flugfréttir

Delta með sjálfvirka töskuinnritun í flugi til Íslands

- Verður í boði á flugvellinum í St Paul-Minneapolis

1. júní 2017

|

Frétt skrifuð kl. 11:06

Sjálfvirka töskumóttakan á flugvellinum í St Paul-Minneapolis notast við myndlesara og rafræn vegabréf til að tengja saman tösku og eiganda hennar.

Flugfélagið Delta býður upp á sjálfvirka innritun á töskum á flugvellinum í St Paul-Minneapolis í sumar. Farþegar Delta á leið til Íslands geta þá innritað sig að öllu leyti sjálfir ásamt töskunum.

Delta er fyrsta bandaríska flugfélagið sem tekur sjálfvirka töskuinnritun í notkun og hefur fjárfest fyrir 60 milljónir króna í búnaðinum. Farþegar með rafræn vegabréf geta innritað töskur sínar sjálfir. Myndlesari sér um að tengja andlit farþegans við vegabréfið í töskumóttökunni.

„Sífellt fleiri Íslendingar ferðast nú til Bandaríkjanna til að nýta sér sterkt gengi krónunnar,“ segir Jan Feenstra, sölustjóri Delta á Norðurlöndunum og í Hollandi. „Með því að bjóða upp á þessa sjálfvirku töskumóttöku er Delta að létta undir með farþegum á flugvellinum á heimleiðinni, gefa þeim meiri tíma og stuðla að sem ánægjulegustu upplifun með flugfélaginu. En að sjálfsögðu verður áfram hægt að innrita sig með hefðbundum hætti í brottfararsal Delta.“

Boeing 757-200 þota Delta Air Lines í flugtaki á Keflavíkurflugvelli

Daglegt áætlunarflug Delta milli Íslands og Minneapolis er nýhafið, annað árið í röð. Flogið verður daglega til 5. september. Delta flýgur allan ársins hring milli Íslands og New York.

„Áætlun Delta milli Íslands og Minneapolis gekk mjög vel í fyrra og því höfum við ákveðið að halda henni áfram,“ segir Dwight James, framkvæmdastjóri Atlantshafsflugs félagsins. „Á háannatímanum í sumar verðum við með alls 31 flugleiðir til 22 áfangastaða í Evrópu og þar af eru tvær þessara flugleiða til Íslands.“

Líkt og fyrri ár er flogið milli Íslands og Bandaríkjanna með Boeing 757 þotum Delta. Wi-fi tenging við internetið er í boði í fluginu. Í afþreyingarskjám við hvert sæti er boðið upp á rúmlega 300 sjónvarpsþætti, kvikmyndir, tónleika og leiki.

Innifalið í fargjaldi eru allar máltíðir, áfengir og óáfengir drykkir, innritaður farangur, handfarangur og sætaval. Á Delta One lúxusfarrýminu er boðið upp á sælkeramáltíðir og svefnsæti og á Delta Comfort+ farrýminu er aukið sætabil og hægt að halla sætum helmingi meira aftur en á almennu farrými.







  fréttir af handahófi

Guli liturinn mun ekki alveg hverfa hjá Lufthansa

9. febrúar 2018

|

Það hefur ekki farið framhjá mörgum að Lufthansa hefur kynnt nýja liti til sögunnar fyrir flugvélarnar í flotanum og eru margir flugvélaáhugamenn og aðdáendur Lufthansa sem hafa sagt að þeir eigi eft

Arlanda-flugvöllur tekur í notkun hlið fyrir risaþotur

15. janúar 2018

|

Arlanda-flugvöllurinn í Stokkhólmi er nú tilbúinn til að taka við risaþotunni Airbus A380.

Í beinni: Pegasus-þotan fjarlægð af vettvangi

18. janúar 2018

|

Á þessu augnabliki er verið að vinna að því að fjarlægja Boeing 737 þotuna frá tyrkneska flugfélaginu Pegasus Airlines sem fór út af braut eftir lendingu á flugvellinum í borginni Trabzon í Tyrklandi.

  Nýjustu flugfréttirnar

Vilja refsa farþegum sem taka farangur með sér við neyðarrýmingu

23. febrúar 2018

|

Svo gæti farið að þeim farþegum verði refsað sem gera tilraun til að taka handfarangur með sér frá borði þegar verið er að rýma flugvél í neyðartilvikum.

Fór með skrúfuna í þak á bíl í háskalegu lágflugi

23. febrúar 2018

|

Mikil mildi þykir að engan sakaði er landbúnaðarflugvél af gerðinni Air Tractor rakst með loftskrúfu í þak á bíl er flugmaður vélarinnar flaug vísvitandi mjög lágt yfir bílinn í Brasilíu á dögunum.

Vandamál með hjólabúnað á Bombardier-vél

23. febrúar 2018

|

Vandamál kom upp með hjólabúnað á Bombardier Dash 8 Q400 flugvél hjá Croatia Airlines er vélin var í aðflugi að flugvellinum í Brussel í gær eftir flug frá Zagreb.

Finnair undirbýr pöntun í allt að þrjátíu þotur

22. febrúar 2018

|

Finnair vinnur nú að því að undirbúa pöntun í nýjar meðalstórar farþegaþotur með einum gangi og koma allt að 30 þotur til greina.

Þrjú flugfélög í Venezúela hafa öll misst leyfið

22. febrúar 2018

|

Þrjú flugfélög, í eigu sama eigandans, og þar af tvö í Venezúela, hafa öll hætt starfsemi sinni á nokkrum vikum þar sem þau hafa verið svipt flugrekstarleyfinu á sama tíma og stjórn félaganna er í up

Líktu eftir sömu aðstæðum í flughermi

22. febrúar 2018

|

Orsök flugslyssins í Rússlandi, er farþegaþota af gerðinni Antonov An-148 frá Saratov Airlines fórst skömmu eftir flugtak frá Moskvu þann 11. febrúar, er enn ókunn en talið er mögulegt að ísing í ste

Fyrsta Boeing 737 MAX þota Icelandair væntanleg til landsins

21. febrúar 2018

|

Innan við tvær vikur eru í að fyrsta Boeing 737 MAX þota Icelandair kemur til landsins en fyrsta eintakið er nú tilbúið í Seattle og verður henni flogið til Íslands í byrjun mars.

Nýir stjórnendur hjá Icelandair

21. febrúar 2018

|

Gerðar hafa verið umtalsverðar skipulagsbreytingar á rekstrarsviði Icelandair og nýir forstöðumenn ráðnir til nýrra starfa.

Seinasta Boeing 737-800 þotan afhent til Norwegian

21. febrúar 2018

|

Norwegian hefur tekið við seinustu Boeing 737-800 þotunni sem er jafnframt hundraðasta Boeing 737-800 þotan sem félagið hefur fengið afhenta frá Boeing.

Isavia úthlutar styrkjum úr samfélagssjóði

21. febrúar 2018

|

Isavia hefur úthlutað styrkjum til 13 verkefna úr samfélagssjóði sínum en verkefnin eru af fjölbreyttum toga.

 síðustu atvik

  2018-01-01 19:24:00