flugfréttir
Piaggio afhendir fyrstu Avanti Evo flugvélina til Ameríku
Piaggio Avanti Evo flugvélin
West Coast Aviation Services (WCAS) varð á dögunum fyrsti viðskiptavinurinn í Norður-Ameríku til að fá Piaggio Avanti Evo flugvélina afhenta frá ítalska flugvélaframleiðandanum Piaggio Aero.
Avanti Evo er sérstök flugvél sem kemur með tveimur skrúfumótorum sem hafa skrúfuna staðsetta
fyrir aftan mótorinn auk þess sem vélin kemur með litlu nefstéli framan á vélinni.
West Coast Aviation Services pantaði allt að tíu Piaggio Avanti Evo flugvélar í nóvember í fyrra
en fyrirtækið mun fyrir mánaðarmótin fá næstu vél afhenta frá Ítalíu og næstu vélar verða afhentar
til ársins 2021 í framhaldi af því.
Piaggio reiddi sig að mestu á pöntun frá bandaríska fyrirtækinu Avantair í Flórída en það fyrirtæki
varð gjaldþrota árið 2013 eftir að hafa pantað yfir 40 eintök af Piaggio Avanti Evo vélinni.
Vélin kom á markaðinn árið 2014 og er hún arftaki Avanti II vélarinnar sem var þróuð fyrst
árið 2005 en sú vél tók við af upprunalegu Avanti-vélinni sem var kynnt til leiks á tíunda áratug
síðustu aldar.
Piaggio hefur afhent alls 220 Avanti-vélar en níu af þeim eru af nýjustu kynslóðinni, Avanti Evo.
Piaggio P.180 Avani vélina er meðal annars að finna í ítalska flughernum auk þess sem flugherinn í Búlgaríu,
Kanada, Sameinuðu arabísku furstadæmunum og í Póllandi hafa vélina í flota sínum.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.