flugfréttir
Stefndi beint á fjall eftir flugtak frá Hong Kong
- Tók beygjuna of snemma
5. júní 2017
|
Frétt skrifuð kl. 14:44
Airbus A320 þota frá Air China í flugtaki í Hong Kong
Flugumferðarstjóri í Hong Kong náði í gær að forða farþegaþotu frá Air China frá mjög hættulegum aðstæðum þar sem vélin stefndi beint á fjall skömmu eftir flugtak.
Vélin, sem er af gerðinni Airbus A320, var í flugtaki á Chek Lap Kok flugvellinum í Hong Kong
á leiðinni til Chengdu í Kína þegar flugmennirnir tóku beygjuna of snemma og stefndu beint á fjallið á eyjunni Lantau
sem flugvöllurinn liggur við en hefðbundin brottfararleið liggur lengra til vesturs og taka vélarnar beygjuna þegar
þær eru komnar lengra frá og í öruggri fjarlægð frá fjallinu.
Flugumferðarstjóri gerði flugmönnum vélarinnar strax viðvart að þeir væru að beygja of snemma og í upptöku af samtali mátti heyra flugumferðarstjórann segja: „Air China flight 428, expedite climb, terrain ahead, terrain alert – expedite climb passing 5,000 feet – expedite“.
Lantau-fjallið við flugvöllinn í Hong Kong
Vélin var komin í 3.400 feta hæð þegar hún tók stefnuna að fjallinu sem er 3.066 fet á hæð en lágmarks öryggishæð
yfir eyjunni er 4.300 fet.
Einn flugstjóri, sem er kunnugur flugvellinum í Hong Kong, sagði í viðtali í kínverskum fjölmiðlum, að þetta
hefði geta farið mjög illa og tók hann fram að ef flugumferðarstjórinn hefði ekki komið strax auga á mistökin
sem flugmennirnir gerðu hefði flugvélin haldið áfram og stefnt beint á Lantau-fjallið.
Flugvélin hélt för sinni áfram og lenti tveimur tímum síðar í Chengdu í Kína.
Brottfararleið Air China vélarinnar að ofan og að neðan má sjá hefðbundna brottfararleið af sömu braut til meginalands Kína.
Launtau-eyjan með Chep Lap Kok flugvöllinn í Hong Kong í baksýn
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
