flugfréttir
Fyrsta flug Icelandair til Philadelphia
31. maí 2017
|
Frétt skrifuð kl. 13:00
„Vatnajökull“ lentur eftir fyrsta flugið til Philadelphia
Icelandair flaug í gær sitt fyrsta áætlunarflug til Philadelphia í Bandaríkjunum en félagið kynnti borgina sem nýjan áfangastað í október 2016.
Jómfrúarflugið til Philadelphia hóf sig á loft frá Keflavíkurflugvelli klukkan 17:10 og var fyrsta flugið flogið með „Vatnajökli“ (TF-FIR).
Vélin lenti í Philadelphia klukkan 19:03 að austurstrandartíma en flugtíminn var 5 klukkustundir og 49 mínútur.
Við hátíðlega athöfn við brottför fyrsta flugsins frá alþjóðaflugvellinum í borginni fluttu Dagur B. Eggertsson, borgarstjóri Reykjavíkur, Jim Kenney, borgarstjóri Philadelphia og Birkir Hólm Guðnason, framkvæmdastjóra Icelandair, ávörp.
Dagur heimsótti Philadelphia í boði starfsbróður síns í tilefni af hinni nýju tengingu milli borganna og Jim Kenney flýgur til Íslands með fyrsta fluginu og dvelur í Reykjavík í boði borgarstjórnar næstu daga.
Philadelphia er ein af þekktustu borgum Bandaríkjanna, en hún tilheyrir Pennsylvaniufylki og er mitt á milli New York og Washington. Phildadelphia er einn af helstu sögustöðum Bandaríkjanna er bæði sjálfstæðisyfirlýsingin (1776) og stjórnarskráin (1787) voru staðfest og undirrituð þar.
Borgin er ein sú stærsta í Bandaríkjunum en íbúafjöldi hennar og næsta nágrennis er um 7,2 milljónir. Flogið verður fjórum sinnum í viku, en alþjóðaflugvöllinn í borginni er meðal umferðarmestu flugvalla Norður-Ameríku.
Icelandair flýgur á þessu ári til 18 áfangastaða í Norður-Ameríku og 26 í Evrópu.
Slökkviliðsbílar taka á móti Vatnajökli með vatnsboga við komuna til Philadelhipa
Birkir Hólm Guðnason, framkvæmdarstjóri Icelandair, sker viðhafnartertu á fréttamannafundi á flugvellinum í gær að viðstöddum Degi borgarstjóra og Jim Kenney, borgarstjóra Philadelphia
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
