flugfréttir
Von á þriðja tug flugvéla á flugsýninguna um helgina
- F18 orrustuþota væntanleg
1. júní 2017
|
Frétt skrifuð kl. 21:20
Frá flugsýningu á Reykjavíkurflugvelli fyrir nokkrum árum
Flugsýningin á Reykjavíkurflugvelli mun fara fram næstkomandi laugardag þann 3. júní en sýningin hefur verið næstum því árlegur viðburður sl. ár þar sem flugvélar af öllum stærðum hafa komið saman og tekið þátt í sýningaratriðum.
Von er á þriðja tug flugvéla á sýninguna sem sumar munu taka þátt í sýningarflugi á meðan aðrar vélar verða til sýnis á
jörðu niðri.
Það er Flugmálafélag Íslands sem stendur fyrir sýningunni og er búist við sannkallaðri veislu en brennandi áhugi fyrir flugi
er ekki skilyrði fyrir mætingu þar sem fjöldi fólks á öllum aldri hefur sótt fyrri flugsýningarnar á Reykjavíkurflugvelli óháð flugáhuga og náð að skemmta sér konunglega.
Flugsýningin á Reykjavíkurflugvelli hefur verið næstum árlegur viðburður á sumrin
Sýningin mun spanna frá þotum til smæstu flygilda og munu loftför af öllu tagi láta sjá sig, bæði hraðfleygar og hægfleygar.
Meðal flugvéla og loftfara sem von er á að láti sjá sig á flugsýningunni er Boeing 757-200F
fraktþota Icelandair Cargo sem mun fara í yfirflug yfir svæðið, Þristurinn „Páll Sveinsson“, þyrla
Landhelgisgæslunnar og þá verður senuþjófurinn án efa F-18 orrustuþota frá kanadíska flughernum.
Þá verða nokkrir drónar sem munu verða til sýnis á svæðinu en meðal þeirra er stærsti dróni Íslands
og þá má einnig sjá véldreka, paramótor og svifvængi auk fjölda minni flugvéla og þar á meðal
Yakkar og Piperar.
Veðurspáin fyrir laugardaginn er hin þokkalegasta en spáð er bjartviðri og allt að 14 stiga hita.
Flugsýningin hefst klukkan 12 á hádegi og stendur rétt fram yfir kl. 15:00.
Hér má nálgast event-síðu um flugsýninguna á Facebook
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
