flugfréttir
„Boeing 737 MAX 10 mun heppnast álíka vel og 767-400“
- Sölustjóri Airbus segir að Boeing hafi tapað baráttunni í meðalstórum þotum
7. júní 2017
|
Frétt skrifuð kl. 12:29
John Leahy, sölustjóri Airbus
Sölustjóri Airbus, John Leahy, telur að enn lengri útgáfa af Boeing 737 MAX, sem mun koma til með að kallast Boeing 737 MAX 10, verði álíka „velheppnuð“ og Boeing 767-400 og Boeing 757-300 vélarnar voru á sínum tíma.
Þetta sagði Leahy í viðtali á ársfundi Alþjóðasamtaka flugfélaganna (IATA) sem lauk í Cancun í Mexíkó
í gær.
„Ég von að þetta verði að veruleika hjá þeim. Þetta verður ágætis flugvél“, segir Leahy sem tók
fram að vélin muni samt sem áður ekki komast með tærnar þar sem Airbus A321neo hefur hælana.
Boeing tilkynnti í mars í vor að til stæði að framleiða enn lengri útgáfu af Boeing 737 MAX sem mun koma til með
að taka allt að 230 farþega og er von á því að 737 MAX 10 verði formlega kynnt til leiks á flugsýningunni í París
sem hefst í þessum mánuði.
John Leahy
Sérfræðingar í fluginu segja að fá flugfélög hafa sýnt Boeing 737 MAX 10 áhuga þótt þau séu nokkur og þá
efast flugvélaleigur um kosti hennar.
Leahy líkir Boeing 737 MAX 10 við lengingar á Boeing 767 vélinni þegar 767-400ER kom á markaðinn árið 2000
en aðeins voru 37 eintök af þeirri vél smíðið af þeim 1.098 Boeing 767 þotum sem hafa verið smíðaðar frá upphafi.
„Þetta voru ágætis lengingar sem gerðar voru á vél sem misstu bæði flugþol og eiginleika sína og markaðurinn
leit ekki við þessum vélum“, segir Leahy.
Leahy hélt áfram og segir að aðstæðurnar séu einfaldlega þær að Boeing er í krísu að keppa við Airbus
á markaðnum er kemur að meðalstórum farþegaþotum í skugga velgengninnar sem Airbus A321 þotan hefur notið.
„Þeir áttu markaðinn í mörg ár þegar kom að meðalstórum farþegaþotum með einum gangi en nú hafa þeir
tapað baráttunni. Þeir hafa ekki Boeing 757 lengur og þeim hefur ekki tekist að koma með aðra vél í staðinn
fyrir hana, Boeing 767 hefur horfið af sjónarsviðinu og við ráðum núna yfir markaðnum“, segir Leahy.
6. júlí 2023
|
Icelandair hefur staðfest pöntun í allt að 25 Airbus A321XLR þotur en um er að ræða staðfestingu á samkomulagi er flugfélagið gerði í apríl í vor við Airbus.
5. júlí 2023
|
Framkvæmdarstjórn Evrópusambandsins ætlar að hefja rannsókn á þeirri endurfjármögnun sem sænska og danska ríkið gerði á rekstri SAS í heimsfaraldrinum og skoða hvort að öllum reglugerðum og lögum ha
4. júlí 2023
|
Að minnsta kosti 12 manns slösuðust í mikilli ókyrrð um borð í breiðþotu frá Hawaiian Airlines sl. föstudag er þotan var á leið frá Hawaii til Ástralíu.
4. júlí 2023
|
Air Atlanta Europe tók nýlega í notkun tvær Boeing 777-300ER breiðþotur sem fyrirtækið hefur áframleigt til Saudia.
28. júní 2023
|
Farþegaþota frá Delta Air Lines lenti án nefhjóls á Charlotte/Douglas í Norður-Karólínu í dag.
28. júní 2023
|
Airbus hefur hafið samstarf við fyrirtækið LanzaJet um að hraða þróun og vottun á sjálfbæru eldsneyti sem vonast er til þess að geti leyst af hólmi þörf fyrir hefðbundið þotueldsneyti á næstu árum.
28. júní 2023
|
Eftirlitsmaður samgönguráðuneytis Bandaríkjanna hefur gefið út skýrslu þar sem fram kemur að skortur á flugumferðarstjórum á vegum bandarískra flugmálayfirvalda (FAA) sé áhyggjuefni sem þarf að taka
26. júní 2023
|
Pólsk farþegaþota frá flugfélaginu Enter Air fór óvart inn í úkraínska lofthelgi um helgina þegar flugmenn vélarinnar voru að sneiða hjá þrumuveðri.
