgar
„Hluti þessa svæðis í deiliskipulaginu númer 14, sem er skilgreint sem Fluggarðar, verður sett undir svæði 12 sem er skilgreint sem Vísindagarðar. Framsetning skipulagsnefndar á þessarri tillögu er afar undarleg þar sem hún er falin í stefnu um íbúðarbyggð og ekki hefur
verið haft neitt samband við eigendur fasteigna í Fluggörðum vegna þessa“, segir Alfhild.
Svæðið undir Fluggarða var úthlutað fyrir almannaflug árið 1977 af Reykjavíkurborg og þáverandi flugvallarstjóra
og fengu allir aðilar bygginarleyfi án neinna frekari fyrirvara eða athugasemda.
„Það er bara verið að hunsa okkur. Þarna er verið að úthluta lóð fyrir íbúðir undir skýli 21 sem er fyrsta skýlið sem byrjað var að reisa á sínum tíma, sem fékk
byggingarleyfi, og við eigum það skýli og það var ekki byggt bara út í bláinn - Þetta er skipulagt svæði sem var byggt samkvæmt
gildum byggingarleyfum fyrir 40 árum síðan“, segir Alfhild.
Í nýuppfærðu skipulagi og drögum að húsnæðisáætlun Reykjavíkurborgar sem kynnt var í mars er gert ráð fyrir að
reisa 1.340 stúdentaíbúðir á svæði Vísindagarða en af þeim munu 300 íbúðir rísa á landi Fluggarða fyrir árið 2024
og mun það svæði renna saman við svæði nr. 12 (Vísindagarða) en nú þegar hafa verið reistar stúdentaíbúðir á hluta
svæðisins við Sæmundargötu.
TF-BGH á Reykjavíkurflugvelli þann 19. maí
Í bréfi til Skipulagsstofnunar, sem undirritað var þann 22. mars 2017 af Birni Axelssyni, kemur
fram að reitur 12. (Vísindagarðar) muni stækka úr 7 hekturum yfir í 10 hektara og mun hann því yfirtaka hluta
af reit 14 (Fluggarðar).
„Eins og ég skil þetta þá er verið að innlima svæði 14 inn í svæði 12, sem er í Vísindagörðum. Þá geta þeir farið að skipuleggja
Vísindagarða án þess að þurfa að tala um Fluggarða. Þá er verið að fjölga íbúðum í Vísindagörðum og áfram yfir svæði 14
og þá þarf aldrei að nefna Fluggarða“, segir Sigurður Ingi Jónsson, flugmaður og einn hluthafi í flugklúbbnum Þyt.
Fjölbreytt flugstarfsemi í húfi og enginn annar staður í sjónmáli
Fluggarðar er nafli flugtengdrar starfsemi á Íslandi en á svæðinu er fjöldi
félaga og flugklúbba sem sum hafa í mörg ár verið leiðandi í grasrót flugsins
og má þar finna meðal annars Flugfélagið Geirfugl sem er stærsti
flugklúbbur landsins sem einnig er flugskóli.
Önnur fyrirtæki og félög sem hafa aðsetur á Fluggörðum eru Félag flugmanna
og flugvélaeiganda, Flugklúbbur Íslands, flugklúbbarnir Þytur, Fljúgðu, Vængir, Yakar, Flugklúbbur
Alþýðunnar, Flugleiðsögufélagið, Garðaflug, Flugsmíð og fleiri félög.
Eigendur flugskýla á Fluggörðum kærðu deiliskipulagið í fyrra og fóru fram á að skipulagið yrði fellt úr gildi en þann 11. ágúst árið 2016, kom úrskurðarnefnd umhverfis- og auðlindamála saman til fundar vegna málsins.
Fjöldi félaga og flugklúbba hafa aðsetur í Fluggörðum
Fram kemur að gert er ráð fyrir að flugskýlin á svæði Fluggarða munu víkja fyrir annarri notkun en engin önnur aðstaða sé fyrir þá starfsemi á höfuðborgarsvæðinu. Fyrir liggi samningur milli ríkis og borgar frá 25. október 2013 um að innanríkisráðuneytið og Isavia skuli hafa forgöngu um að kennslu- og einkaflugi verði fundinn nýr staður í nágrenni borgarinnar, en ekkert liggi fyrir um efndir þess samnings og ríkir því algjör óvissa um hvert kærendur geti farið með flugvélar sínar, flugvélaverkstæði, flugskóla, flugrekstur og aðra tengda starfsemi.
Í málsrökun kærenda kemur einnig fram að Reykjavíkurflugvöllur hafi verið afhentur íslenska ríkinu í lok seinni heimstyrjaldar og verði að gera þá kröfu að Reykjavíkurborg sanni eignarrétt sinn að umræddu svæði áður en að farið sé að breyta landnotkun þess, en svæðið hafi verið nýtt til almanna- og einkaflugs í um 40 ár.
Eigendur flugskýla í Fluggörðum hafa að undanförnu háð barráttu við Reykjavíkurborg sem hyggst nýta landsvæðið fyrir
framkvæmdir á nýjum íbúðarhúsnæðum og hafa margir komið á orði að hreinlega sé verið að stefna að því að bola þeim í burtu hljóðalaust.
Niðurstaða Úrskurðarnefndar umhverfis- og auðlindamála var sú að kröfu um ógildingu ákvörðunar borgarstjórnar Reykjavíkur frá 3. maí 2016, um að samþykkja nýtt deiliskipulag fyrir Reykjavíkurflugvöll, var hafnað.
Krefst svara frá borginni
Alfhild Nielsen hefur sent bréf til Reykjavíkurborgar og andmælt breytingartillögu borgarinnar þar sem hún minnir borgarstjórn
á að um sé að ræða land sem landeigendur fengu afhent af íslenska ríkinu og greiða tilheyrandi gjöld af og þá er krafist rökstuðnings fyrir nauðsyn þess að Vísindagarðar Háskóla Íslands séu að fá úthlutað landsvæði í Vatnsmýri til viðbótar þegar þeir fengu landsvæði sem enn hefur ekki verið fullnýtt.
Þá gerir Alfhild borginni grein fyrir því að mikilvæg starfsemi fari fram á Fluggörðum á borð við flugkennslu, æfingaflug, flugrekstur, flugvélasmíði, flugvélaviðhald, einkaflug og ýmislegt fleira tengt flugi og hafi þessari starfsemi ekki verið fundinn nýr staður
og á meðan svo er, er ekki hægt að flytja hana.
Slóð með kynningu Reykjavíkurborgar á tillögu að breytingu á aðalskipulagi sem má andmæla fyrir mánudaginn 22. maí
http://reykjavik.is/skipulag-i-kynningu/adalskipulagsbreyting-stefna-um-ibudarbyggd
Hér að neðan má sjá bréf sem Alfhild Nielsen hefur sent borginni fyrir hönd hagsmunafélags eigenda einkabygginga á Reykjavíkurflugvelli en bréfið er birt með leyfi undirritaðs.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.