flugfréttir
United sektað vegna þotu sem flaug 23 flug í óflughæfu ástandi
1. júní 2017
|
Frétt skrifuð kl. 12:31
Frá viðhaldsskýli United Airlines
Bandarísk flugmálayfirvöld (FAA) hafa sektað United Airlines um 42 milljónir króna fyrir að hafa notað farþegaþotu í áætlunarflugi sem var ekki í flughæfu ástandi.
Samkvæmt FAA eiga flugvirkjar hjá United Airlines að hafa skipt um eldsneytisdælur
í einni af Dreamliner-þotum félagsins í júní árið 2014 en fram kemur að ekki var gerð sérstök
skoðun eftir að skipt var um dæluna áður en vélin fór aftur í umferð.
United Airlines flaug vélinni a.m.k. 23 flugferðir bæði í innanlandsflugi og millilandaflugi áður
en skoðunin fór loks fram 19 dögum síðar og hafði vélin því ekki verið örugg til flugs í þau 23 skipti.
„Til að framfylgja hámarksöryggi þá verða flugrekstraraðilar að fara eftir öllum lögum og reglugerðum
sem ætlast er til af þeim. Ef það er ekki gert þá getur það skapað óöruggar aðstæður“, segir Michael Huerta, yfirmaður bandarískra flugmálayfirvalda.
United Airlines hefur beðið um fund með FAA til að ræða málið frekar.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
